मैले कसरी वार्तालापका समूहको नेतृत्व गर्छु?

तपाईंले समूहको नेतृत्व गर्न सिकारूहरूका लागि EnglishConnect १ वा सिकारूहरूका लागि EnglishConnect २ प्रयोग गर्नुहुने छ । प्रत्येक पाठले यही नमूना अनुशरण गर्छ:

स्वागत्: सिकारूहरूलाई हार्दिक स्वागत् गर्नुहोस् र नयाँ सहभागीहरूलाई परिचय दिन लगाउनुहोस् । तपाईंले अङ्ग्रेजी बोल्नुहुने छ भन्ने अपेक्षा स्थापित् गर्नुहोस् र सम्भव भए सम्म सबैलाई अङ्ग्रेजी प्रयोग गर्न आमन्त्रण गर्नुहोस् । पाठको विषयका सम्बन्धमा संक्षिप्त परिचय दिनुहोस् ।

प्रार्थना: सिकारूलाई ठूलो स्वरमा प्रार्थना गर्न आमन्त्रण गर्नुहोस् । अङ्ग्रेजीमा प्रार्थना गर्न सहज महसुस गर्ने सिकारू छनोट गर्ने प्रयास गर्नुहोस् । सिकारूका पुस्तिकाहरूको परिशिष्टमा रहेको “अङ्ग्रेजीमा प्रार्थना गर्ने” पढेर तपाईंले व्यक्तिलाई पूर्व रूपमा तयारी गर्न आमन्त्रण गर्न सक्नुहुन्छ ।

सिकाइका सिद्धान्त: “Personal Study” सिकारूको पुस्तिकाकाको (व्यक्तिगत अध्ययन) खण्डमा रहेका सिकाइका सिद्धान्त पढ्नुहोस् र छलफल गर्नुहोस् । सिकाइका सिद्धान्तको लक्ष्य भनेको तपाईंले “अध्ययन र आस्थाद्वारा पनि” सहकार्य गरेर र सँगै सिकेर (सिद्धान्त र करार ८८:११८) आत्मालाई आमन्त्रण गर्नु हो ।

तपाईंले छलफलका प्रश्नहरू मध्ये एउटालाई कसरी जवाफ दिनुहुने छ भनी संक्षिप्त रूपमा बताएर सिद्धान्तलाई कसरी छलफल गर्ने भन्ने नमूना प्रस्तुत गर्नुहोस् । सरल शब्द र वाक्यांशहरू प्रयोग गर्नुहोस् ।

विद्यार्थीहरूलाई आफ्ना विचार र अनुभवहरू एकअर्कासँग बाँढ्नका लागि आमन्त्रण गर्नुहोस् । सिकारूहरूले आफ्नो मातृभाषामा छलफल गर्न सक्छन् । यदि तिनीहरूले सहज महसुस गर्छन् भने, सिकारूहरूले छलफल गर्दा अङ्ग्रेजीमा शब्दहरू वा वाक्यांशहरू प्रयोग गर्ने छनोट गर्न सक्छन् ।

क्रियाकलाप–१: सिकारूका पुस्तिकाका”Conversation Group” (वार्तालाप समूह) खण्डमा रहेका क्रियाकलापहरूद्वारा सिकारूहरूलाई नेतृत्व गर्नुहोस् । प्रत्येक क्रियाकलापले सिकारूहरूलाई अर्को क्रियाकलाप गर्नका लागि तयार गर्छ । क्रियाकलापहरूले सिकारूहरूलाई पुनरावृत्ति अभ्यासबाट तिनीहरूका आफ्नै वार्तालापहरू सिर्जना गरी प्रगति गर्न सहयोग गर्छन् ।

क्रियाकलाप–१ मा, सिकारूको पुस्तिकाको “व्यक्तिगत अध्ययन” खण्डमा शब्दावली र नमूनाहरू समीक्षा गर्न सिकारूहरूलाई सहयोग गर्नुहोस् । लक्ष्य भनेको सिकारूहरूलाई केही प्रमुख शब्दहरू बुझ्न र नमूनाहरू भन्न सहयोग गरेर क्रियाकलापहरू–२ र ३ का लागि तयार पार्नु हो ।

क्रियाकलाप २: क्रियाकलाप २ मा, सिकारूहरूले प्रदान गरिएको जानकारी प्रयोग गरेर सहकर्मीसँग प्रश्न सोध्ने र जवाफ दिने अभ्यास गर्न शब्दावली र नमूनाहरूको प्रयोग गर्छन् । लक्ष्य भनेको सिकारूहरूले सम्भव भएसम्म अङ्ग्रेजीमा धेरैभन्दा धेरै वाक्यहरू सिर्जना गरून् भन्ने हो ।

अभ्यासका अवसरहरू वृद्धि गर्नका लागि सहकर्मीहरू परिवर्तन गर्न सिकारूहरूलाई प्रोत्साहन गर्नुहोस् । तपाईंले सिकारूहरूसँग अन्तरक्रिया गर्दा, थप सहयोग आवश्यक हुनेहरूलाई पत्ता लगाउने प्रयास गर्नुहोस् । प्रोत्साहन र सुधार गर्ने व्यक्ति बन्नुहोस् ।

क्रियाकलाप ३: क्रियाकलाप ३ मा सिकारूहरूसँग वास्तविक जीवनको परिदृश्यमा पूर्ण रूपमा वार्तालाप गर्न शब्दावली र नमूनाहरू प्रयोग गर्ने अवसर हुन्छ । अङ्ग्रेजीमा अर्थपूर्ण वार्तालापहरू गर्नु सिकारूहरूको लक्ष्य हो ।

तिनीहरूलाई थप अभ्यासका अवसरहरू प्रदान गर्न सिकारूहरूलाई प्रायश: सहकर्मीहरू परिवर्तन गर्न बारम्बार प्रोत्साहन गर्नुहोस् । क्रियाकिलाप ३ को अन्त्यमा, सबै सिकारूहरूले तिनीहरूका पुस्तिकाको प्रयोग नगरी आदर्श रूपमा अङ्ग्रेजी बोलिरहेका हुन्छन् । समूहमा ऊर्जा र गति हुनु पर्छ किनभने सिकारूहरू सँगै अन्तरक्रिया र अभ्यास गर्छन् । जब तपाईं सिकारूहरूसँग संलग्न हुनुहुन्छ,तपाईंले कोहीले राम्रोसँग बुझेका छन् र यो क्रियाकलापमा उत्कृष्ट भइरहेका छन् भनेर देख्न सक्नुहुन्छ । थप विवरणहरू समावेश गरेर वा फरक सन्दर्भमा उही क्रियाकलाप गरेर यी सिकारूहरूलाई तिनीहरूको सिकाइलाई अझै गहन बनाउनका लागि चुनौती दिने सम्बन्धमा ध्यान दिनुहोस् । उदाहरणका लागि, जब सिकारूहरूले कसैलाई भेट्ने अभ्यास गर्छन्, तिनीहरूलाई नयाँ साथी वा नयाँ मान्यजनलाई भेट्ने जस्ता विभिन्न परिदृश्यहरू अभ्यास गर्न भन्नुहोस् ।

मूल्याङ्कन गर्नुहोस्: सिकारूहरूलाई तिनीहरूका प्रगति र प्रयासहरूको मूल्याङ्कन गर्न सहयोग गर्नुहोस् । सुधार गर्नका लागि तिनीहरूले के गर्न सक्छन् भनेर औंल्याएर उनीहरूलाई सफल महसुस गर्न सहयोग गर्नुहोस् । सिकारूहरूलाई दैनिक अभ्यासका लागि लक्ष्यहरू निर्धारण गर्न “Personal Study Tracker” (व्यक्तिगत अध्ययन ट्र्याकर) को प्रयोग गर्न सहयोग गर्नुहोस् ।

अङ्ग्रेजी दैनिक रूपमा अभ्यास गर्न आस्थामा कार्य गर्नुहोस्: आफ्नो समूहसँग ठूलो स्वरमा उद्धरण पढ्नुहोस् । परमप्रभुले तिनीहरूलाई अङ्ग्रेजी सिक्नका लागि सहयोग गर्न सक्नुहुन्छ भनी आफ्नो आस्था व्यक्त गर्नुहोस् । तिनीहरूलाई दैनिक रूपमा अङ्ग्रेजी अभ्यास गर्न आमन्त्रण गर्नुहोस् र “Personal Study” (व्यक्तिगत अध्ययन) का क्रियाकलापहरू पूरा गरेर अर्को पाठका लागि तयारी गर्नुहोस् ।

प्रार्थना: अङ्ग्रेजीमा समापन प्रार्थना गर्नका लागि सिकारूलाई आमन्त्रण गर्नुहोस् । विश्वस्त भएको महसुस गर्ने वा तपाईंले यसपूर्व नै आमन्त्रण गरेका सिकारूलाई छनोट गर्नुहोस् ।

EnglishConnect पाठहरू भाषा सिकाइका प्रमाणित सिद्धान्तहरू प्रयोग गरी तयार गरिएका छन् । तपाईंले पाठहरू अनुशरण गर्न र आस्था, साहचर्य र वृद्धिको वातावरण सिर्जना गर्दा तपाईंहरू सफल हुनुहुने छ ।