“ʻAho 9: ‘Fiemālie Pē ʻa Kimoutolu’ (Sione 20:19),” Aʻusia Fakaako ʻi he Uike Māʻoniʻoní (2026)
Sāpate Pāmé
ʻAho 9: “Fiemālie Pē ʻa Kimoutolu” (Sione 20:19)
ʻOku fakamanatua ʻe he Toetuʻú ʻa e kamataʻanga ʻo ha moʻui foʻou ʻia Kalaisi. Hili ʻa e Toetuʻu ʻa Sīsuú, naʻá Ne hoko atu ke ngāue fakaetauhi mo faiako. Naʻá Ne hā ki Heʻene kau ākongá ʻi Selusalema (vakai, Sione 20) peá Ne ʻaʻahi kimui ange ki he kakai ʻi he ongo ʻAmeliká (vakai, 3 Nīfai 11). Naʻe ʻomi ʻe Sīsū ʻa e melinó, akoʻi ʻEne ongoongoleleí, pea fakaafeʻi ʻa e taha kotoa ke haʻu kiate Ia. ʻOku kei hokohoko atu pē ʻi he taimí ni ʻEne ngāué ʻo fakafou ʻi he kau palōfita moʻuí, folofolá, mo e fakahā fakatāutahá. Te tau lava ʻo hoko ko e kau ākonga ʻa Sīsū Kalaisi ʻi heʻetau muimui ki Heʻene sīpingá mo vahevahe ʻEne pōpoaki ʻo e melinó.
Ngaahi Folofolá
Fakaafé
-
Ko e Fakalelei mo e Toetuʻu ʻa Kalaisí ʻoku ʻikai ko ha ongo meʻa pē ia naʻe hoko ʻi he hisitōliá; ko ha ongo fakaafe kinaua ke moʻui ʻo hangē ko e kau ākonga ʻa Kalaisí ʻi he ʻaho kotoa pē. Te ke lava fēfē ʻo hokohoko atu ke aʻusia ʻa e ngaahi tāpuaki ʻo e Fakalelei ʻa e Fakamoʻuí ʻi hoʻo moʻui fakaʻahó?
-
Fokotuʻu ha taumuʻa ʻoku fakatefito ʻia Kalaisi ʻi he uiké ni. ʻE lava ke hoko ia ko e lotu fakaʻahó, ako folofola, ngāue tokoní, pe faʻahinga meʻa pē ʻokú ke ongoʻi te ne ʻomi koe ke ke ofi ange kia Kalaisi.
Lekooti ʻa e Ngaahi Ongo ʻOkú ke Maʻú
Ngaahi Vitioó
The Risen Lord Appears to the Apostles [Ko e Hā ʻa e ʻEiki Kuo Toetuʻú ki he Kau ʻAposetoló]
Ko e Hā ʻa Sīsū Kalaisi ʻi he Temipalé
Ngaahi Maʻuʻanga Tokoni Kehé
-
“Hosana ʻo e Toetuʻú,” Tohi Hiva ʻa e Fānaú, 68
-
Henry B. Eyring, “ʻUnuʻunu Mai kiate Au,” Liahona, Mē 2025, 24–28
-
Dieter F. Uchtdorf, “Vakai ki he Tangatá!,” Liahona, Mē 2018, 107–10