9.
Yu gat blesing bilong ol prishud ki na atoriti.
Matthew 6:18–19
Taim Jisas i bin tisim Peter long prishud atoriti, Em bin toktok long ol ki. Ol ki em bilong yusim long opim ol samting. Ol prishud ki inap opim ol pawa bilong God, ol presen, na ol blesing insait long laip bilong yu.
Tok tru bilong oltaim oltaim
Olgeta prishud ki na atoriti i kam long Jisas Krais. Olgeta prishud holda i ken painim atoriti bilong em go bek long Em. Em laik bilong Sevia long makim husat long kisim dispela atoriti na husat long kisim ol prishud ki. Yumi trastim stretpela save bilong Em.
Jisas Krais i restorim prishud bilong Em long tede. Em save dairektim hau long yusim prishud. Adam, Moses, Peter, na planti ol narapela profet thru aut long histri bin kisim ol prishud ki. Long taim bilong yumi, Joseph Smith bin kisim ol prishud ki i kam long John Baptis, Peter, Moses, Elias, Elijah, na ol narapela. Ol memba bilong Nambawan Presidensi na Kwarum billong Twelvpela Aposel i holim olgeta prishud ki long ples graun tede. Ol lokol prishud lida na kwarum presidensi tu i holim ol prishud ki bilong ol koling bilong ol. Ol prishud ki i go pas long wok bilong God. Ol save givim tok orait na strongim ol man na meri long halivim insait long dispela wok.
Prishud atoriti save blesim olgeta ol pikinini bilong God. Bikos prishud bin restod, yu ken kisim ol odinens na mekim ol kavanen wantaim God. Yu ken ekt long nem bilong God taim yu kisim asainmen o koling i kam long wanpela husat gat atoriti.
Ol invitesen
Ekseptim ol koling long Sios na sev wantaim feit. Taim yu kisim wanpela koling long Sios, yu ken setim apat wantaim atoriti i kam long God long serv insait long dispela wok. Yu ken kisim tu gaidens i kam long God bilong sevis bilong yu. Taim yu sev, yu makim Jisas Krais. Givim Em olgeta gutpela bilong yu.
Sasteinim ol lain husat God bin kolim ol long sev. Long sasteinim wanpela em i min moa long yu apim han bilong yu go antap taim ol singautim nem long Sios miting. Em i min long sapotim na helpim. Painim ol wei long soim olsem yu sasteinim ol lain Jisas Krais bin singautim long wok insait long Sios bilong Em.
Pinisim ol wok ol Sios lida i givim yu—wantaim ol kwarum o klas presidensi i givim. Ol gat atoriti i kam long God, we ol makim yu long mekim. Yu bai kisim asainmen long go minista long wanpela, welkamim ol lain taim ol kamap long sakramen miting, o helpim wantaim ol ektiviti. Wanem kain asainmen ol givim, lukim olsem wanpela sans long kamap disaipel bilong Jisas Krais na sevim ol Pikinini bilong God.
Ol Promis Blesing
Yu ken trastim dispela ol odinens yu kisim we Jisas Krais i bin givim tok orait. Dispela em wanpela ol samting i mekim Sios bilong Jisas Krais i narakain tru. Thru long prishud odinens, pawa bilong God em kamap klia.
Yu bai kamap wanpela instramen long han bilong Bikpela. Taim yu sevim Bikpela wantaim atoriti bilong Em na aninit long daireksen bilong ol wokman bilong Em husat i holim prishud ki, Em bai helpim yu save hau long sevim ol narapela long wok bilong Em. Jisas Krais Em i strong bilong yu. Sevis bilong yu bai helpim yu kam klostu long Em na bringim yu amamas.
Ol Kwesten na Ansa
Husat long wod bilong mi i holim ol prishud ki? Bisop na presiden bilong ol elders, tisa na dikon long ol kwarum i holim ol prishud ki. Dispela i minim Bikpela i makim ol long dairektim hau long yusim long sevim na blesim olgeta insait long wod.
Hau bai ol prishud ki blesim mi? Ol odinens olsem baptisim na sakramen i gat tok orait i kam long ol prishud ki. Taim yu kisim wanpela koling long Sios, yu ken set apat aninit long daireksen bilong wanpela husat i holim ol ki. Dispela i blesim yu wantaim atoriti long sev long dispela koling. Ol Sios lida na ol tisa husat i sevim yu tu i kisim ol prishud atoriti thru long ol ki.
Hau ol man na meri i save sev wantaim prishud atoriti? Ol woti man i gat ol prishud long ol na i odeinim ol i go long ol prishud ofisa olsem ol dekon, tisa, pris, na elda. Tupela man na meri husat i set apat long sev long wanpela koling i kisim deleget prishud atoriti i kam long God long fulfilim dispela koling. Wankain i tru bilong ol meri na man husat i kisim wanpela asainmen i kam long Sios lida.
Lukim Doktrin na ol Kavanen 35:24-27 (Sios i stap aninit long ol ki we Bikpela i bin givim.); 107:18–20 (ol ki bilong Melkisedek Prishud na Aronik Prishud);110:11–16 (Moses, Elias, na Elijah bin restorim ol ki).
Ol Temple Rekomen Kwesten
-
Yu sasteinim Presiden bilong Sios bilong Jisas Krais bilong ol Seint long Las-de olsem profet, sia, na revelata na olsem wanpela tasol long ples graun i gat atoriti long karim aut ol prishud ki?
-
Yu sasteinim Namba wan Presidensi na Kwarum bilong ol Twelpela Aposel olsem ol profet, sia na ol reveleta?
-
Yu sasteinim ol narapela Jeneral Atoriti na ol lokal lida bilong Sios?