6.
Laikim God, Laikim ol Neiba bilong Yu
Matthew 22:37–40
Long helpim yu mekim ol gutpela sois, God save givim ol komanmen. Em mekim dispela bikos Em lavim yu. Na gutpela as bilong bihainim ol komanmen bilong God em bikos yu lavim Em. Lav em i stap insait long ol komanmen bilong God.
Tok tru bilong oltaim oltaim
God i lavim yu. Em i Papa bilong yu. Stretpela lav bilong Em inap soim yu long lavim Em. Taim lav bilong yu long Papa long Heven em i impoten samting insait long laip bilong yu, planti ol disisen save kamap isi tru.
Tupela ol bikpela komanmen em long lavim God na neiba bilong yu. Na husat em i neiba bilong yu? Olgeta man! Olgeta samting yu lainim long ol skripsa na ol profet em nokek long dispela tupela ol komanmen.
Olgeta pipol em ol brata na susa bilong yu—wantaim, ol pipol husat em no wankain long yu o i no save wanbel wantaim yu. Papa long Heven i laikim ol pikinini bilong em lavim wanpela narapela. Taim yu sevim ol pikinini bilong Em, yu wok long sevim Em.
Ol invitesen
Soim lav long God long holim pas ol komanmen bilong Em. Eksample, long kipim Sabat de holi, wantaim redi long teik pat long sakamen, yu soim God olsem yu laik tru long dediketim wanpela de insait long wik i go long Em. Taim yu tabuim kaikai na peim taiths na ofaring, yu soim God olsem wok bilong Em i impoten moa long ol samting bilong graun. Taim yu yusim ol nem bilong God na Krais wantaim rispek, yu soim olsem yu amamas long olgeta samting yu gat.
Soim gut pasin long olgeta man olsem pikinini bilon g God. Olsem disaipel bilong Jisas Krais, yu ken go pas long soim olgeta ol pipol, ol lotu, na narapela ol grup wantaim lav na rispek—espesali ol lain husat sampela taim i viktem bilong ol tok nogut na ol eksen. Go na mekim gut long ol manmeri husat pilim em i stap wanpis, stap longwe long ol narapela, o i no gat help. Helpim ol pilim lav bilong Papa long Heven thru long yu. Serim wantaim ol blesing Em givim yu, na invaitim ol long bihainim Jisas Krais.
Mekim sua tokples bilong yu soim lav bilong God i go long ol narapela—maski yu toktok long pes o onlain. Tokim ol samting bai litimapim—i no samting bai brukim, givim pen, o bangarapim, na tu long tok pilai. Ol toktok bilong yu i ken gat pawa. Larim ol i gat strong long mekim gut.
Soim lav i go long famili bilong yu. Lavim olgeta pikinini bilong God i stat long haus. Mekim wok bilong yu long haus ples we olgeta man ken pilim lav bilong Sevia.
Ol Promis Blesing
relasensip bilong yu wantaim God bai dipen taim yu soim lav bilong yu taim yu bihainim o komanmen bilong Em na holim pas ol kavanen wantaim Em.
relasensip bilong yu wantaim ol narapela bai dipen taim yu soim lav bilong yu thru long servis bilong Krais. Yu bai painim amamas long mekim wol i kamap ples i gat moa lav.
Ol Kwesten na Ansa
Hau bai mi pilim lav bilong God? Lav bilong Papa long Heven i stap olgeta taim. Toktok long Em thru long prea. Serim ol piling bilong yu wantaim Em, na putim gut iau long ol liklik tingting i kam long Em. Ritim ol toktok insait long ol sripksa. Tingim olgeta samting we Em bin mekim long yu. Spendim taim long ol ples na samting yu wokim we Spirit bilong Em i stap.
Bikpela i laikim mi long lavim olgeta manmeri, maski ol pasin bilong ol i nogut long mi? Bikpela i laikim yu long lavim ol birua bilong yu na pre long ol lain i no wokim gut long yu. Tasol, dispela i no minim olsem yu mas stap long wanpela hap we i save bagarapim bel, bodi, o spirit bilong yu. Putim ol limit long kipim yu seif. Sapos ol i bagarapim yu o mekim nogut long yu, o sapos yu save olsem dispela i kamap long narapela, toktok wantaim wanpela bigman yu save trustim.
Hau na wanem taim bai mi save long ol memba bilong oposit seks? Gutpela wei long save long ol narapela em thru long trupela prensip. Taim yu yangpela, bildim gudpela prensip wantaim planti lain. Long sampela kastom, ol yangpela i save bung wantaim ol man o meri long gutpela rot bilong grup wok na bung. Long gutpela bel na spirit bilong yu, na long sefti bilong yu, posponim ol wan on wan ektiviti inap yu kamap bikpela—16-pela yia em gutpela rot bilong laikim dispela. Kaunsel wantaim ol famili bilong yu na ol lidas. Seivim ol rilesen long taim yu kamap bikpela. Stap wantaim ol lain husat i helpim yu holim pas ol komitmen bilong yu i go long Jisas Krais.
Wanem samting bai mi mekim sapos haus bilong mi em i no ples i gat lav? Sevia bilong yu save long hevi yu bungim stap, na Em lavim yu. Stap isi, gohet long holim pas ol komanmen bilong God, na kamap gutpela eksample long famili bilong yu. Ol liklik pasin bilong yu long soim lav inap mekim bikpela senis. Yu ken kamapim ol relasensip insait long wad famili bilong yu. Redi nau long bildim famili faundesen bilong yu antap long ol tising bilong Jisas Kraiss. Tingim: Jisas Krais Em i strong bilong Yu!
Lukim Aisea58:3–11 (as tru bilong tambuim kaikai); 58:13–14 (ol blesing bilong onaim Sabat); Malakai 3:8–10 (ol blesing bilong peim taith); Luke 6:27–28 (lavim ol man birua bilong yu); 10:25–37 (husat em i neiba bilong mi?); Jon 3:16–17 (God i lavim yumi, olsem na Em i salim Pikinini Man bilong Em); 14:15 (yumi holim pas ol komanmen bikos yumi lavim God1 John 4:19 (yumi lavim God bikos Em lavim yumi); Mosaia 2:17 (taim yumi sevim ol narapela, yumi wok long sevim God).
Ol Temple Rekomen Kwesten
-
Yu save bihainim ol tising bilong Sios bilong Jisas Krais insait long praivet na pablik laip bilong pasin bilong yu wantaim ol memba bilong famili bilong yu na ol narapela lain?
-
Yu wanpela man i save peim ful-tait?