प्रायः जसो सोधिने प्रश्नहरू

तपाईंहरूलाई EnglishConnect को शिक्षक हुनका लागि शिक्षण अनुभव आवश्यक पर्दैन । संभवत: तपाईंहरूले यसपूर्व कहिल्यै अङ्ग्रेजी सिकाउनु भएको छैन र कसरी सुरू गर्ने भनेर अनिश्चित महसुस गर्नुहुन्छ । ठीकै छ । EnglishConnect का पाठहरू तपाईंहरूलाई सफल हुनका लागि सहयोग गर्न भाषा-शिक्षण सिद्धान्तहरू र आध्यात्मिक सिद्धान्तहरू प्रयोग गरेर सावधानी र संयमतापूर्वक तयार पारिएका छन् । तपाईंहरू विशेषज्ञ हुन आवश्यक छैन । तपाईंहरूलाई हरेक प्रश्नको उत्तर थाहा हुनु आवश्यक छैन । तपाईंहरूको भूमिका भाषा अभ्यासको अवसर प्रदान गरेर विकासका लागि सहजीकरण गर्नु हो । तपाईंहरूले व्याकरण सिकाउनु पर्दैन वा अङ्ग्रेजीका सम्बन्धमा सबै कुरा बुझ्नु आवश्यक छैन । बरु, सिकारूहरूले अङ्ग्रेजी बोल्न र आफ्ना गल्तीहरूबाट सिक्न सहज महसुस गर्ने वातावरण सिर्जना गर्नमा ध्यान केन्द्रित गर्नुहोस् ।

अङ्ग्रेजी मात्र प्रयोग गरेर अङ्ग्रेजी सिकाउनु संसारभर अति नै सामान्य भएको छ । वास्तवमा, यो एक आशीर्वाद हुन सक्छ किनभने यसले अङ्ग्रेजीको मात्रा बढाउँछ जुन सिकारूले सुन्ने र प्रयोग गर्ने गर्छन् । सरल अङ्ग्रेजीमा बोल्न सम्झनुहोस् । सिकारूहरूलाई नयाँ शब्दावलीका शब्दहरू र नमूनाहरू बुझ्नका लागि सहयोग गर्न दृश्यहरू, हातका इशाराहरू र शारीरिक भाषा प्रयोग गर्नुहोस् । तपाईंहरूले फोटो देखाउन सक्नुहुन्छ, चित्र कोर्न सक्नुहुन्छ वा अभिनय गर्न सक्नुहुन्छ । तपाईंहरूले सिकारूहरूलाई सिकारूहरूका लागि EnglishConnect १ वा सिकारूहरूका लागि EnglishConnect २ मा अनुवादित स्रोतहरू देखाउन सक्नुहुन्छ वा तपाईंहरूले अनलाइन शब्दकोश प्रयोग गर्न सक्नुहुन्छ । यसले उत्तर खोज्नका लागि उपलब्ध स्रोतहरू कसरी प्रयोग गर्ने भनेर पनि सिकाउने छ । लामो व्याख्या नगर्नुहोस् । बरु, प्रदर्शन गरेर के गर्ने भनेर शिक्षार्थीहरूलाई देखाउनुहोस् ।

तपाईंहरू सँगै सिक्दै हुनुहुन्छ भनेर ध्यान दिनुहोस् । नियमित रूपमा सिकारूहरूलाई सहयोगका लागि परमप्रभुमा फर्कन आमन्त्रण गर्नुहोस् । तिनीहरूको शिक्षकका रूपमा, तपाईंहरू आस्था र प्रयासको उदाहरण हुन सक्नुहुन्छ । सिकारूहरूसँग अङ्ग्रेजी बोल्नु आस्थाको कार्य हो । अङ्ग्रेजी बोल्ने विश्वासका साथ कार्य गर्दा परमप्रभुले तपाईंहरू र सिकारूहरूलाई आशीर्वाद दिनुहुने छ ।

तपाईंहरूले वार्तालाप समूहमा अङ्ग्रेजी बोल्नमा ध्यान केन्द्रित गर्दा तपाईंहरूले सिकारूहरूलाई सबैभन्दा धेरै सहयोग गर्नुहुने छ । तपाईंहरूले उदाहरण निर्धारण गरेर यसो गर्न सक्नुहुन्छ । अङ्ग्रेजी मात्र बोल्न सम्भव भएसम्म प्रयास गर्नुहोस् । सरल शब्द र छोटो वाक्य प्रयोग गर्नुहोस् । बिस्तारै बोल्नुहोस् र बारम्बार वाक्यांश दोहोर्याउनुहोस् । बोर्डमा मुख्य शब्द र वाक्यांशहरू लेख्नुहोस् । तपाईंहरूले दृश्य सामग्री पनि प्रयोग गर्न सक्नुहुन्छ, चित्र कोर्न सक्नुहुन्छ वा नाटक प्रर्दशन गर्न सक्नुहुन्छ । लामो व्याख्या र तपाईंहरूले भन्नुभएको सबैलाई अनुवाद गर्ने विषयलाई परित्याग गर्नुहोस् । यदि तपाईंहरूले मातृभाषा प्रयोग गर्नु पर्छ भने, त्यसपूर्व नै अनुमति लिनुहोस् र सम्भव भएसम्म कम मातृभाषा प्रयोग गर्नुहोस् र त्यसपछि पुन: अङ्ग्रेजीमा बोल्नुहोस् । सिकारूहरूलाई सम्भव भएसम्म धेरै अङ्ग्रेजी बोल्न र गल्ती गर्न नडराउन प्रोत्साहन गर्नुहोस् । तिनीहरूलाई सफलताको अनुभव गर्न सहयोग गर्नुहोस् र हरेक प्रयासको प्रशंसा गर्नुहोस् । यदि सिकारूहरूलाई अतिरक्त सहयोग आवश्यक छ भने, तिनीहरूलाई सिकारूका पुस्तिकाहरूमा देखाउनुहोस्, जहाँ तिनीहरूले आफ्नो मातृभाषामा सामग्री पत्ता लगाउन सक्छन् । तपाईंहरूले सिकारूहरूलाई सिक्नका लागि सहयोग गर्नमा ध्यान केन्द्रित गर्दा, तपाईंहरूले मातृभाषा प्रयोग गर्न कम गर्नु आवश्यक हुने छ ।

कुनै बहु-भाषिक समूहलाई सिकाउनु भनेको अङ्ग्रेजी बोल्न प्रोत्साहन गर्ने एक राम्रो अवसर हो किनभने अङ्ग्रेजी समूहको साझा भाषा हो । शिक्षकका रूपमा, सिकारूको पुस्तिकाको अङ्ग्रेजी संस्करण प्रयोग गर्नुहोस् । यदि यो उपलब्ध छ भने, सिकारूहरूलाई तिनीहरूको मातृभाषामा सिकाउने पुस्तिका प्रयोग गर्न सहयोग गर्नुहोस् ताकि तिनीहरूले अनुवादहरूबाट लाभ उठाउन सक्छन् । यदि सम्भव छ भने, सिकारूहरूलाई तिनीहरूको मातृभाषाहरूमा सिकाइका सिद्धान्त छलफल गर्न साना समूहहरूमा राख्नुहोस् तर कसैलाई पनि बहिष्कृत गरिएको छैन भनेर सुनिश्चित गर्नुहोस् । यदि समूहमा कुनै विशेष भाषाको एक मात्र वक्ता छन् भने, त्यो समूहलाई सरल अङ्ग्रेजी सिकाइका सिद्धान्तका सम्बन्धमा छलफल गराउनुहोस् ताकि सबै समावेश गरिन्छन् ।

अङ्ग्रेजी सिक्नका लागि सिकारूहरूले दैनिक अभ्यास गर्ने बानी विकास गर्नु पर्छ । अङ्ग्रेजीलाई तिनीहरूका दैनिक क्रियाकलापहरूमा प्रयोग गर्ने सरल तरिकाहरू खोजेर यो बानी स्थापित गर्न सिकारूहरूलाई प्रोत्साहन गर्नुहोस् (“दैनिक अभ्यास” खण्ड हेर्नुहोस्) । उदाहरणका लागि, सिकारूहरूले अङ्ग्रेजीमा कार्यक्रमहरू हेर्ने वा सङ्गीत सुन्ने छनोट गर्न सक्छन् । तपाईंहरूले सिकारूहरूलाई सिकारूको पुस्तिकाको परिचयमा “Personal Study Tracker” पछाडि रहेको दैनिक अध्ययनलाई सुधार गर्नका लागि विचारहरूको सूचीको प्रयोगका लागि प्रोत्साहन गर्न सक्नुहुन्छ । दैनिक अभ्यास गर्ने रचनात्मक, अर्थपूर्ण तरिकाहरू पत्ता लगाउन सिकारूहरूलाई प्रेरित गर्न यो सूची प्रयोग गर्नुहोस् ।

समूह वैठकको समयमा, सिकारूहरूलाई दैनिक अङ्ग्रेजी अध्ययन गर्न र अभ्यास गर्न आमन्त्रण गर्नुहोस् र तिनीहरूको प्रयासहरूको अनुगमन गर्नुहोस् । तपाईंहरूले केही सिकारूहरूलाई तिनीहरूले दैनिक अभ्यासमा गरेका विशेष कार्यहरू बाँढ्न लगाउन सक्नुहुन्छ । तपाईंहरूले समूहमा सिकारूहरूका लागि समूह च्याट जस्ता भर्चुअल स्पेस सिर्जना गर्नका लागि विचार गर्न सक्नुहुन्छ । समूह सन्देश वा अन्य तरिकाहरूद्वारा समूहलाई हप्ताभरि सम्पर्कमा रहन सहयोग गर्न उपयुक्त तरिकाहरू खोज्नका लागि आफ्ना अगुवाहरूसँग सल्लाह गर्नुहोस् । तपाईंहरूले सिकारूहरूलाई तिनीहरूको लक्ष्यमा पुग्न कार्य गर्दा सहयोग गर्न सक्नुहुन्छ, तर ध्यान दिनुहोस्, तिनीहरू अन्ततः तिनीहरूकोआफ्नो सिकाइका लागि उत्तरदायी हुन्छन् ।

EnglishConnect का समूहहरू व्यवस्थित र सञ्चालान गर्ने निर्णयहरू गर्न चर्चका स्थानीय अगुवाहरूसँग सल्लाह गर्नुहोस् । विशेष रूपमा, प्रत्येक समूहमा दुई वयस्क शिक्षकहरू नियुक्त गरिएका हुन्छन् । तपाईंहरूले स्थान, तालिका र नियमन छनोट गर्दा सिकारूहरूको आवश्यकता र स्थानीय क्षमतालाई विचार गर्नुहोस् ।

EnglishConnect का पाठहरू ६० देखि ९० मिनेट सम्मका हुन सक्छन् । प्रत्येक क्रियाकलापका लागि सूचीवद्ध समय सीमाहरू पालना गर्नुहोस् । कुनै पनि क्रियाकलापहरू नहटाउनुहोस्; केवल छोटो समूह वैठकका लागि सुझाव गरिएको न्यूनतम समय प्रयोग गर्नुहोस् र यदि समयले अनुमति दिन्छ भने लामो समयको प्रयोग गर्नुहोस् ।

सूची: कार्यक्रमको निरीक्षण गर्नेहरूसँग परामर्श गर्नुहोस् र तपाईंहरूले यी निर्णयहरू गर्दा सिकारूहरूको आवश्यकता र स्थानीय क्षमतालाई विचार गर्नुहोस् ।

सामान्यतया, समूहहरू हप्तामा एक पटक भेट्छन् । यदि आवश्यक भएमा समूहहरूले धेरै पटक भेट्न सक्छन् । समूह वैठकहरू सबैभन्दा प्रभावकारी बनाउनका लागि, सिकारूहरूसँग “Personal Study” खण्ड पूरा गर्न वैठकहरूका बीचमा पर्याप्त समय हुनु पर्छ ।

English Connect १ र २ हरेकमा २५ पाठहरू छन् । यदि समूहहरू हप्तामा एक पटक भेट्छन् भने, यो एक तह पूरा गर्न छ महिना लाग्ने छ । यदि समूहहरू हप्तामा दुई पटक भेट्छन् भने, यो तीन महिना लाग्ने छ । यदि आवश्यक भएमा तपाईंहरूले कार्यक्रमलाई साना खण्डहरू वा मोड्युलहरूमा विभाजन गर्न सक्नुहुन्छ । उदाहरणका लागि, तपाईंहरूले एकाइ १ देखि ३ पूरा गर्न हप्तामा एक पटक मात्र तीन महिनाका लागि भेट्ने समूह सुरू गर्ने छनोट गर्न सक्नुहुन्छ । यस दृष्टिकोणको प्रयोगले सिकारूहरूलाई प्रतिवद्ध रहनका लागि सहयोग गर्न सक्छ ।

सूची: एकाइ–१ बाट सुरू नहुने समूह वैठकको समयतालिका तय गर्दा, पाठ–१ बाट आफ्नो समूहको पाठ तालिका सुरू गर्न ध्यान दिनुहोस् । यसले पुस्तिका कसरी प्रयोग गर्ने भन्ने सम्बन्धमा सिकारूहरूलाई उन्मुख गर्न सहयोग गर्ने छ । कार्यक्रमको निरीक्षण गर्नेहरूसँग परामर्श गर्नुहोस् र तपाईंहरूले यी निर्णयहरू गर्दा सिकारूहरूको आवश्यकता र स्थानीय क्षमतालाई विचार गर्नुहोस् ।

यदि आवश्यक भएमा समूहहरूले समूह वैठकमा एक भन्दा बढी पाठहरू समावेश गर्न सक्छन् । समूह वैठकहरू सबैभन्दा प्रभावकारी बनाउन, प्रत्येक पाठका लागि “Personal Study” खण्ड पूरा गर्न समूह वैठकपूर्व सिकारूहरूसँग पर्याप्त समय हुनु पर्छ ।

पाठ तालिका र गतिका सम्बन्धमा थप जानकारीका लागि “मेरो समूह कति पटक भेट्नु पर्छ?” हेर्नुहोस् ।

EnglishConnect १ का लागि व्यक्तिको मातृभाषामा साक्षरता र अङ्ग्रेजी वर्णमाला र आधारभूत अङ्ग्रेजी शब्दहरू पढ्ने क्षमता आवश्यक हुन्छ । EnglishConnect २ आधारभूत वाक्यहरू भन्न र अङ्ग्रेजीमा आधारभूत प्रश्नहरूको जवाफ दिन सक्ने सिकारूहरूका लागि हो । सिकारूले EnglishConnect १ वा EnglishConnect २ मा समावेश हुनुपर्ने निर्णय गर्न, तपाईंहरूले परिशिष्ट ख को मौखिक प्रवीणता अन्तर्वार्ताको प्रयोग गर्न सक्नुहुन्छ ।

EnglishConnect ३ एक मध्यवर्ती पाठ्यक्रम हो जसले सिकारूहरूलाई अङ्ग्रेजी भाषाको शैक्षिक सीपहरू विकास गर्न सहयोग गर्छ । EnglishConnect ३ मा सहभागी हुन, सिकारूहरूले आवेदन दिनु पर्छ र प्लेसमेन्ट परीक्षामा योग्यता अङ्क प्राप्त गर्नु पर्छ । सिकारूहरूले englishconnect.org/join मा आवेदन दिन सक्छन् ।

सहभागीहरूलाई प्रगति गर्नका लागि सहयोग गर्न EnglishConnect सँग धेरै तहहरू छन् । EnglishConnect १ र २ ले सिकारूहरूलाई आधारभूत अङ्ग्रेजी-भाषाका सीपहरू विकास गर्न सहयोग गर्छन् । EnglishConnect ३ एक मध्यवर्ती पाठ्यक्रम हो जसले सिकारूहरूलाई अङ्ग्रेजी भाषाको शैक्षिक सीपहरू विकास गर्न सहयोग गर्छ । यसले सिकारूहरूलाई बिवाइयू-पाथवे विश्वव्यापीका लागि तयारी गर्न सहयोग गर्छ । (बिवाइयू-पाथवे विश्वव्यापीका सम्बन्धमा byupathway.org मा थप जानकारी प्राप्त गर्नुहोस् ।)

EnglishConnect ३ एक कम लागतको, अनलाइन पाठ्यक्रम हो जसमा भर्चुअल वा स्थानीय सभागृहमा वार्तालाप भेला हुन सक्छ । EnglishConnect ३ ले सुन्ने, बोल्ने, पढ्ने र लेख्नमा व्यक्तिगत प्रतिक्रिया सहितको सिकाइका अनलाइन स्रोतहरू समावेश गर्छ । सिकारूहरू पाठ्यक्रममा आफ्नै गतिमा अगाडि बढ्न सक्छन् । सिकारूहरूले आफ्ना लक्ष्यहरू पूरा गर्न चाहेको जति पटक EnglishConnect ३ दोहोर्याउन सक्छन् । EnglishConnect ३ पूरा गर्नाले बिवाइयू-पाथवे विश्वव्यापीमा आवेदन दिँदा सिकारूहरूलाई अङ्ग्रेजी मूल्याङ्कनलाई बेवासता गर्न अनुमति दिन्छ ।

कार्यपुस्तिकाका क्रियाकलापहरू, विशेष गरी पठन र लेखनका क्रियाकलापहरू सहित— EnglishConnect ३ का लागि तयारी गर्न सिकारूहरूले EnglishConnect १ र २ पूरा गर्नु पर्छ । EnglishConnect २ सिकारूहरूलाई englishconnect.org/join मा EnglishConnect ३ मा आवेदन दिन प्रोत्साहन गर्नुहोस् ।

EnglishConnect ३ स्थानीय अगुवाहरू र चर्चका सेवा सुसमाचारहरूसँगको सहकार्यमा बिवाइयू-पाथवे विश्वव्यापीद्वारा प्रस्ताव गरिएको छ । इच्छुक अगुवाहरूले आफ्नो क्षेत्रमा EnglishConnect ३ उपलब्ध गराउन कल्याणकारी र आत्मनिर्भर व्यवस्थापकहरूसँग कार्य गर्न सक्छन् ।

नयाँ सिकारूहरूले कुनै पनि समयमा EnglishConnect समूहमा सहभागी हुन सक्ने गरी पाठहरू तयार गरिएका छन् । यदि समूहहरू सुरू भइसकेपछि सिकारूहरू सहभागी हुन चाहन्छन् भने, तिनीहरूलाई स्वागत् गर्नुहोस्, तिनीहरूलाई शिक्षकहरूका लागि EnglishConnect १ वा शिक्षकहरूका लागि EnglishConnect २ उपलब्ध गराउनुहोस् । (वा तिनीहरूलाई सुसमाचार पुस्तकालयमा रहेको त्यो पुस्तिकामा कसरी पहुँच राख्ने भनेर देखाउनुहोस्) र तिनीहरूलाई सहभागी हुन सहयोग गर्नुहोस् । तपाईं वा अर्को सिकारूले नयाँ सिकारूहरूलाई अर्को पाठका लागि कसरी तयारी गर्ने भनेर देखाएर समूहसँग मिल्न सहयोग गर्न सक्नुहुन्छ । साथै, यदि तिनीहरूलाई अतिरिक्त अभ्यास आवश्यक छ भने सिकारूहरूले सोही तह दोहोर्याउन छनोट गर्न सक्छन् ।

कहिलेकाहीँ सिकारूहरूसँग समूहमा उपस्थित हुन कठीन गराउने चुनौतिहरू हुन्छन् र तिनीहरू प्रायः लाज वा त्रासका कारण फर्कन हिचकिचाउँछन् । तिनीहरूले धेरै छुटाएका छन् र सोही तहमा पुग्न सक्दैनन् भनेर तिनीहरूले परिकल्पना गर्न सक्छन् । तिनीहरूले जति नै छुटाएका भएपनि सम्पर्क गर्नुहोस् र अनुपस्थित सिकारूहरूलाई अर्को पाठमा सहभागी हुनका लागि आमन्त्रण गर्नुहोस् । सहयोग र प्रोत्साहन प्रदान गर्नुहोस् । कुनै पनि समयमा तिनीहरू पुन: सहभागी हुन सक्ने गरी EnglishConnect तयार गरिएको छ भनेर सिकारूहरूलाई आश्वासन दिनुहोस् । सिकारूहरूले समूहमा भाग लिएर र अर्को पाठका लागि तयारी गरेर पुन: सुरू गर्न सक्छन् । अनुपस्थित सिकारूलाई सम्पर्क र सहयोग गर्नका लागि समूहका एक वा बढी सदस्यहरूलाई आमन्त्रण गर्ने विषयमा ध्यान दिनुहोस् ।

सूची: कुनै व्यक्तिको लिखित अनुमति बिना उसको सम्पर्क जानकारी नबाँढ्नुहोस् ।

केही सिकारूहरूलाई भाषा बुझ्न र बोल्न बढी समय आवश्यक हुन्छ । यी सिकारूहरूले प्रत्येक वार्तालाप समूहमा सहभागी हुनुपूर्व “Personal Study” खण्ड पूरा गरेर सबैभन्दा बढी लाभ उठाउने छन् । समूह भेला हुनुपूर्व तिनीहरूलाई शब्दावली र वाक्य नमूनाहरू अभ्यास गर्न आमन्त्रण गर्नुहोस् । पाठका क्रममा, यी सिकारूहरूलाई प्रोत्साहन र सहयोग प्रदान गर्न सक्ने अन्य सिकारूहरूसँग समायोजन गराउनुहोस् । सबै सिकारूहरूलाई तिनीहरूले सम्भव भएसम्म गर्न र सिक्ने प्रक्रियाको अंशका रूपमा गल्तीहरूलाई स्वीकार गर्न प्रोत्साहन गर्नुहोस् । तपाईंले क्रियाकलाप समीक्षा गर्ने र दोहोर्याउने छनोट पनि गर्न सक्नुहुन्छ । अर्को वार्तालाप समूहमा सहभागी हुनुपूर्व “Personal Study” खण्ड पूरा गर्नु तिनीहरूको प्रगतिका लागि महत्त्वपूर्ण हुन्छ भनेर सबै सिकारूहरूलाई बुझाउनुहोस् ।

जब तपाईंहरू सिकारूहरूसँग संलग्न हुनुहुन्छ, तपाईंहरूले देख्न सक्नुहुन्छ कि कोहीले राम्रोसँग बुझेका छन् र अभ्यासका क्रियाकलापहरू सजिलै पूरा गर्न सक्षम भएका छन् । यी सिकारूहरूलाई थप विवरणहरू समावेश गरेर वा फरक सन्दर्भमा उही क्रियाकलाप गराएर तिनीहरूको सिकाइलाई अझै गहन बनाउन चुनौती दिने विषयमा ध्यान दिनुहोस् । उदाहरणका लागि, जब सिकारूहरूले कसैलाई भेट्ने अभ्यास गर्छन्, तिनीहरूलाई नयाँ साथी वा नयाँ हाकिमलाई भेट्ने अभ्यास गर्नका लागि भन्नुहोस् । यी सिकारूहरूले सुस्त गतिमा सिकिरहेका सिकारूहरूलाई सहयोग गरेर अङ्ग्रेजीको आफ्नो ज्ञानलाई मजबुत बनाउन पनि सक्छन् । सबै सिकारूहरूले सहपाठीहरूलाई सिकाएर र अरूहरूलाई अङ्ग्रेजीमा शब्दावली र नमूनाहरू अभ्यास गर्न सहयोग गरेर लाभ उठाउन सक्छन् ।

अङ्ग्रेजी बोल्ने क्षमताका विभिन्न स्तर भएका सिकारूहरू हुनु स्वाभाविक हो र जुन तिनीहरूका लागि एकअर्कालाई सहयोग गर्ने अवसर हो । एकअर्कालाई सहयोग गर्नाले साहचर्य र वृद्धिलाई प्रोत्साहन गर्न सक्छ । प्रदान गर्नका लागि हरेक सँग केही न केही छ । उदाहरणका लागि, केही सिकारूहरूले अरूहरूलाई आत्मविश्वास महसुस गर्नका लागि सहयोग गर्न सक्छन् किनभने तिनीहरू गल्ती गर्न इच्छुक छन् । सिकारूलाई विभिन्न तरिकामा सहपाठी बनाउनुहोस् । तपाईंले सिकारूहरूलाई तिनीहरूका क्षमताहरू सँगै विस्तार गर्नका लागि सहयोग गर्न समान तहमा भएका कसैसँग सहकर्मी बनाउन सक्नुहुन्छ । अथवा तपाईंले सिकारूहरूलाई फरक तहमा भएका कसैसँग जोड्न सक्नुहुन्छ । तल्लो तहका सिकारूहरूले प्रतिक्रिया र सहयोगबाट लाभ उठाउने छन् । उच्च-स्तरका सिकारूले साथीहरूलाई सिकाएर र अङ्ग्रेजीमा व्याख्या गरेर लाभ उठाउने छन् । ध्यान दिनुहोस्, अङ्ग्रेजी बोल्ने विभिन्न क्षमता भएको समूह हुनु सामान्य विषय हो र सिकारूहरूका लागि एकअर्कालाई सहयोग गरेर लाभान्वित हुने विषय एक राम्रो अवसर हुन सक्छ ।

लामो व्याकरण निर्देशन प्रदान गर्नु वा नियमहरूका सम्बन्धमा बताउन धेरै समय खर्च गर्नुको सट्टा, सिकारूहरूलाई नमूनाहरू तर्फ ध्यान दिन लगाउनुहोस् । नमूनाहरू अनुशरण गर्दा सिकारूहरू धेरै गल्तीहरू गर्नबाट टाढा रहन सक्छन् । भाषा सम्बन्धि वार्तालाप गर्नुको सट्टा भाषाको अभ्यास गरेर सिक्नु बढी प्रभावकारी हुन्छ । व्याकरण सम्बन्धि कुनै पनि व्याख्या सरल, संक्षिप्त र कार्ययोग्य हुनु पर्छ । यदि तपाईंले कुनै सिद्धान्त सिकाउनुहुन्छ भने, उदाहरणका वाक्यहरू प्रदान गर्नुहोस् र सिद्धान्त उपयोग गरेर अभ्यास गर्न सिकारूहरूलाई आमन्त्रण गर्नुहोस् । अङ्ग्रेजी सुनेर र अभ्यास गरेर सिकारूहरूले सबैभन्दा धेरै लाभ लिन्छन् ।

उच्चारण सुधार गर्न धेरै समय खर्च नगर्नुहोस् । सही उच्चारण हुनु भन्दा बुझ्नु महत्त्वपूर्ण छ भनेर सिकारूहरूलाई बुझाउनुहोस् । सिकारूहरूलाई तिनीहरूको व्यक्तिगत अध्ययनका क्रममा उच्चारण अभ्यास गर्न प्रोत्साहन गर्नुहोस् ताकि तिनीहरूले आफ्नै गतिमा अभ्यास गर्न सक्छन् । यदि सिकारूहरू तिनीहरूको उच्चारणका सम्बन्धमा धेरै चिन्तित छन् भने, तिनीहरू वार्तालाप अभ्यास गर्न हिचकिचाउन सक्छन् भनेर ध्यान दिनुहोस् । englishconnect.org/learner/resources मा अनलाइन उच्चारण मोड्युलहरू प्रयोग गर्न सिकारूहरूलाई प्रोत्साहन गर्नुहोस् ।

तपाईंहरूको EnglishConnect समूह दर्ता र व्यवस्थापन गर्न QuickReg (quickreg.englishconnect.org) उपकरण प्रयोग गर्नुहोस् । QuickReg समूह दर्ता गर्ने एउटा उपकरण हो जुन पछिल्ला दिनका सन्तहरूको येशू ख्रीष्टको चर्चद्वारा उपलब्ध गराइएको छ । तपाईंहरूले QuickReg प्रयोग गर्न सक्नुहुन्छ:

• समूह सिर्जना गर्न: आफ्नो समूहको दिन, समय र स्थान छनोट गर्न ।

• समूह व्यवस्थापन गर्न: सहभागीका लागि जानकारी हेर्न र समूहका जानकारी अध्यावधिक गर्न ।

• व्यक्तिहरूलाई सहभागी हुन आमन्त्रण गर्न: तपाईंको समूहलाई अनलाइनमा englishconnect.org/join मा सूचीवद्ध गरिने छ । मानिसहरूलाई आफ्ना समूहमा दर्ता गर्नका लागि आमन्त्रण गर्न तपाईंले लिङ्क बाँढ्न सक्नुहुन्छ ।

• प्रमाणपत्रहरू वितरण गर्न: तपाईंको समूहको अन्त्यमा, तपाईंले प्रमाणपत्रहरू प्राप्त गर्न र छाप्न सक्नुहुन्छ ।

EnglishConnect १ र २: का समूहको समापनमा, सिकारूहरूले सहभागिता प्रमाणपत्रहरू प्राप्त गर्न सक्छन् । अगुवाहरू, विशेषज्ञहरू वा शिक्षकहरूले प्रमाणपत्रहरू वितरण गर्न सक्छन् । केही देशहरूलाई EnglishConnect का प्रमाणपत्रहरू वितरण गर्न अनुमोदन नगरिएको हुन सक्छ । कृपया प्रमाणपत्रहरू प्रदान गर्नुपूर्व स्थानीय कानुनी आवश्यकताहरूको समीक्षा गर्नुहोस् (englishconnect.org/leader/approved-locations हेर्नुहोस्)।

सूची: प्रमाणपत्रहरू प्राप्त गर्न र वितरण गर्न, तपाईंको समूह QuickReg उपकरण quickreg.englishconnect.org मा दर्ता गरिएको हुनु पर्छ । ( यस FAQ खण्डमा “मैले मेरो EnglishConnect समूह कसरी दर्ता र व्यवस्थापन गर्छु?” हेर्नुहोस् ।)

EnglishConnect ३: पाठ्यक्रममा आवश्यक तहहरू पूरा गर्दा सिकारूहरूले सम्पन्नताका प्रमाणपत्रहरू प्राप्त गर्न सक्छन् । EnglishConnect ३ पूरा गर्नाले बिवाइयू-पाथवे विश्वव्यापीमा आवेदन दिँदा सिकारूहरूलाई अङ्ग्रेजी मूल्याङ्कनलाई बेवस्ता गर्न अनुमति दिइन्छ ।