Ubutumwa buturutse mu Buyobozi bwa Mbere

Turabakunda, kandi duhora dubafitemo icyizere. Muri roho zatoranyijwe na Data wo mu Ijuru koko, zoherejwe ku isi muri iki gihe kugira ngo zikore ibintu by’ingirakamaro.

Murakomeye kandi murashoboye kuruta uko mushobora kubibona. Kandi iyo mwishingikirije Umukiza, imbaraga zanyu zirushaho kwiyongera. Ni “imbaraga z’urubyiruko.”

Iyi mfashanyigisho izabafasha kubaka urufatiro rukomeye rwo gukora amahitamo yo kuguma mu nzira iganisha ku bugingo buhoraho. Izagufasha gukora ibihango bitagatifujwe mu ngoro, kwitegura kuvuga ubutumwa no kubona umunezero mu gukurikira Yesu Kristo mu buzima bwanyu bwose. Mufite umwanya w’ingirakamaro mu Itorero Rye. Yesu Kristo azabafasha kuzuza imigambi Ye abafitiye.

Tuzi ko Imana iriho. Ni isengesho ryacu ko muzaguma mushikamye mu nzira y’igihango: inzira yo gukora no kubahiriza ibihango bitagatifujwe n’Imana. Iyo ni inzira ibagarura kwa So wo mu Ijuru. Uko muzabikora, muzabera abandi urugero rwiza, mubasangiza inkuru nziza munezerewe, mukoranyiriza hamwe abana b’Imana, kandi mutegura isi Ukuza kwa Kabiri k’Umukiza. Mwibuke ko: Yesu Kristo ari imbaraga zanyu!