Umubiri wanyu uratagatifujwe

Umubiri wanyu uri mu ishusho y’Imana—Ikiremwa cy’ikuzo risumba ayandi kandi cy’igihangange kuruta ibindi mu isanzure. Ibyanditswe bitagatifu bigereranya imibiri yacu n’ingoro ntagatifu, ahantu Roho ashobora gutura. Birumvikana, umubiri wanyu ubu ntutunganye. Ariko ibihe muri kunyuramo mwambaye umubiri wanyu bishobora kubafasha kwitegura kwakira umunsi umwe umubiri utunganye, wazutse kandi wahawe ikuzo.

Ubugingo bwanyu bugizwe n’umubiri wanyu na roho yanyu. kubw’iyi impamvu, ubuzima bw’umubiri n’ubwa roho birahuje cyane. Umukiza yahishuye Ijambo ry’Ubushishozi kugira ngo yigishe amahame yo kwita ku mubiri wanyu kandi asezeranye imigisha y’umubiri n’iya roho.

Ibyiyumviro byo gukora imibonano mpuzabitsina ni igice cy’ingirakamaro cy’umugambi w’Imana kugira ngo kireme ishyingiranwa ryuje ibyishimo n’imiryango ihoraho. Ibi byiyumviro ntabwo ari icyaha: biratagatifujwe. Kubera ko ibyiyumviro byo gukora imibonano mpuzabitsina bitagatifujwe kandi bikomeye cyane, Imana yabahaye itegeko Ryayo rw’ukwifata kugira ngo ribategure gukoresha ibyo byiyumviro uko Ibiteganya. Itegeko ry’ukwifata ritangaza ko Imana yemera igikorwa mpuzabitsina gusa hagati y’umugabo n’umugore bashyingiranwe. Abantu benshi birengagiza cyangwa ndetse bagakwena itegeko ry’Imana, ariko Nyagasani adutumira kuba abigishwa Be no kubahiriza ikigenderwaho kisumubuyeho.

Mwubahe umubiri wanyu (n’imibiri y’abandi). Mu gihe mufashe ibyemezo ku myambarire yanyu, imimerere y’imisatsi, ndetse n’imigaragarire yanyu, mwibaze ubwanyu muti: “Ese ndi kubahisha umubiri wanjye nk’impano itagatifujwe nahawe n’Imana?“ Data wo mu Ijuru ashaka ko twibonamo uko turi koko: bitari gusa imibiri y’inyuma ahubwo nk’abana Be bakundwa bafite igeno ry’ubumana. Mwirinde imyambarire ishimangira cyangwa igakurura ibitekerezo bidakwiriye ku mubiri wanyu aho kugaragara nk’uwo muri we umwana w’Imana ufite ejo hazaza hahoraho. Mureke isuku mu by’umuco n’urukundo mukunda Imana bibayobore mu mahitamo yanyu. Mugishe inama umuryango wanyu.

Mukore ibintu bizakomeza umubiri wanyu, ntimukore ibintu bizawubabaza cyangwa bikwawangiza. Munezerwe mushimira ibintu byinshi byiza Imana yatanze. Mwibuke ko inzoga, itabi, ikawa, icyayi n’ibindi biyobyabwenge byangiza n’ibisindisha bitagenewe umubiri wanyu cyangwa roho yanyu. N’imiti ifasha, nk’imiti yatanzwe na muganga, ishobora kwangiza niba idakoreshejwe neza.

Mufate imibonano mpuzabitsina n’ibyiyumviro byayo nk’ibitagatifujwe. Ntabwo bikwiriye kuba ingingo y’urwenya cyangwa imyidagaduro. Hanze y’ishyingiranwa hagati y’umugabo n’umugore, ni bibi gukora mu myanya y’ibanga, itagatifujwe y’umubiri w’undi muntu nubwo yaba yambaye. Mu mahitamo yanyu ajyanye n’ibyo mukora, mureba, musoma, mutega amatwi, mutekerezaho, mushyira ku mbuga nkoranyambaga, cyangwa mwohereza mu butumwa, mwirinde ikintu icyo ari cyo cyose gikurura amarangamutima y’irari mu bandi cyangwa muri mwebwe ubwanyu mu bigambiriye. Ibi birimo amashusho y’urukozasoni mu buryo yaba arimo bwose. Nimubona ko imimerere cyangwa ibikorwa byongera ibishuko, mubyirinde. Muzi iyi mimerere n’ibi bikorwa ibyo ari byo. Niba mutabizi neza, Roho, umuryango wanyu n’abayobozi banyu bashobora kubafasha kubimenya. Mwereke So wo mu Ijuru ko mwubahiriza kandi mwubaha ububasha butagatifujwe bwo kurema ubuzima.

Icyubahiro mwihesha kandi mugaha n’abandi kiziyongera uko mwubahisha umubiri wanyu binyuze mu myitwarire, imigaragarire n’imyambarire.

Nyagasani yasezeranyije ubutunzi buhambaye bw’ubumenyi abubahiriza Ijambo ry’Ubushishozi. Umubiri ufite ubuzima buzira umuze, utarasabitswe n’ibyangiza, wongera kandi ubushobozi bwanyu bwo kwakira ibihishurwa bwite, gutekereza gusobanutse no gukorera Nyagasani.

Kubaho mwubahiriza itegeko ry’ukwifata bizana ukwemerwa n’Imana n’ububasha bwite bwa roho. Rirabarinda kandi rikarinda n’umuryango wanyu. Igihe mwashyingiranwe, iri tegeko rizazana urukundo, icyizere n’ubumwe bwisumbuyeho mu ishyingaranwa ryanyu. Kubahiriza iri tegeko bizatuma bibashobokera gutera imbere mu buryo buhoraho kandi murusheho guhinduka nka So wo mu Ijuru. Icyizere cyanyu kiziyongera uko muzabaho nk’umwigishwa wa Yesu Kristo.