“Na iTukutuku Rekitaki,” Liaona, Maji 2026.
Domodra na Yalododonu Edaidai
Na iTukutuku Rekitaki
Ena vuku ni Veisorovaki tawayalani ni iVakabula, au kila au na raica tale na noqu itokani.
Droini mai vei Briana Kranz
Ni keirau tiko veivolekati, au sotavi Maritza ni keirau se gone. Ni qase toka o koya ena vica na yabaki, keirau a veitokani ka veivolekati vinaka sara.
Ni au sa yabaki 19 ka gadreva vakalevu na veidusimaki, a vakatakilai vei au o koya kina kosipeli vakalesuimai i Jisu Karisito mai vei rau na daukaulotu tudei. Au sa kila toka vakalailai Na Lotu i Jisu Karisito ni Yalododonu Edaidai mai vei noqu momo kei buqu. Rau sa ivuvu ni lewe ni Lotu ena noqu matavuvale.
A tiko vata kei au o Maritza ena noqu saumaki taucoko mai, vukei au ni tara cake na noqu vakadinadina ni iVakabula kei na Nona kosipeli, ka tuberi au ena gauna kece au gadrevi koya kina.
Au vulica mai vua na reki ni kena bulataki na kosipeli ena sala malua kei na igu. Au qoroya na nona veimaliwai, ivakarau ni vakaduavatataki matavuvale kei na veitokani, kei na gumatua ni kena rawati na lalawa ka vakayago ka vakayalo. Au vulica mai vua ni gauna eda sotava kina na dina, sa dodonu meda vakatovotovotaka na ka eda vulica, muria na ivakaro ka bulataka na ivakavuvuli ni kosipeli ena noda bula kei na matavuvale. Meda yalodina tikoga, sa dodonu meda yaloqaqa ena noda ivakadinadina ka segata ni taura matua na noda vakabauta, veitalia na dredre eso.
Ena 2010, a mate o Maritza ena coqa ni motoka. Au sa rarawa saraga, ia au kila ni mai na yavu ni veivakabulai kei na Veisorovaki i Jisu Karisito, au na raici koya tale. Au kila ni tomana voli o koya ena vanua e tiko kina oqo na ivakarau ni yalomarau vataga kei na sasaga sa kena idivi tu oqo e vuravura.
Au kila na “itutu ni bula vakatovolei” oqo (Alama 12:24) e sega ni o koya taucoko. Au kila nida na raici ira tale na noda matavuvale kei na itokani ena yasa kadua ni ilati. Eda na raici ira, kidavaki ira, ka tiko vata tale. Eda na sotava na yalololoma vataga a tiko vei keda vakai keda e vuravura (raica na Vunau kei na Veiyalayalati 130:2). Era sa tiko mai kea na lewe ni noqu matavuvale. Au kila ni tiko talega ekea o Maritza.
A wasea na kosipeli o Maritza ena yalomarau ki na tamata kecega e vuravura. Au vakadeitaka ni sa cakava tiko o koya na ka vataga ena vuravura ni yalo (raica na Vunau kei na Veiyalayalati 138:57). Sa vakatavulica tiko o koya na Veisorovaki tawayalani ni iVakabula kei na itukutuku rekitaki ni mai na Vukuna kei na cakacaka vakalotu eso ni valetabu, eda sa rawa ni lesu tale kina Nona iserau kei Tamana vaka matavuvale tawamudu.