“ʻAho 7: ‘Ko Au ko e Māmá’ (3 Nīfai 9:18),” Aʻusia Fakaako ʻi he Uike Māʻoniʻoní (2026)
Tokonaki
ʻAho 7: “Ko Au ko e Māmá” (3 Nīfai 9:18)
Hili hono tuku ʻa e sino ʻo Sīsuú ki he fonualotó, naʻe tatali ʻEne kau ākongá. Neongo naʻe fakahā ange ʻe Kalaisi te Ne toe tuʻu, ka naʻa nau puputuʻu, loto-mamahi, mo taʻepauʻia ʻi he meʻa ʻe hoko maí. ʻOku ʻi ai ha ngaahi taimi te tau ala ongoʻi ai ʻoku tau tatali ʻi he fakapoʻulí. Ka naʻa mo e ngaahi mōmeniti ʻo ʻetau puputuʻú, te tau lava ʻo maʻu ha loto-falala ʻe fakahoko ʻe he ʻOtuá ʻEne ngaahi talaʻofá.
Ngaahi Folofolá
Fakaafé
-
Ko e hā ha tafaʻaki ʻi hoʻo moʻuí ʻokú ke ongoʻi ʻokú ke tatali ai—mahalo ʻoku ʻikai ha tali mahino pe ʻamanaki lelei?
-
ʻE lava fēfē ʻe he falala ki he feilaulau ʻa Kalaisí ʻo ʻomi kiate koe ʻa e nongá neongo ʻa e ngaahi mōmeniti taʻepau ko iá?
-
Kapau ʻokú ke lava ʻo ʻalu ki he temipalé, fakataimi-tēpileʻi ha taimi ke ke ngāue ai ʻi he fale ʻo e ʻEikí. ʻE lava ke ʻomi ʻe he ngāue ʻi he temipalé ha maama mo ha ʻamanaki lelei ki hoʻo moʻuí. Kapau ʻoku ʻikai ke ke lava ʻo ngāue ʻi he temipalé, hiki ʻi ha laʻipepa ha meʻa ʻe taha kuó ke lotua pe ʻamanaki ki ai. Tuku malu ʻa e laʻipepá ʻi ha feituʻu ko ha fakaʻilonga ʻo e falala kia Kalaisi ʻaki ʻa e meʻa ʻokú ke lotu pe ʻamanaki ki aí.
Lekooti ʻa e Ngaahi Ongo ʻOkú ke Maʻú
Vitiō
Jesus Is Laid in a Tomb [ʻOku Tuku ʻa Sīsū ki ha Fonualoto]
Ngaahi Maʻuʻanga Tokoni Kehé
-
“Te U Maʻu ʻI Fē ʻa e Melinó?,” Ngaahi Himí, fika 63
-
Jeffrey R. Holland, “ʻOku ʻIkai Hangē ko e Foaki ʻa Māmaní,” Liahona, Mē 2021, 35–38
-
D. Todd Christofferson, “Ko e Toetuʻu ʻa Sīsū Kalaisí,” Liahona, Mē 2014, 111–14