“iVakatakilakila Vakalou: Na Dina ni Kosipeli E Veisautaka na Noqu Bula,” Liaona, Maji 2026.
Mai na YA Weekly
iVakatakilakila Vakalou: Na Dina ni Kosipeli E Veisautaka na Noqu Bula
Na Kalou sa kilai iko vakataucoko ka kila na ka e vinaka duadua vei iko.
Au masulaka vagumatua meu kila vinaka na kequ ituvaki. A yaco mai na noqu kaci ni kaulotu ni oti e vica na vakadarodaro, au sa vakadrukai: na Tabana ni Kaulotu e Alpine-Vosa vaka Jamani.
Noqu itikotiko.
Na cava?
Au sega ni vinakata meu veiqaravi e noqu vanua! Au namaka meu gole kina vanua tale eso vakataka e vuqa na noqu itokani. Naa itukutuku qo e cakava meu vakila ni sega beka ni nuitaki au na Tamada Vakalomalagi me au qaravi Koya.
Ia na gauna au vakamamasu kina, au tarogi Koya ke kauwaitaki au tu ka cala beka na kaci ni kaulotu oqo, au vakila ni taluva mai tabaqu edua na icolacola. Au vakila na veivakadeitaki ni Yalotabu ni kilai au vakataucoko na Kalou ka kila na ka e vinaka duadua vei au.
Ena gauna oya, a vakadeitaka vei au na Yalotabu niu luve ni Kalou.
Ena imatai ni gauna au a vakila dina kina na kaukauwa ni noqu ivakatakilakila vakalou.
Dua na Dina Bibi Duadua
Na dina ni veisautaki ni bula ni kosipeli i Jisu Karisito oya nida luvena na itubutubu vakalomalagi.
A vakatavulica o Elder Patrick Kearon ena Kuoramu ni Apositolo Le Tinikarua na “isolisoli ni dina tawamudu e tokona na madigi meda ciqoma kina na veika kece e gadreva na Tamada me vakatikora vei keda—na isolisoli bibi ni kilaka, ni tauri vakataucoko ka ciqomi ena vuni yaloda, vakamatatataka na reki kei na dredre ni bula kei na noda vakatataro tawasaumi: Oya nida sa luvena dina na Kalou.”
Mai na ka sotavi oya ena noqu veikacivi ni kaulotu, au vakila na dina ni veivosa oya. Au sega ni guilecava rawa na veivakadeitaki kei na kaukauwa au vakila niu kilani kilai au ka lomani au na Kalou.
Vakanamata kina Noqu iVakatakilakila
Ena dina oqo, na vuravura au bula kina e cakava vakalailai meu kila na noqu vuvale vakalou. Au kila tu ni dodonu meu vakabibitaka na nanumi ni noqu ivakatakilakila vakalou kei na kaukauwa e salavata kaya.
Vei au, oqo e oka kina na veika me vaka na vakasamataki ni cakamana ni yagoqu kei na ka e vakatara meu cakava ka sotava ena veisiga.
Au vakila talega noqu sema vua na noqu Dauniveibuli ni au vakadirorogo tu kina veika bula. Na saravi ni totoka ni ulunivanua se na dromunisiga e vakananumi au ni sega ni dodonu me vakarairaivinakataki vuravura na Kalou. Ia sa cakava vakakina o Koya kei Jisu Karisito vei keda baleta ni Rau vinakata meda marautaka na veika veivakurabuitaki ni vuravura oqo ka vakananumi tu ena Nodrau loloma (raica na Mosese 6:63).
Na masu vua na Tamada Vakalomalagi e veisiga—me kila tu na lomaqu ka vakila ni vinakata o Koya me rogoci au ka vosa vei au—e vukei au me vakatitobutaka na noqu isema vakalou Vua. Na masu e vakananuma vei au niu sega ni tiko duadua ka tuberi au tiko o Koya, kevaka madaga e sega ni yaco tiko na ka au vinakata. Au vakanuinui ni kila o Koya, na Tamada lomani, na gauna donu me yaco kina kina noqu bula na veivakalougatataki eso.
Na iSolisoli ni Bula Vakayago
Au sega ni namaka me vaka na noqu ilesilesi, ia na veika au sotava e vukei au meu raica na vuna a vinakata kina na Tamada Vakalomalagi meu tiko ena noqu vanua. Na wasei ni dina ni vakatakilakila vakalou vei ira ka se bera ni kila tu e vakamarautaki au saraga.
Au sega ni kinoca rawa na bula niu sega ni kilai au vakai au—au na rairai kawale ka yali.
Niu navuca tu na inaki ni noqu bula, e tiko vei au na nuinui levu meu kila ni bula oqo e dua na tiki lailai ga ni tuvatuva ni Tamada Vakalomalagi vei au. Au rawa ni cakava, vulica, ka levu cake mai na kena oqo ena vuku ni solisoli vakalou ni bula e solia vei au o Koya me vaka na Luvena. Au vakavinavinaka vakalevu ni cabora o Koya na Luvena daulomani me noqu iVakabula ka rawa ni digitaka meu bula vakayago me vakataki Koya ka lesu i vale.
Se cava ga e saga o vuravura, au nuitaka nio na dau nanuma ocei dina oiko. Na dina oqori ena solia vei iko na kaukauwa mo sotava na veika o sotava.
Me vaka ga ni a rogoci au na Kalou ena noqu sasaga gumatua, au kila ni dau rogoci iko o Koya ka lomani iko talega.
O dauvolaivola e vakaitikotiko e Liestal, Switzerland.