Alu Nan Marain en Koht

Ansou en pepdais ke alehda inou kaperen ehu ong Samatail Nanleng oh Sises Krais. Nan Tehnpas Sarawi, ke pahn kapatahiong inou kan me pahn kak kakehlailih amw ehupene o. Nan ehu ehu with en kamadipw sarawi, ke kin weliakapw amw inou kan. Ke kasalehda amw Ineng en kolokol kosonned akan, oh Kauno kapaiukada ki kehn kolokol Ngehn Sarawi en wia kompokepahmw men. E wia ehu kisakis laud ong uhk.

Wiahda pilipil mwahu kin kalaudehla amw kak kehn Ngehno. Diren mehkot mwahu oh unsek nan sampah. Duwehte paliweremwen ah kin dodohk ong ni dahme ke Kang oh nim, amw madamadau oh pali ngehn kin sair dahme ke pahn wadek, kilang, oh Rong.

Wiahda amw ansou ong Kauno rahn koaros. Esehla duwen Ih. Tamataman Ih ansou koaros. Kapakap ong Sahm Nanleng. Onopiki Pwuhk Sarawi kan oh padahk kan sang soukohp akan. Eri nantiong momouriki dahme ke koledier.

Rapahki dahme pahn pwokada, kaperenih, oh lukehdo Ngehno. Ni omw wia pilipil en dahme ke pahn kilang, wadek, rong, de patehng, medewe dahme e pahn wiaiong uhk. E kin lukehdo madamadau mwahu? Dehr patehng mehkot me pahn lalahwe mehkot Sarawi kan de samin. Ke dehr patehng mehkot me pahn kaluwetehla amw pali de sohte mwahu Ong Ngehno, me duwehte tiahk lemei, sakau, oh mehn koalitopw kehlail kan. Ahneki kehlail en kakunla kasdo de mehn mwadong, kokohlasang kasdo de kahlek, wekidala noumw koul, de sohpeilang mehkot me suwed Ong Ngehno.

Dodohngki social media Ong kakehlail. Social media kak wia dipwisou kehlail en ehukiwei ehu. Ma ke dodohngki, kilang Marain o, pwoson, oh mehlel. Ke dehr karasahiong amw mour Ong dahme aramas teikan kin wiewia. Tamataman me kesempwal pemw kohsang ni omw wia seri en pahpa oh nohno en Nanleng, kaidehn sang social media.

Rapahki tiahk unsek kan oh mehkot mehlel me pahn potopot. Kanaiehng ni omw pahn dodohngki dipwisou en technology oh media sohte kin weliandi amw ansou-ong amw peneinei de kompokepahmw kan. Social media oh sohngen technology teikan kak kihsang amw ansou ni sohte kin kihdo mehkot mwahu mwuhr. komolsang sampah, oh ehu ong aramas akan Nan mour mehlel.

Ke kak ahneki Ngehno ansou koaros. Ngehn Sarawi pahn kadehde iong uhk duwen Sahm Nanleng oh Sises Krais. E pahn apwalih, kahluwa, keperki, oh kasarawihla kowe. E pahn sewese iuk en esehla me mehlel oh oh kilang mwahu kan nan sampah.

Peidek kan oh pasapeng kan

Ia mwomwen ahi pain ese me ih kehn Nagen Sarawio? Esehla duen amw pahn kehda Ngehno kin mie wehn ansou ehu, kakapo wiewia, oh kanengamah. E masenieng songen aramas kei ni songen mwomw kei. Kedehr kin tengala ni mehkot mengei kan-meleilei me ke kin ahniki ni amw kin rongorong an emen kadehde, de pwunod me ke kin ahniki ni amw kin wia mehn pilipil sohte mwahu kan. Rapahki iren pwuhk sarawi ong ni mwohmw tohto duen Ngehno ah kin kosoi ong kitail, kapakapki, oh nantieng raparapahki mwomwen ăm Spahn kehnda Ngeno.

Dahieu kilel sued? Dahme ipahn soikalahki? Kilel suwed wia weliepe, nan kilel de ni kosoi kan, me wiawihkida pwe en kainengihda pepehm en nenek kan. Kilel suwed kin kohdo ni songen mwohmw tohto, me iangahki kasdo kan, kilel kan, Pwuhk kan, oh pil koul kan. E pil kakete kosoi de kilel me kin pekeder serli Nan pwungen kompanih kan. Kilel suwed kin kawehla sohng koaros me sarawi—paliweretail kan oh pepehm en nenek kan—ki sohte wahu. Ke kak kilangedi kilel suwed ma ke sohte medewehiong. Ma ke kin kilang kilel kilisou kan de soh, mwadangete sohpeisang. Ke pil kak kosoieng pahpakan de emen me laud me ke koapwoaroapwoareki. Ma ke kin men kilang kilel kilisou eh wia dihp oh kin kawehla maw kak kehn Ngehno. E kin kaluwetehla pein-amw kehl oh katikala amw kilang kowe oh mehteikan. Sises Krais aneki manaman en sewese iuk en irehdi kilel suwed oh koluhla. Kilang lahng Ih, sopeisang nan rotorot. Aww isopod kak sewesei iuk alehda kehlail oh mahk sang Sounkomouro.

Kilang Amos 5:14 (seek good); Galatians 5:22–23 (the fruits of the Spirit); Moroni 7:18–19 (the light of Christ); Doctrine and Covenants 6:23 (the Lord speaks peace); 20:77, 79 (the sacrament prayers).

Peidek en nan tehnpas sarawi

Kauno mahsaniher me mehkoaros pahn kin “wiawi ni mwakelekel” mwohn Silahngi (Doctrine and Covenants 42:41). Komw kin nantiong en ahneki lamalam oh wiewia mwakelekel? Komw kin momourki kosonned en mwakelekel?

Komw kin nantiong wauneki Rahn en Sapad, ni imwomwi oh ni imwen kaudek; iang mihting kan; kaunopohng oh ale kamadipw sarawi; oh momourki mour me wauneki kosonned oh koasondi kan en rongamwahuo?