Renin’ny tafika tanora iray

Tia ny Tompo sy ny olon-drehetra ireo Antia-Nefia-Lehia. Nampianatra ny zanany ireo reny fa afaka matoky an’ Andriamanitra mandrakariva izy ireo. Nampianatra azy ireo hitandrina ny didiny izy.

Almà 26:31–34; 27:12, 27–30; 56:47–48; 57:21, 26

Niady tao anatin’ny ady lehibe ny Nefita sy ny Lamanita. Niady mba hiarovana ny vahoakany sy ny Antia-Nefia-Lehia ny Nefita.

Almà 48–52; 53:10–13

Noho ny fahotan’izy ireo taloha dia nanao fanekempihavanana na fampanantenana manokana tamin’ Andriamanitra ny Antia-Nefia-Lehia mba tsy hiady na amin’iza na amin’iza. Saingy tian’izy ireo ny Nefita ary naniry ny hanampy izy ireo.

Almà 24:6–19; 53:10–13

Andeha hiady amin’ny ady ireo Antia-Nefia-Lehia. Saingy nandresy lahatra azy ireo ny mpaminany Helamàna sy ireo mpitarika hafa tao amin’ny Fiangonana fa tokony hitandrina ny fampanantenany tsy hiady izy ireo. Tsy maintsy nijery ireo namany nandalo fanaintainana sy fahasahiranana maro ireo Antia-Nefia-Lehia, saingy nitandrina ny fanekempihavanany tamin’ Andriamanitra izy ireo.

Almà 53:13–15

Ireo zanakalahin’ireo Antia-Nefia-Lehia dia tsy nanao ny fampanantenana nataon’ny ray aman-dreniny. Ankehitriny dia nanao fampanantenana azy ireo manokana izy ireo fa hiady ho an’ny fahafahana.

Almà 53:16–17

Nanana herim-po lehibe izy ireo. Nianatra avy amin’ny reniny izy ireo fa raha tsy miroanahana izy ireo, dia hanafaka azy ireo Andriamanitra.

Almà 53:20; 56:67

Nino ny reniny ireo zanakalahy. Nino an’ Andriamanitra ireo zanakalahy ary nitandrina ny didiny. Natoky izy ireo fa hihazona azy ireo ho voaro Andriamanitra. Fantatr’ireo reny fa hiaro ireo zanany lahy Andriamanitra.

Almà 53:20–21; 56:47–48; 57:20–21, 26