“Ko e Hā ʻa Sīsū Kalaisi ʻi he Ongo ʻAmeliká ʻo e Kuonga Muʻá,” Aʻusia Fakaako ʻi he Uike Māʻoniʻoní (2026)
Mōnite
Ko e Hā ʻa Sīsū Kalaisi ʻi he Ongo ʻAmeliká ʻo e Kuonga Muʻá
“Vakai, ko au ko Sīsū Kalaisi, ʻa ia naʻe fakamoʻoniʻi ʻe he kau palōfitá ʻe haʻu ki he māmaní” (3 Nīfai 11:10).
Naʻe fakafeʻiloaki ʻe he ʻOtua ko e Tamaí Hono ʻAlo ʻOfaʻanga ko Sīsū Kalaisí ki he kau Nīfaí pea fakaafeʻi kinautolu ke nau fanongo kiate Ia. Naʻe hāʻele hifo leva ʻa e Fakamoʻui kuo toetuʻú ʻo fakahā kuó Ne fakakakato ʻa e Fakaleleí pea kuó Ne “fai ai ʻa e meʻa kotoa pē kuo finangalo ʻa e Tamaí ke u faí” (3 Nīfai 11:11). Naʻe fakaafeʻi ʻe he Fakamoʻuí ʻa e kau Nīfaí ke nau ala ki he ngaahi matakafo ʻo e faʻó ʻi Hono toʻukupú mo Hono toʻukupu kelekelé pea ke nau ʻiloʻi maʻanautolu pē ʻa ʻEne Toetuʻu nāunauʻiá. Hili ʻenau fakahoko taha tahá, naʻa nau kalanga, “Hōsana!” mo hū kiate Ia.
ʻI he konifelenisi lahi ʻo ʻEpeleli 2023, naʻe fakaafeʻi kitautolu ʻe ʻEletā Keuli E. Sitīvenisoni ke tau fakakaukau ki he founga ʻe lava ai ʻe he fakamatala ki he ngāue fakafaifekau ʻa e Fakamoʻui kuo toetuʻú ʻi he Tohi ʻa Molomoná ʻo fakalahi ʻetau fakamanatua ʻo e Toetuʻú:
Fakakaukauloto: naʻe ala moʻoni ʻa e kau Nīfai ʻi he temipalé ki he toʻukupu ʻo e ʻEiki kuo toe tuʻú! … ʻOku mau ʻamanaki ke ʻai ʻa e ngaahi vahe ko ʻeni ʻi he 3 Nīfaí ke hoko ko ha konga lahi ʻo ʻemau tukufakaholo ki he Toetuʻú ʻo hangē pē ko e kau ʻa e Luke 2 ʻi heʻemau tukufakaholo ʻi he Kilisimasí. Ko hono moʻoní, ʻoku ʻomi ʻe he Tohi ʻa Molomoná ʻa e talanoa maʻongoʻonga taha ʻo e Toetuʻú kuo talanoaʻí. ʻOua muʻa naʻa tuku ia ke hoko ko e talanoa maʻongoʻonga taha ʻo e Toetuʻú ʻoku ʻikai teitei talanoaʻí.
ʻOku ou fakaafeʻi koe ke ke sio ki he Tohi Molomoná ʻi ha maama foʻou mo fakakaukau ki he fakamoʻoni mahuʻinga ʻokú ne ʻomi ki hono moʻoni ʻo e Kalaisi kuo toe tuʻú kae ʻumaʻā ʻa e mahu mo e loloto ʻo e tokāteline ʻo Kalaisí. (“Ko e Talanoa Maʻongoʻonga Taha ʻo e Toetuʻú Kuo Talanoaʻí,” Liahona, May 2023, 8)
Ngaahi Folofolá mo e Fehuʻí
Te ke muimui fēfē nai ki he fakaafe ʻa ʻEletā Sitīvenisoni ke “akoʻi … ʻa e akonaki mo hono fakamanatua ʻo e Toetuʻu ʻa Sīsū Kalaisí, ko e talanoa ʻo e Toetuʻú ke potupotutatau, kakato mo e tukufakaholo fakalotu fakaʻofoʻofa ʻo hono ʻaloʻi ʻo Sīsū Kalaisí, ko e talanoa ʻo e Kilisimasí?” (“Ko e Talanoa Maʻongoʻonga Taha ʻo e Toetuʻú Kuo Talanoaʻí,” Liahona, Mē 2023, 6).
Vitiōa
Hivá
“This Is the Christ,” Hymns—For Home and Church, no. 1017
ʻEkitivitī maʻá e Fānaú
Lau pe mamata ʻi he talanoa fakafolofola kuo tā fakatātaaʻi ko ʻení ke ako fekauʻaki mo e ʻaʻahi ʻa e Fakamoʻuí ki he kakai ʻi he ongo ʻAmeliká. Kapau naʻá ke ʻi ai, ʻokú ke pehē naʻe mei fēfē nai ʻa e ongo te ke maʻú?