12.
Jisas Krais save bringim amamas
Doktrin na ol Kavanen 101:36
Papa bilong yu long Heven i amamas Em laikim yu, pikinini bilong Em, long gat planti amamas. Bilong dispela as Em i mekim redi plen bilong amamas Em salim Pikinini bilong Em, Jisas Krais, long kamap Sevia bilong yu na tisim Gospel bilong Em. Dispela tok gospel i minim “gut nius,” na dispela gut nius em olsem bikos long Jisas Krais, yu ken gat amamas long dispela laip na pulap bilong amamas oltaim oltaim.
Ol Tok Tru bilong Oltaim Oltaim
Yu mas gat amamas. Dispela em as bilong laip bilong yu. Em i as bilong plen bilong amamas bilong Papa long Heven. Dispela i no min olsem yu bai no inap kamap sore o bungim ol salens. Tasol em i minim olsem Sevia inap helpim yu go thru long ol salens na painim amamas.
Amamas i no save kam long ol hevi bilong yu; no at em kam long bihainim Jisas Krais. Yu inap gat wanpela nogut dei, wanpela nogut wik, o wanpela nogut yia. Tasol amamas i minim olsem sori i no stap long laip bilong yu; em stap bilong Krais insait long laip bilong yu.
Amamas bilong Sevia i moa na bai stap longpela taim long narapela ol samting. Satan bai traim yu long painim pilai na sindaun i orait long ol selpis wei o ol amamas bilong graun. Ol samting we i agensim Jisas Krais na komanmen bilong Em bai no inap bringim amamas tru, long stap longpela taim. Tingim olsem ol samting bilong dispela graun i bilong liklik taim tasol. Gospel bilong Jisas Krais i givim amamas bai istap insait tru long bel, holi, na bai stap oltaim oltaim.
Ol invitesen
Susim amamas. Em i tru olsem i gat sore na hevi long dispela wol, Papa long Heven tu i pulmapim dispela wol wantaim planti ol gutpela samting. Yumi mas painim ol. Traim long painim ol as bilong amamas olgeta de—na raitim ol go daun. Dispela em ol presen i kam long Papa long Heven bilong yu.
Bringim amamas long ol narapela. Jisas krais i painim amamas long bringim i kam long yumi. Yu ken bihainim eksampel bilong Em long painim amamas long sevim ol narapela. Helpim wanpela pilim lav. Givim wanpela gutpela toktok. Strongim wanpela husat i painim hat stap. Sapos yu bin pilim olsem yu nidim amamas moa insait long laip bilong yu, traim long bringim amamas long narapela.
Amamas long lotuim Bikpela Taim yu go long Sios, fokas long amamas we Jisas Krais i givim yu, na litimapim Em long dispela! Pleim pat bilong yu long kontribiut long gutpela spirit bilong amamas long ol Sios miting bilong yu. Mekim sekred musik i pat bilong yu long lotu long haus na long Sios.
Ol Promis Blesing
Yu ken pilim amamas maski laip i hat tumas. Yu ken tingting hau dispela em i kamap, tasol em i tru. Feit bilong yu long Jisas Krais, hiling pawa bilong Em, na oltaim oltaim promis bilong Em ken givim yu amamas olgeta taim. Amamas bilong Em i winim sore na bringim bel isi we i abrusim olgeta save
Bikpela amamas i weitim yu insait long selesel kingdom bilong God. Jisas Krais i winim olgeta samting we inap holim yu bek long kisim amamams bilong oltaim. Taim yu bilip na bihainim Em, dispela amamas em bai bilong yu.
Ol Kwesten na Ansa
Sapos gospel em bilong amamas, bilong wanem na mi pilim sore? Pilim sore em i no sain olsem yu i no bihainim gospel. Laip bilong olgeta i gat ol salens, traim, na sore. Bihainim Jisas Krais i no inap senisim dispela, tasol em i save konektim yu wantaim Sevia husat i ken givim yu bel isi na helpim yu painim amamas.
Bilong wanem na i gat planti hevi insait long dipela wol? Sampela ol hevi insait long wol i kam bikos ol pipol yusim laik bilong ol long mekim rong sois. Dispela ken kamapim ol hevi long ol yet na long ol narapela. Hevi em i no rong bilong wanpela—em kamap bikos yumi stap long dispela wol i no stret. Wanem samting i kamapim dispela hevi, yu ken pilim bel sore long lukim wanpela i bungim hevi, moa yet wanpela yu laikim tumas. Save olsem God tu i pilim sore taim yu kisim hevi. Em larim ol traim bilong dispela graun long helpim yu gro na redi long amamas oltaim wantaim Em, tasol em no save larim yu long bungim hevi yu yet. Em salim Jisas Krais long kisim long Em yet pen bilong yu olsem Em inap helpim yu. Jisas Krais Em i strong bilong yu! Na Em i invaitim yu, olsem wanpela bilong ol lain i bihainim Em, long mekim wanem samting yu ken long helpim rausim ol hevi bilong ol narapela.
Lukim Song Bilong Solomon 16:11 insait long stap bilong God i pulmap wantaim amamas;95:1singsing i go long Bikpela; Jon 16:33yupela mas stap amamas; Jisas Krais i winim dispela wol; Galesia 5:22 prut bilong Spirit em i amamas; Hibru12:22 Nifai 2:25God laikim yu long gat amamas); Alma 26:15–16mekim wok bilong God i lida i go long amamas bikpela amamas bai kam taim yu helpim ol narapela ol narapela kam long Krais).
Ol Temple Rekomen Kwesten
-
Yu gat testimoni bilong Atonmen bilong Jisas Krais na wok bilong Em olsem Sevia na Ridima bilong yu?