Raatin li Xb’eenil Awa’b’ejil

Nekexqara, ut k’ojk’o qach’ool cherix. K’a’jo’ eechaab’ilal jo’ ralal xk’ajol li qaChoxahil Yuwa’, ut xextaqlaak sa’ ruchichoch’ sa’ li kutan a’in re xb’aanunkil k’iila k’anjel jwal ninqeb’.

Jwal kawex ut seeb’ex wi’chik chiru li nekek’oxla. Ut naq teexchalq rik’in li Kolonel, taanimaq wi’chik lee kawilal. A’an “lix kawilaleb’ li saaj.”

Li hu a’in tatxtenq’a chixnawb’al k’a’ru tento taab’aanu re kanaak sa’ li b’e li nak’amok sa’ li junelik yu’am. Tatxtenq’a chixkawresinkil aawib’ chi ok sa’ loq’laj sumwank sa’ li santil ochoch, chi xik sa’ mision, ut chixtawb’al xsahil aach’ool sa’ xtaaqenkil li Jesukristo chiru laa yu’am. Jwal ajb’il aawu laa’at sa’ lix Iglees. Li Jesukristo tatxtenq’a chixb’aanunkil li naraj a’an sa’ laa yu’am.

Naqanaw naq yo’yo li Dios. Chi anchal qach’ool naqaj naq tatkanaaq sa’ xb’ehil li sumwank—a’ li b’e re li loq’laj sumwank rik’in li Dios. A’an a’in li b’e li tatxsutq’isi rik’in laa Yuwa’ sa’ Choxa. Naq tatkanaaq sa’ li b’e a’an, taak’e chi uxk li us, taawotz li evangelio chi sa aach’ool, taach’utub’eb’ li ralal xk’ajol li Dios, ut taakawresi li ruchich’och’ choq’ re li xkab’ xk’ulunik li Kolonel. Chijultiko’q aawe: Li Jesukristo a’an laa kawilal!