Toksave i kam long Namba Wan Presidensi

Mipela laikim yupela, na mipela i bilip olsem yupela i strong. Tru tumas, yu wanpela bilong ol spirit Papa long Heven i holim long bel stret, na Em bin salim yupela kam daun hia long graun long dispela taim long mekim ol bikpela wok.

Yupela i gat bikpela strong na yupela i ken mekim wok, moa long wanem yu ting yu ken mekim. Na taim yu kisim strong long Jisas, strong bilong yu bai go bikpela moa yet. Em i “strong bilong ol yut.”

Dispela gaid buk bai helpim yu kamapim strongpela faundesen long mekim ol samting long stap long rot we i go long laip i stap gut oltaim oltaim. Em bai helpim yu redi long mekim ol sekred kavanen insait long temple, redi long go mekim wok misin, na painim amamas taim yu bihainim Jisas Krais oltaim long laip bilong yu. Yu gat bikpela hap insait long Sios bilong Em. Jisas Krais bai helpim yu inapim wanem ol wok Em gat bilong yu.

Mipela save olsem God i stap laip. Mipela beten olsem yupela bai stap strong long rot bilong kavanen—dispela rot bilong mekim na bihainim ol sekred kavanen wantaim God. Dispela em i rot bilong bringim yu go bek long Papa bilong yu long heven. Taim yu mekim dispela, yu bai kamap piksa bilong gutpela pasin, autim gospel wantaim amamas, bungim wantaim ol pikinini bilong God, na redim ol manmeri long Kam Bek bilong Jisas. Tingim: Jisas Krais em strong bilong yu!