सिकारूले के गर्छन्?

EnglishConnect को अनुभवको आधारशिलाले सिकारूहरूलाई “अध्ययन र आस्थाद्वारा पनि सिक्न प्रयास गर्न” (सिद्धान्त र करार ८८:११८) सहयोग गरिरहेको छ । EnglishConnect मा प्रत्येक पाठ सिकाइको सिद्धान्तमा केन्द्रित छ । यी आध्यात्मिक सिद्धान्तहरू हुन् जसले हामीलाई सिक्ने र सिकाउने क्षमता अभिवृद्धि गर्न परमप्रभुमा निर्भर रहन सहयोग गर्छ । सिकाइका सिद्धान्तहरूले हामीलाई हाम्रो वास्तविक क्षमता र हामीलाई सहयोग गर्ने मुक्तिदाताको क्षमता बुझ्नका लागि सहयोग गर्न सक्छन् । हामीले EnglishConnect अनुभवमा अध्ययन गर्ने र उदाहरण दिने सिकाइका सिद्धान्तहरूले यी समावेश गर्छन्:

वार्तालाप समूहमा सहभागी हुनुपूर्व, सिकारूहरूले सिकारूका पुस्तिकामा “Personal Study” (व्यक्तिगत अध्ययन) खण्ड पूरा गर्छन् । यस खण्डमा, सिकारूहरूले सिकाइका सिद्धान्तको अध्ययन गर्छन्, शब्दावली कण्ठ गर्छन् र वाक्य संरचनाहरू प्रयोग गरेर अभ्यास गर्छन् ।

वार्तालापका समूहमा, सिकारूहरूले सिकारूका पुस्तिकामा “Conversation Group” (वार्तालाप समूह) का क्रियाकिलापहरू पूरा गर्छन् । साना समूह वा जोडीहरूमा कार्य गर्ने, सिकारूहरूले सिकाइका सिद्धान्तका सम्बन्धमा छलफल गर्छन्, शब्दावली र वाक्यका संरचनाहरू समीक्षा गर्छन् र वार्तालापहरूको अभ्यास गर्छन् । प्रत्येक क्रियाकिलापले सिकारूहरूलाई अर्को क्रियाकिलापका लागि तयार गर्छ । प्रत्येक वार्तालाप समूहको अन्त्यमा, सिकारूहरूले आफ्नो प्रगतिको मूल्याङ्कन गर्छन् र दैनिक अभ्यासका लागि लक्ष्यहरू निर्धारण गर्छन् ।

अङ्ग्रेजी राम्रोसँग सिक्नका लागि, सिकारूहरूले दैनिक अभ्यास गर्ने बानी विकास गर्नु आवश्यक हुन्छ । यो बानी बसाल्न, सिकारूहरूले आफ्ना दैनिक क्रियाकिलापहरूमा अङ्ग्रेजीलाई प्रयोग गर्ने तरिकाहरू पत्ता लगाउनु आवश्यक हुन्छ । उदाहरणका लागि, जब तिनीहरू सङ्गीत सुन्छन्, तिनीहरूले अङ्ग्रेजीमा सुन्न सक्छन् । सिकारूहरूले घरमा, काममा वा चर्चमा पनि अङ्ग्रेजीमा सामान्य वार्तालापहरू गर्न सक्छन् । (EnglishConnect सिकारूका पुस्तिकामा रहेका “अध्ययन सुझावहरू” खण्डमा थप अवधारणाहरू हेर्नुहोस् ।) दैनिक अभ्यासको कुञ्जी भनेको सिकारूहरूलाई तिनीहरूको सामान्य दिनचर्यामा अङ्ग्रेजी प्रयोग गर्ने तरिकाहरू पत्ता लगाउन सहयोग गर्नु हो ।

आफ्नो दैनिक अभ्यासको अंशका रूपमा, सिकारूहरूले सिकारूका पुस्तिकामा सम्बन्धित “Personal Study” (व्यक्तिगत अध्ययन) खण्ड पूरा गर्न सक्छन् । तिनीहरूले englishconnect.org/learner/resources मा र EnglishConnect १ कार्यपुस्तिका र EnglishConnect २ कार्यपुस्तिका मा अनलाइनमा पाठका क्रियाकिलापहरू र मूल्याङ्कनहरू पूरा गर्न सक्छन् ।