Plen bilong God em bilong yu

Papa long heven em i papa bilong dispela plen. Em Papa bilong spirit bilong yu, na Em laikim yu tru. Em i laik long givim yu bikpela blesing bilong Em—laip oltaim wantaim Em. Dispela i olsem, Em laikim yu long kamap moa olsem Em na stap insait long dispela laip bilong Em we i pulap wantaim amamas na biknem. Em i gat olgeta strong na Em i save long olgeta samting. Yu ken bilip long Em, maski laip i hat.

Jisas Krais Em i mekim dispela plen i kamap tru. Bipo God i kamapim dispela graun, Papa long heven i makim Em long kamap Man bilong Kisim Bek yu. Jisas Krais tasol i ken bringim yu go bek long Papa bilong yu long heven. Dispela em as bilong laik bilong yumi long bihainim Em. Olgeta samting i stap aninit long dispela laik!

Marit na famili em i bikpela samting long plen bilong God. Yu em wanpela hap bilong dispela rot bilong God, na olgeta ol spirit pikinini bilong Em kam long ples graun long plen bilong long wanpela mama na papa. God laikim ol pikinini meri na man long wokabaut wantaim i go long kisim laip i stap gut oltaim na i gutpela tru. Man na meri i wok wantaim long wanpela marit we i pulap wantaim pasin laikim na pasin wanbel. Laip bilong famili hia long graun—maski wantaim olgeta samting i no stret—ken bringim bikpela amamas. Em long redim yu long laip i stap gut oltaim wantaim God.

Holim pasim lukluk bilong laip oltaim oltaim. Long taim yu bungim ol traim, bel hevi, o ol laik i hatpela, tingim rot bilong God. Lukim wanem rot ol tok i tru yu save long en, long plen bilong Em, i ken helpim yu gat narapela lukluk long ol hevi i kam long yu.

Painim han bilong God insait long laip bilong yu. Luksave long ol rot God i wok long blesim yu. Ating em wanpela gutpela pasin wanpela i soim yu, sotpela taim bilong bel isi, o bekim bilong beten.

Yu mas laik long bihainim plen bilong God. Lainim wanem samting Papa bilong yu long heven i laik yu mas mekim. Painim gaidens bilong Em taim yu stadim ol skripsa, ol toktok bilong ol profet bilong nau, long famili tokaut, na patriakel blesing bilong yu. Dispela bai helpim yu redi long mekim wok bilong Bikpela, olsem wanpela misinari na long olgeta laip bilong yu. Mekim ol wok i go long Bikpela, marit bilong oltaim oltaim, na lukautim ol pikinini em i wanpela bikpela samting. Mekim wanpela hap wok long mekim famili i pulap long amamas, long rot bilong bihainim ol skul toktok bilong Jisas Krais.

Yu ken bungim ol traim bilong laip wantaim strong na gutpela tingting long Krais, long ol samting bai kamap bihain. Yu save pinis long plen bilong God bilong stap oltaim, olsem na yu gat wanpela bikpela tul bilong helpim yu long hatpela taim. Yu save olsem laip i gat planti samting moa, moa long wanem samting i kamap namel long taim mama karim yu na taim yu dai. Yu save long yu yet, wanem as bilong yu, na husat yu ken kamap wantaim helpim bilong Jisas. Jisas Krais em strong bilong yu!

Yu ken kisim laip i stap gut oltaim oltaim, taim yu bihainim Jisas Krais. Em bai givim yu strong long kamap moa olsem Em, go bek long papamama bilong yu long heven, na stap amamas wantaim ol husat yu laikim tru oltaim. Bilip long Jisas Krais.