Wiahda mehn pilipil kaselel kan

Nan Ong kakehlepen me pwulopwul kan, ke pahn diarada padahk kan en Sises Krais oh Sapwelime Soukohp kan. Ma mehlel pwukat me wia amw mehn kaweid, ke pahn kak wiahda mehn pilipili kaselel me pahn kapai uhkada met oh pil kokolahte.

Sises me wia ahl en komour. Ni amw pahn doadoahngki amw saledek en pilipil, ke mier nan ahl me kolahng peren soutik. Wiahki Sises Krais amw Poahsoan. Kawada amw mour sang Sapwelime padahk kan, oh kilang amw pilipili kan sang mepwukat. Inou kan me ke wiahda ni ansou ke papdais, ansou en kamadipw sarawio, oh nan tehnpas sarawio iei poarepen amw poahsoan en Krais. Ke pahn lelongete kahpwal oh kosongosong, apw Semomw Nanleng oh Sises Krais Spahn sewesei uhk kalowehdi meh koros.

Kowe iei Sapwelimen Koht seri. Sapwelime pilahn en peren kahrehda atail kak kierde ni pali ngehn oh alehda dame kitail koadkoadoahke. Pwe met iei kahrepen E ketin kadaredo Sises Krais en wia amwail Sounkomour.

Semomw Nanleng koapwoaroapwoarkin uhk. E ketkieng uhk kapai laud, pil pateng unsekpen rongamwahuo, oh tiahk sarawi kan oh inou kan me katengei iukidi Reh oh kidong Sapwelime manaman nan amw mour. Sang ni kapai pwukat pwukoa pil kin iangedohte. E ketin mwahngih me ke kak wekidala mehkot pohn sampah, oh met anahnepe, ni songen mwohmw tohto, pwe en kak wekisang song telkan nan sampah. Rapahki kaweid en Semomw Nanleng ni awm pahn wia amw pilipil. E pahn ketin kapai komwiihda sang ni Ngehn Sarawi.

Kahrepen Ong kakehlepen me pwulopwul kan kaidehn en kieng uhk “eng” de “soh” ong mên pilipil koros me ke pahn soupai. Apw, Kauno wie luklekei iuk en moumouriki mour sarawi- ni Sapwelime ahl. Mehn kaweid wet pahn padakieng uhk duen sapwelime ahlo. E kawehwehda mehlel me E ketin kasalehda. Wiahki mehlel pwukat amw mehn kaweid ong pilipil mwahu- pilipil laud akan, me duet wiahda inou kan nan tehnpas sarawi oh wia misin, oh pil duehte pilipil en rahn koros, me duehte apwalih mehteikan de amw pahn doadoahngki amw ansou.

Ni mehteikan ah pahn sewesei uhk, kekeirdahn pali ngenimwen pein amw. Iei nan pwungen kowe oh kauno. E ketin mwahngih loalemwen, oh Ihete me paha wia sounkopwung mehlel. Wia amw kak koros pwe ken wie mwamwahula nan rahn koros, kapwaiada Sapwelimen Koht kosoned akan oh wauneki amw inou kan, oh sewese mehteikan en karaniala sounkomouro.

KilangMosiah 4:29-30 (wiepehkan ong dihp me tohto, eri kitail anahne kaneieng kitail); Helaman 5:12 (poahsoan kihda Sises Krais); Doctrine oh Covenants 45:57 (wiahki Ngehn Sarawi en kaweid uhk); 82:15 (katengei uhkedi ong Kauno sang ni inouï kan).

(33)Mwomwen mehn kaweid wet ah wiawihda

Ehu ehe ire laud mie pali siluh:

1. Mehlel soutik, de padahk kan en rongamwahu kopwupwurdohn Sises Krais

2. luhk kan en doadoahngki meules pwukat

3. Kapai kan me inoupe mie me Kauno pahn ketikieng irail akan me kin momoureki Sapwelime padahk kan