Appendix

Peidek Ong me pwulopwul kan ong Kisin likou en mweimwei Ong tehnpas sarawi.

Mie ahmw pwoson reh oh kadehdepen Koht Sahm Soutuko; Sapwellime Iehroso, Sises Krais; oh Ngehn Sarawio?

Mie ahmw kadehde en Sapellimen Krais Tomwpen Dihp oh Eh ketin wia Sounkomour oh Soundor?

Mie ahmw kadehde me pid Kopwurupwurdohn rongamwahuo en Sises Krais?

Komw utung Presiden en Mwomwohdiso en Sises Krais en Souleng en Imwin Rahn-akan me wia soukohp, ohl sarawi, oh sounkihla kaudial oh ihte ih aramas pohn sampah me kolokol oh ahneki mweimwei en doadoahngki kih koaros en prihsduhd? Komw utung irail kan me towe Presidensi Keieu oh Pwihn en Wahnparon Ehk-riemen ko me irail wia soukohp kei, ohl sarawi kei, oh sounkihla kaudial kei? Komw utung ihr teikan me pil iang wia Kaun Lapalap en Mwomwohdisoht oh irail kan me kakaun Mwomwohdisoht nan ahmw wasa?

Kauno mahsaniher me mehkoaros pahn kin “wiawi ni mwakelekel” mwohn Silahngi (Doctrine and Covenants 42:410. Komw kin nantiong en ahneki lamalam oh wiewia mwakelekel? Komw kin momourki kosonned en mwakelekel?

Komw kin idawehn padahnk kan en Mwomwohdiso en Sises Krais nan ahmw mour oh nan ahmw wiewia rehn tohn ahmw peneinei oh mehteikan?

Komw kin utung de pwungki sohte lipilipil padahk, wiewia kan, de koasondi kan me uhong Mwomwohdiso en Sises Krais en Souleng en Imwin Rahn-akan?

Komw kin nantiong wauneki Rahn en Sapad, ni imwomwi oh ni imwen kaudek; iang mihting kan; kaunopohng oh ale kamadipw sarawi; oh momourki mour me wauneki kosonned oh koasondi kan en rongamwahuo?

Komw kin nantiong en kin mehlel nan mehkoaros me komw kin wia?

Komw kin pwapwain meirong en eisek-kis-ehu (Tithing) ni unsek?

Komw kin wehwehki oh peikiong Mahsen en Eripit?

Mie dihp toutou nan omwi mour me anahne en kanseno ong prishduhd kan pwehn wia kisehn omwi koluhla?

Ni omwi madamadau, komwi warohng pidolong nan tehnpas en Kauno oh iang ale tiahk sarawi kan?

Ngehi Sapwellimen Sahm oh Ihn serepein, me kapikipikdahr oh ahneki pwukoah soutuk.

Nin duwen ei wia tohnpadahk en Sises Krais men, I pahn nantihong pwehn duwehla Ih. I pahn rapahki oh mwekidki pein ei kaudiahl kan oh papah mehteikan ni Sapwellime lengleng sarawi.

I pahn wia sounkadehde men en Koht ansou koaros oh ni mehkoaros oh ni wasa koaros.

Ni ei pahn nantiheng en warohng kesepwildahng mour soutuk, I kesempwaliki kisakis en koluhla oh nantiheng en mwahula rahn koaros. Sang ni pwoson, I pahn kakehlailih nan imwei oh ei peneinei, inoukihda oh kapwaiada inou sarawi kan, oh alehda tiahk sarawi kan oh kapai kan en tehnpas sarawi kan.

Ngehi emen Sapwellimen Koht pwutak, oh mie Sapwellime doadoahk me E kupwurki ien wia.

Ni loalei unsek, ai kehl, ai madamwadau, oh roson koaros, I pahn poakoang Koht, kolokol ai inou kan, oh doadoangki Sapwellime prihsduhd oh papah mehteikan, tepkihda nan ai peneinei.

Ni ei pahn nantiheng papah, kakehlaka ai pwoson, koluhla, oh wie mwahmwahula rahn koaros, I pahn kak warohng ien alehda kapai kan en nan tehnpas sarawi oh peren poatoapoat en rongamwahuo.

I pahn onopada pwe ien kak wiala misineri me kin mehlelieng doadoahk, ohl pwopwoud mehlel, oh wia pahpa limpoak men ni ai pahn kin wia sapwelimen Sihses Krais werek mehlel men.

I pahn sawas kaunopada sampah ong Sapwelimen Sounkomouro ketdo keriauo sang ni ai pahn kin luke mehteikan en kohdo rehn Krais oh iang paieki manaman en Sapwellime Tomwo.

Kosonned Eisek Kan

Kumwail sohte pahn ahneki emen koht tohrohr mwohi.

Kumwail sohte pahn wiahiong kumwail dikedik en eni de sansal en mehkot.

Kumwail sohte pahn kasaminehla mwarei, pwe ngehi, Kauno, amwail Koht.

Kumwail tamataman rahnen Sapad, oh wiahki rahn sarawi.

Kumwail wauneki samamwail oh inamwail kan.

Kumwail sohte pahn kemehla aramas.

Kumwail sohte pahn kamwahl.

Kumwail sohte pahn pirap.

Kumwail sohte pahn karaun likamwohng aramas emen.

Kumwail sohte pahn noahrok.

Kilang Eksodus 20:3–17.