Zaj Lus Los ntawm Thawj Pawg Thawj Tswj Hwm

Peb hlub nej thiab peb tso siab rau nej. Nej yeej yog ib co ntsuj plig uas Leej Txiv Saum Ntuj Ceeb Tsheej tau xaiv tseg, cov uas Nws txib los rau hauv lub ntiaj teb thaum lub sij hawm no kom ua tej yam tseem ceeb.

Nej muaj zog tshaj thiab muaj peev xwm tshaj qhov nej xav. Thiab thaum nej tso siab rau tus Cawm Seej, nej lub dag zog loj tuaj ntxiv. Nws yog “cov tub hluas ntxhais hluas lub dag zog.”

Phau no yuav pab nej ua ib lub hauv paus ruaj nrees kom xaiv raws nraim txoj kev uas yuav mus rau txoj sia nyob mus ib txhis. Phau no yuav pab nej npaj khi lus dawb ceev hauv lub tuam tsev, npaj ua tub txib, thiab nrhiav kev xyiv fab thaum nej coj raws li Yexus Khetos tas nej lub neej. Nej muaj ib lub luag hauj lwm tseem ceeb nyob hauv Nws lub Koom Txoos. Yexus Khetos yuav pab nej ua kom muaj raws li Nws tej lub hom phiaj rau nej.

Peb paub Vajtswv muaj txoj sia nyob. Peb thov Vajtswv kom nej yuav raws nraim txoj kev ntawm nej tej kev khi lus—uas yog ib txoj kev khi lus thiab ua raws li nej tej kev khi lus nrog Vajtswv. Nov yog ib txoj kev uas mus rau nej Leej Txiv Saum Ntuj Ceeb Tsheej. Thaum nej ua li no, nej yuav pab lwm tus ua zoo, muaj kev xyiv fab tshaj tawm txoj moo zoo, muab Vajtswv cov me nyuam sau los ua ke, thiab npaj lub ntiaj teb rau tus Cawm Seej txoj Kev Los Zaum Ob. Cia li nco ntsoov tias: Yexus Khetos yog nej lub dag zog!