Paliweremw en sarawi

Paliweremwen mih ni mowmwen Koht—me keieu lingan, lapalap wasa koaros. Pwuhk sarawi kan kin karasahiong paliweretail kan Ong Tehnpas Sarawi, wasa ieu me Ngehno kak mihmi ie. Mehlel, paliweremwen sohte unsek met. Ahpw songen mwekid kan me ke kin alehdi ki paliweremwen kak sewese iuk en kounopada Ong ehu rahn en unsek, iasada, paliwar lingan.

Palingehnimw wiawihkida paliwar oh ngehn. Iei kahrepe wet, me paliwar oh palingehn kin ehupene.P Sounkomouro kasalehda duwen Mahsen en Eripit en padahngki duwen kamwahu kan Ong apwalih paliweremw oh kapai kan en palingehn.

Pepehm en nenek wia kisehn sapwelimen Koht pilahn en wiahda pwopwoud mwahu oh peneinei soutuk. Pepehm pwukat sohte dihp—irail me sarawi. Pwehki nenek ah nohn sarawi oh manaman, Koht ketikiong uhk Sapwelime kosonned en mwakelekel pwe en kounopada kowe ong dodohngki pepehm pwukat nin duwen me E ketin kupwuriki. Kosonned en mwakelekel kosoia me Koht kamanalahr mwekid en nenek Nan pwungen ohl oh lih emen me kopwopwoudlahr. Tohto nan sampah kin pohnsehse de kawe sapwelimen Koht kosonned, ahpw Kauno lukei kitail en wia Sapwelime werek oh momouriki mour me mwahu sang sampah.

Apwalih paliweremwen—oh paliweren mehteikan— ki wahu. Ni omw medewe duwen amw likou, mwomwen amw wiahda moangemw, oh mwomw, idek rehmw, “Ih wauneki kisakis paliwereiet nin duwen kisakis Sarawi ehu sang rehn Koht?” Samatail Nanleng me kilang emen emen Ong ni pein irail: kaidehnte ni paliwar ahpw Sapwelime seri kei me ahneki dodohk potopot. Kalekehsang uhk mwohmw me pahn kalaudehla de mahlenihda mehkot Ong paliweremwen sang ihs kowe ni omw wia seri en Koht emen me ahneki mehkot potopot me pahn kohdo. Mweidohng mwakelekel oh limpok en Koht en kahluwa iuk ong nan pilipil kan. Ale sawas sang rehn pahpa oh nohno kan.

Wia mehkot me pahn kakehlailih paliweremwen—kaidehn mehkot me pahn kamadekihla de kawehla. Ale oh kapingki sohng kan koaros me Koht ketikihda. Ahpw tamataman me sakau, sika, kohpi, tea, oh Songen mehn kasahliel teikan oh dipwisou teikan kaidehn Ong paliweremwen de palingehnimw en. Pil iangahki wini en sawas akan, me duwehte wini, kak kawehla ma ke sohte dodohngki ni pwung.

Kolokol nenek oh pepehm en nenek Sarawi. E sohte pahn wia mehn kosokosoi de mehn kamwan. Likin pwopwoud Nan pwungen ohl oh lih emen, e sapwung kehn doahke wasa me sohte konehng, wasa Sarawi en paliweren emen itarete ma e likou. Nan amw mehn pilipil kan en dahme ke wia, kilanglahng, wadek, Rong, medewe, kihda, de intingihdi, kalehsang uhk mehkot me pahn kak kainengihda mehkot de pein kowe. Met me iangahki kasdo suwed. Ma ke diarada me irair o de mwekid o kihdi kasongosong kehlail, soikala. Ke ese songen irair de mwekid dah kei mwo. Oh ma ke sohte nohn kamelele, Ngehno, amw pahpa oh nohno, oh amw Kaun kan kak seweseiuk en esehla. Kasalehiong Sememw Nanleng me ke wauneki oh kesempwaliki Sapwelime manaman Sarawi en kapikada mour.

Amw wauneki paliweremwen oh mehteikan pahn laudla ni omw wauneki paliweremwen sang ni omw mwekid, mwomwemw, oh likou.

Kauno inoukihda kapai laud tohto ki lolokong Ong irail akan me kin kolokol mahsen en eripit. Paliwar kehlail ehu, sohte kin ahneki mehkot suwed, kin kalaudehla amw koahiok en alehdi kaudiahl, medewe ni sansal, oh papah Kauno

Momouriki mour en mwakelekel kin wahdo sapwelimen Koht utuht oh manaman en ngehno. Ansou me ke pwopwoudahr, kosonned wet kin wahdo limpok laud, kopworopwor, oh ehupene Nan amw pwopwoud. Kapwaiada kosonned pahn wiahiong uhk kehn pweida ni potopot oh duwehla Semomw Nanleng. Amw kehlail pahn keirida ni amw pahn momouriki nin duwen tohn dodohk kei en Sises Krais.

Peidek kan oh Pasapeng Kan

Ia mwomwen sapwelimen Kauno kosondi Ong ni likou, seisei, pelipel, oh tiati kan? Sapwelimen kosondi iei en wauneki Sarawi en paliweremwen, itarete ma e wewehki me ke pahn wekisang sampah. Mweidohng mehlel oh Ngehno en wia noumw soun kaweid ni omw pahn wia amw pilipil—ahpw mehlel pilipil me pahn wiaiong paliweremwen mehkot potopot ieu. Ahneki lolokong oh pwoson, oh rapahki sawas sang rehn amw pahpa oh nohno oh pil amw Kaun kan.

Ia mwomwen ai pahn kak kalowehdi kasongosong oh mwekid suwed kan? Samatail Nanleng oh Sises Krais ahneki manaman en sewese iuk. Audehkida amw mour mehkot me pahn lukehdo manaman o Nan amw mour, me duwehte kapakap, onopiki Pwuhk Sarawi, oh papah mehteikan . Sohpeilahng Sises Krais oh Sapwelime rongamwahuo oh ke pahn diarada luwet o ah pahn kehlail la. Rapahki sawas sang rehn amw pahpa oh nohno, Kaun kan, sounds sawas kan pil anahn. Ong irail kan me kin ahneki kahpwal en kesehla, Mwomwodiso kin kihda program en kamwahuila. Met iei kapai kan me kohsang Mwomwodiso en Soundor o pwe en sewese iuk en pwuroahng Katanga amw mour. E pahn sohte Mwadang, eri kanengamah, oh ke dehr Uhdi.

Ih kin pereniki aramas me duwehte. Ia mwomwen ire kat ah dodohk Ong ie? Pepehm en linganiki emen me duweiuk me rasehng ohl/ohl de lih/lih eh sohte wia dihp ehu. Ma ke ahneki pepehm pwukat oh sohte koadohke de mwekid ki, ke momouriki kosonned Sarawi en Samatail Koht me ie mwakelekel. Ke wia sapwelimen Koht seri men oh werek en Sises Krais. Tamataman me Sounkomour o wewehki sohng koaros me ke lelohnger. Sang ni inou Ong Ih, ke pahn diarada kehlail en poaikiong sapwelimen Koht kosonned akan oh alehdi kapai kan me E inoukidahr. Kopworopworiki Ih oh Sapwelime rongamwahuo o.

Ih kin wiakau, oh I ahneki pepehm en namenek. Ih dipekihda dihp? Wia aramas emen me kin wiakau de lokolok sohte wewehki me ke dipekihda dihp o. Menlau ke dehr ahneki pepehm en dihp de namenek. Kauno ketin poakohng kumwail E men sewese kumwail, kamwahu Ih kumwail, oh ketkiong kumwail meleilei. Soun sawas semen kan, amw peneinei kan, oh amw Kaun kan kak pil sawas.

Kilang Genesis 1:27 (we are created in God’s image); John 14:18 (the Savior promises comfort); Philippians 4:7 (the peace of God passes understanding); Doctrine and Covenants 88:15 (the spirit and the body are the soul); 89 (the Word of Wisdom); 121:45 (virtuous thoughts lead to increased confidence).

Peidek kan en kisin likou en mweimwei en pidelong nan Tehnpas sarawi

Kauno mahsaniher me mehkoaros pahn kin “wiawi ni mwakelekel” mwohn Silahngi (Doctrine and Covenants 42:410. Komw kin nantiong en ahneki lamalam oh wiewia mwakelekel? Komw kin momourki kosonned en mwakelekel?

Komw kin wehwehki oh peikiong Mahsen en Eripit?