“Nefia Mpaminany,” Tantara ao amin’ny Bokin’i Môrmôna (2023)
I Nefia Mpaminany
Mahazo hery lehibe avy amin’ny Tompo
Nisy vondrona iray nantsoina hoe jirik’i Gadiantôna nanapaka ny tanànan’i Zarahemlà. Nifampanantena izy ireo fa hifanampy hanao zavatra ratsy. Nandroba sy nandratra olona izy ireo mba hahazoana vola sy hery. Maro tamin’ny olona no lasa mpandroba. Naniry ny hanankarena izy ireo
Helamàna 6:15–24, 38–39; 7:4–5
Nipetraka tao Zarahemlà ny mpaminany Nefia. Nivavaka tamin’ Andriamanitra i Nefia satria nalahelo izy fa tsy nanaraka ny didin’ Andriamanitra ny olona. Nangataka ny vahoaka i Nefia mba hahatsiaro ny zavatra rehetra nataon’ Andriamanitra ho azy ireo. Saingy vahoaka maro no tsy nihaino. Niraharaha bebe kokoa momba ny vola sy ny hery izy ireo noho ny fankatoavana an’ Andriamanitra.
Nampitandrina ny vahoaka momba ireo jirika i Nefia. Nilaza izy fa mila mibebaka izy ireo. Nitambatra tamin’ireo jirika ny sasany tamin’ireo mpitsara Nefita. Tezitra tamin’i Nefia izy ireo ary nilaza fa nandainga izy. Tian’izy ireo ho tezitra tamin’i Nefia koa ny vahoaka.
Nilaza i Nefia fa milaza zavatra maro amin’ireo mpaminaniny Andriamanitra. Nilaza tamin’izy ireo i Nefia fa ny mpaminany rehetra dia nampianatra momba ny fiavian’i Jesoa Kristy. Nilaza izy fa ireo mpaminany dia nampitandrina ny olona fa horavana i Jerosalema raha tsy mibebaka izy ireo. Nampiany izy ireo hahatsiaro fa rava i Jerosalema.
Ny ampitson’io dia nanontany an’i Nefia ireo mpitsara mba hamandrihana azy. Nolazain’i Nefia tamin’izy ireo ny momba ny faharatsiana teo anivon’izy ireo. Nino an’i Nefia ny olona sasany ary nahafantatra fa mpaminany izy.
Tsy nino ny hafa. Nifanditra daholo ny rehetra ary avy eo dia lasa. Nieritreritra ny zavatra nampianarin’ny Tompo azy i Nefia. Nalahelo izy noho ny zavatra ratsy nataon’ny olona.
Niresaka tamin’i Nefia ny Tompo. Faly Izy fa nampianatra ny vahoaka i Nefia. Noho ny naha-mpankatò an’i Nefia dia nomen’ny Tompo fahefana manokana izy mikasika ny zavatra ety an-tany sy any an-danitra. Fantatry ny Tompo fa i Nefia ihany no hampiasa ny hery hanampiana ny olona hibebaka.
Nasain’ny Tompo niverina tany amin’ny vahoaka i Nefia ary nilaza tamin’izy ireo mba hibebaka. Nandeha avy hatrany i Nefia. Saingy tezitra taminy ny vahoaka ary tsy nihaino.
Niezaka nampiditra an’i Nefia tao am-ponja izy ireo. Saingy nanampy an’i Nefia nandositra ny Fanahin’ Andriamanitra.
Nanohy nampianatra ny tenin’ Andriamanitra i Nefia. Mbola tsy nihaino ny olona. Nanomboka nifanditra sy niady izy samy izy. Nanamafy ny ady ny mpijirika. Vetivety dia nisy ady tao amin’ny tanàna tsirairay. Olona maro no narary na novonoina. Nalahelo i Nefia. Tsy tiany ho ravan’ny ady ny olona.
Nangataka an’ Andriamanitra i Nefia mba hahatonga mosary lehibe mba hahatsiarovan’ny olona ny Tompo sy hibebahany. Tsy nisy orana nandritra ny taona maro. Maina ny tany ary tsy afaka nitsiry ny masomboly. Noana ny vahoaka. Nijanona tsy niady izy ireo ary nanomboka nahatsiaro ny Tompo. Nibebaka ny vahoaka ary nanaisotra ireo jirika.
Nangataka an’i Nefia ny vahoaka mba hivavaka amin’ny Tompo. Hitan’i Nefia fa efa nibebaka izy ireo ary lasana ireo jirika. Nangataka ny Tompo izy mba handefa orana. Namaly ny vavaka nataon’i Nefia ny Tompo. Tonga ny orana ary nanomboka nitsiry ny voa. Nisaotra an’ Andriamanitra ny olona. Fantatr’izy ireo fa mpaminany i Nefia ary nanana hery lehibe avy amin’ Andriamanitra.