Ireo Zôramita

Fampitomboana ny finoan’izy ireo an’i Jesoa Kristy.

I Amioleka, i Almà, i Kôriantôna ary ireo Nefita hafa nandeha nankany amin’ny tanàna iray

Nisy andian’olona Nefita iray nantsoina hoe Zôramita tsy nitandrina ny didin’ Andriamanitra. Nampalahelo ny mpaminany Almà izany. Fantany fa ny fomba tsara indrindra hanampiana azy ireo dia ny mampianatra azy ireo ny tenin’ Andriamanitra. Niaraka tamin’i Amioleka sy ny hafa izy mba hampianatra azy ireo.

Almà 31:2–11

Malahelo i Almà sy i Amioleka, tsy niraharaha ny olona sahirana ny olona nanao fitafiana tsara

Nahafantatra momba an’ Andriamanitra ny Zôramita saingy nanova ny fampianarany izy ireo. Nanompo sampy izy ireo. Nihevi-tena ho tsara kokoa noho ny olona hafa izy ireo. Ratsy fanahy tamin’ny olona izay tsy nanam-bola ihany koa izy ireo.

Almà 31:1, 8–12, 24–25; 32:2–3

ireo Zôramita tsara fitafiana mitsangana eo amin’ny toerana avo eo afovoan’ny vahoaka ary manangana ny sandrin’izy ireo mankany amin’ny lanitra

Nanangana toerana avo ny Zôramita mba hijoroana eo afovoan’ny fiangonan’izy ireo. Nijoro sy nivavaka teo amin’izany ny tsirairay tamin’izy ireo. Nivavaka tamin’ny fampiasana teny mitovy isaky ny mandeha izy ireo. Tao anatin’ilay vavaka dia nilaza izy ireo fa tsy nanana vatana Andriamanitra ary tsy tena nisy i Jesoa Kristy. Nilaza izy ireo fa izy ireo no hany olona hovonjen’ Andriamanitra.

Almà 31:12–23

Niresaka tamin’ireo Zôramita mahantra i Almà sy i Amioleka

Tia ny Zôramita i Almà ary tiany hanaraka an’ Andriamanitra sy i Jesoa izy ireo. Nivavaka izy ary nangataka tamin’ Andriamanitra mba hanampy azy sy ireo hafa izay niaraka taminy mba hampianatra ny Zôramita. Heniky ny Fanahy Masina avokoa i Almà sy ireo niaraka taminy. Nandeha izy ireo ary nampianatra tamin’ny herin’ Andriamanitra.

Almà 31:24–38; 32:1

Zôramita mahantra maro no nihaino an’i Almà sy i Amioleka ary i Zezrôma nampianatra

Nalahelo ny Zôramita sasany. Tsy navela ho ao amin’ireo fiangonana izy ireo satria tsy nanana akanjo tsara. Naniry ny hitsaoka an’ Andriamanitra izy ireo saingy tsy nahafantatra ny fomba hanaovana izany raha tsy afaka mandeha tao am-piangonana. Maro no nanontany an’i Almà ny zavatra tokony hataon’izy ireo. Nampianatra azy ireo i Almà fa maheno ny vavaka ataon’izy ireo Andriamanitra na aiza na aiza misy azy ireo.

Almà 32:2–12; 33:2–11

mihazona voa kely sy manondro voninkazo lava sy kanto amin’ny tanany hafa i Almà

Nilaza i Almà fa tian’ Andriamanitra hanana finoana ny olona. Nampitaha ny fampianaran’ Andriamanitra tamin’ny voa iray Izy. Raha mamboly ny fampianaran’ Andriamanitra ao am-pony ny olona dia hitombo izany voa izany ary ho fantatr’izy ireo fa marina ireo fampianaran’ Andriamanitra. Nilaza izy fa mila manana faniriana ny hino fotsiny ihany izy ireo mba hanomboka hampihatra ny finoan’izy ireo.

Almà 32:12–43

miteny i Amioleka, miaraka amin’ny sarin’i Jesoa Kristy mampianatra olona eo akaikiny

Avy eo i Amioleka dia nampianatra ny olona momba ny drafitr’ Andriamanitra ho an’ireo zanany. Nilaza tamin’izy ireo Izy fa afaka ny ho voavela heloka avokoa izy rehetra amin’ny alalan’i Jesoa. Nampianatra azy ireo hivavaka amin’ Andriamanitra ihany koa Izy ary nilaza fa hanampy sy hiaro azy ireo Andriamanitra.

Almà 34

mijery Zôramita mahantra maro miala ny tanàna ireo mpiambina

Maro tamin’ireo Zôramita izay nahantra no nino ny zavatra nampianarin’i Almà sy i Amioleka. Saingy tezitra ireo mpitarika ny Zôramita. Nanery ny mpino rehetra hiala ny tanàna izy ireo.

Almà 35:1–6

Nandray ireo Zôramita mahantra ireo Antia-Nefia-Lehia

Lasa niara-nipetraka tamin’ireo Antia-Nefia-Lehia ireo mpino. Nanompo azy ny Antia-Nefia-Lehia tamin’ny fanomezana sakafo sy akanjo ary tany.

Almà 35:9