Mekim ol sois spirit i givim yu tingting long mekim

Insait long Bilong Strong bilong ol Yut, yu bai painim ol tising bilong Jisas Krais na ol profet bilong Em. Wantaim dispela ol tok tru olsem gaid bilong yu, yu ken mekim ol gutpela samting bel bilong yu i kirap long mekim we bai blesim yu nau na oltaim.

Yu wanpela spirit pikinini bilong God Em i laikim tru. Dispela bikpela plen bilong amamas i mekim isi long yumi long kisim strong bilong spirit na kamapim ol samting bilong God long laip bilong yu. Em salim Jisas Krais long kisim bek yu.

Papa bilong yu long Heven i gat bilip long yu. Em givim yu ol bikpela blesing, olsem dispela trupela gutnius na ol odinens holi na ol kontrak we i pasim yu wantaim Em na bringim strong bilong Em kam insait long laip bilong yu. Bikpela wok na amamas i kam wantaim ol dispela kavanen. Em save olsem yu ken mekim senis long dispela wol, na dispela i min, long planti taim, bai yu mas narapela kain long olgeta insait long dispela wol. Painim gaidens i kam long Papa long Heven taim yu makim ol sois. Em bai blesim yu wantaim gutpela tingting thru long Holi Gos.

Jisas Krais em i rot i go long amamas i nogat pinis. Taim yu yusim fridom bilong yu long bihainim Jisas Krais, yu stap long rot we i lid i go long amamas i no save pinis. Mekim Jisas Krais olsem stended bilong yu, strongpela faundensen bilong yu. Bildim laip bilong yu antap long ol tising bilong Em, na skelim ol sois bilong yu i kam long ol. Ol kavanen yu mekim long baptisim, long sakramen, na insait long temple em ol bilding blok bilong strongpela faundesen bilong yu insait long krais. Yu bai bungim ol hevi na ol triam, tasol Papa long Heven na Sevia bai helpim yu abrusim olgeta.

As bilong dispela buklet Bilong Strongim ol Yut em i no long givim yu “yes” o “no” long olgeta ol sois yu bai bungim. Tasol, Bikpela i invaitim yu long stap long wei na pasin i antap tru—laip i fokas long ol tok tru bilong oltaim na ol promis blesing bilong Bikpela. Dispela em wei bilong Em. Dispela gaid bai tisim yu long ol wei bilong Em. Em tok klia long ol tok tru Em bin soim. Mekim dispela tok tru olsem gaid bilong yu taim yu mekim ol sois—ol bikpela sois, olsem mekim ol kavanen insait long temple na sevim misin, wantaim tu ol sois bilong wan wan de, olsem wanem long soim gut pasin long pipol o hau long yusim taim bilong yu.

Ol narapela inap halivim yu, tasol spiritsual grot em bilong yu wan. Em i wok bilong yu. Traim bes bilong yu long mekim gut long wan wan de, holim pas ol komanmen bilong God na honaim ol kavanen bilong yu, na helpim ol narapela kam klostu long Sevia.

lukim Mosai 4:29–30 (ol wei bilong mekim sin i planti, olsem na yumi mas putim was long yumi yet); Helaman 5:12 (bildim faundesen bilong yu long Krais); Doktrin na ol Kavanen 45:57 (kisim Holi Spirit olsem gaid bilong yu); 25:13 holim strong ol kavanen bilong yu).