Sa Vuki na Noqu Rarawa ki na Reki

Droini mai vei Briana Kranz

Niu se yabaki 18, a takali na tukaqu ena yasana vei tinaqu. Ena gauna ni noqu bula oya, a sega ni yali tu e dua e voleka vei au. Au kila ni na yaco ena dua na siga, ia au sega ni namaka me yaco vakasauri.

A bula vinaka tu o tukaqu, ia vakasauri ga, na malumalumu ni yagona. A kauti koya totolo ivalenibula o buqu, ia a mani takali ni oti e va na siga.

E dau na ka mosimosi ni takali vakasauri e dua na tamata ena matai ni gauna. E matalia nio tukaqu edau tiko ena veisoqo bibi ena noqu bula ka qai mai yali tu yani.

Ni oti na veibulu, au vakasamataka e dua na sala me au doka kina na kena ivakananumi kei na neirau gauna taurua. Dau taleitaka o koya me qarava nona lori ka cakava na cakacaka tale eso. Na ka dina, ni sa malumalumu na yagona, a tiko o koya ena nona qaraji ka taura tu ena dua na ligana na yaya ni cakacaka, ka cakacaka voli.

Au navuca meu qarava talega na motoka. E vakavuna meu vakilai koya vakavoleka. Au gole kina masumasu kei na ivolanikalou, au kune vakacegu kina meu toso i liu ena vakabauta kei na inuinui ena nona sa mai yali.

“Ia ena yaco na tucake tale mai na mate,” a vakananuma vei au na parofita o Apinatai, “sa sega kina na kaukauwa ni ibulubulu, ka sa tiloma ko Karisito na bati gaga nei mate” (Mosaia 16:8).

Sa veivuke na mate i tukaqu me vakamatatataka vei au na ibalebale levu ni Veisorovaki i Jisu Karisito ki na noqu bula. Me vaka na noqu dokai tukaqu ni qarava na motoka, au vakila nida dokai Jisu Karisito—ka rawa ni voleka Vua—nida sasaga meda bula vakataki Koya, vulica Nona vosa, wasea Nona kosipeli, ka kitaka “na cakacaka i Tamana” (Joni 10:37). Nida cakava e vakaibalebale vakalevu kina Veisorovaki ni iVakabula ka vakalevutaka na noda vakararavi Vua.

“Nida tagi voli ena rarawa se reki, e kila vakavinaka tu o Jisu Karisito,” a vakatavulica o Elder Gerrit W. Gong ena Kuoramu ni Apositolo Le Tinikarua. “E rawa ni tiko o Koya ena gauna eda gadreva vakalevu kina na isolisoli tawamudu: na Veisorovaki i Jisu Karisito, Tucaketale, veivakalesui mai.”

E vukica o Jisu Karisito na noqu rarawa kina reki. Ena Vukuna kei na Nona Veisorovaki, au kila au na raici tukaqu tale.