EnglishConnect लाई के ले विशिष्ट बनाउँछ?

EnglishConnect मा, हामी अङ्ग्रेजी सिक्नका लागि परमप्रभुको सहयोग अन्वेषण गर्न आस्थामा कार्य गर्छौं । जब हामी अङ्ग्रेजी सिक्न परमप्रभुको सहयोग अन्वेषण गर्छौँ, हामी परमेश्वरको नजिक हुन सक्छौँ र मुक्तिदाताको सक्षम शक्तिको अनुभव गर्न सक्छौँ । प्रत्येक पाठमा, हामी सिकाइको आध्यात्मिक सिद्धान्तको अध्ययन र उपयोग गर्छौँ । आत्मा नै सत्य शिक्षक हो र हामीले सिक्नका लागि सहयोग प्राप्त गर्न भाषाको उपहार सहित आत्माको उपहार अन्वेषण गर्न सक्छौँ (सिद्धान्त र करार ४६:८–२६ हेर्नुहोस्) ।

2:7

EnglishConnect मा, हामी एक अर्कालाई प्रेम गर्ने, सिकाउने र सहयोगीका रूपमा आत्मालाई आमन्त्रण गर्छौं । हामी मित्रता निर्माण गर्छौं र एक अर्कालाई उत्प्रेरित गर्न सहयोग गर्छौं । हामी हाम्रो आत्मविश्वास सँगै अभिवृद्धि गर्छौँ, हाम्रा गल्तीहरूबाट सिक्छौँ र हाम्रो प्रगतिको उत्सव मनाउँछौँ । जब हामी आत्माबाट सिक्छौँ, हामीले “एकअर्कालाई बुझ्ने छौँ र सन्तुष्ट [हुने छौँ] र सँगै प्रसन्न हुने छौँ (सिद्धान्त र करार ५०:२२) ।

1:55

EnglishConnect मा, हामी अङ्ग्रेजी मात्रै सिक्ने भन्दा पनि बढी गर्छौं; हामीले सिक्ने र सिकाउने क्षमता पनि वृद्धि गर्छौँ । हामीले जहाँबाट सुरू गरे तापनि, हामी कडा परिश्रम गर्छौं र हाम्रा लक्ष्यहरू प्राप्त गर्न परमेश्वरसँग सहकार्य गर्छौं । हामी दैनिक अङ्ग्रेजी अभ्यास गर्न आस्थासहित कार्य गर्छौँ । हामी हाम्रो जीवनका सबै क्षेत्रहरूमा “अध्ययन र आस्थाद्वारा” (सिद्धान्त र करार ८८:११८) सिक्ने प्रयास गर्छौँ ।

2:26