Kaikai long ol toktok bilong Bikpela , Liz Lemon Swindle i mekim Dispela lait i kam long heven
11.
Tok tru bai mekim yu fri
John 8:32
Papa bilong yu long Heven em i God bilong tok tru. Em i save long olgeta samting. Tok tru save kam long Em na lid go bek long Em. Yu soim olsem yu luksave long tok tru taim yu wok long lainim, stap gut long pasin stret, na strong long stap bilong tokaut long ol samting yu save em i stret—maski yu mas stap yu yet.
Tok tru bilong oltaim oltaim
Papa long Heven i laikim ol pikinini meri na man long lainim olgeta taim. Yu gat tupela temporal na spiritsual as long painim na laik long lainim. Edukesen i no bilong mekim moni taso. Em i pat bilong itenal gol bilong yu long kamap moa olsem Papa long Heven.
Stap long pasin stret i minim olsem yu laikim ol samting stret long ai bilong God —moa long olsem yu laikim bel isi bilong yu yet, ol pren we planti man i laikim, o ol samting i isi long yu. Em minim olsem long mekim wanem samting i rait bikos em i rait.
Yu gat samting dia long serim. Gospel bilong Jisas Krais i holim ol ansa long ol kwesten bilong laip. Em i wei i go long bel isi na amamas. Yu no inap long save long olgeta samting, tasol yu save long lavim neiba bilong yupela, serim ol trupela prinsiple wantaim ol, na invaitim ol long lainim moa.
Ol invitesen
Lainim olgeta taim. Painim ol sansilong long apim long tingting na ol skil bilong yu. Dispela ol sans i kam wantaim fomal edukesen long skul o vokesenel training, tu, kisim save long ol samting i no formal long ol ples yu save trustim. Inkludim Bikpela long ol hatwok bilong yu, na Em bai gaidim yu.
Lainim ol spirtsual tok tru. Taim yu lanim long wol raunim yu, lainim tu long Sevia, husat kamapim wol. Stadim laip na ol tising bilong Em. Mekim seminari, institut, na gospel stadi bilong wanwan olsem pat bilong lainim bilong yu. Em ken redim yu long sevim misin na serim gospel thru aut long laip bilong yu.
Stap wantaim pasin bilong tok tu. Noken stil, giaman, bagarapim tingting bilong narapela—long skul, wok, onlain, olgeta hap. Kamap dispela sem feitful foloa bilong Jisas Krais long pablik na praivet.
Ol Promis Blesing
Edukesen save inkrisim save bilong yu long sevim Bikpela inkludim olsem wanpela misinari. Em save strongim yu long blesim ol narapela, espesali famili bilong yu. Moa yu lainim, yu ken helpim bildim kingdom bilong God moa na mekim gutpela senis long wol.
Onesti save bringim bel isi na respek long yu yet. Taim ol toktok na eksen bilong yu i go wantaim tok tru, yu soim olsem ol narpela na Bikpela i ken trastim yu.
Taim yu sanap wantaim ol tising bilong Jisas Krais, Em save sanap wantaim yu. Jisas Krais Em i strong bilong yu! Ol narapela lain bai i no wanbel wantaim ol bilip bilong yu, tasol gutpela pasin bilong yu bai lain i luksave. Ol narapela i bihainim eksample bilong yu o nogat, tesimoni bilong yu, konfidens, na feit insait long Krais bai gro.
Ol Kwesten na Ansa
Em i rong long gat ol kwesten long ol samting bilong Sios? Hau bai mi painim ol ansa? Gat ol kwesen em i no sain bilong wiknes o nogat feit. Em tru olsem, askim kwesten ken helpim yu bildim feit. Restoresen bilong gospel bin stat taim 14 yia ol Joseph Smith bin askim ol kwesten wantaim feit. Painim ol ansa insait long ol skripsa, long ol toktok bilong ol profet bilong God, i kam long ol lidas na ol feitful famili memba, na long God Em yet. Sapos yu no kisim ol ansa nau yet, trast olsem yu bai lanim lain antap long lain. Gohet long stap long wanem samting yu save pinis, na gohet long painim tok tru.
Hau bai mi stap strong long wanem samting em i rait na noken bagarapim bel bilong ol lain i gat narakain bilip? Stat long mekim sua ol toktok bilong yu na ol eksen,ol i laikim God na ol pikinini bilong Em. Serim gospel i no long pasin bilong pait, tasol long pasin i klia, isi, na gutpela bel. Yu ken laikim ol narapela maski yu no wanbel long ol tingting bilong ol. Kamap gutpela eksample olsem foloa bilong Jisas Krais long wei yu stap.
Lukim Matyu5:14–16 (Larim lait bilong yu shain); John 14:6 (Jisa em i tok tru); 1 Pita 3:15 (redi olgeta taim long serim hop bilong yu long krais); Doktrin na ol Kavanen 88:77–80 (ol samting God laikim yumi long lainim); 88:118 (kisim save long ol gutpela buk); 93:36 (glori bilong God em i Bikpela tru); 124:15 (integriti i minim olsem long lavim wanem samting i rait); 130:18 (save bilong yumi bai go antap wantaim yu taim yumi kirap bek).
. Ol Temple Rekomen Kwesten
-
Yu save wok hat long stap onest long olgeta samting yu mekim?
-
Yu save sapotim o promotim sampela tising, pasin, o doktrin we i no wankain olsem bilong Sios bilong Jisas Krais bilong ol Seints long Las De?