E karineaki Tabanaeko Kuaea ma te kaniwanga ae aranaki bwa Mother Teresa Award

Mother Teresa ae e a tia ni mate e taekinna n te taina, “Te aonaaba e aki ti baki ibukin te amwarake, ma ibukin naba te tikiraoi.” N Nobembwa 2006, te Moomon Tabanaeko Kuaea e anganaki te kaniwanga ae ingoanaki iroun neiei, ibukin kinaakin “te konabwai irouia naake a katikiraoa te aonaaba, moara riki iaon taekan te aro, te motiraoi ibukin te botanaomata, ao tarena.”

“Bon ti aio te kuaea ae e a tia n ringa te aonaaba ni kabuta ma tikiraoina,” e taku Dan Paulos, te tarekita ibukin te St. Bernadette Institute of Sacred Art, are e angaanga te Kaniwanga ae te Mother Teresa Award. “A mwaiti kuaea n taabo nako ma akea ae rianako tamaroana n aron aei. Bon te bwaintangira mairoun te Atua, ao e riai n tibwauaki nakon te aonaaba.”

Kaain te kuaea a karineaki n te bukamaru ae uarereke imwiin te kanakobwana ni katoa wiiki iaon Anene ao Taeka Aika Taekinaki n te Taabati, Nobembwa 19, 2006. Te Very Reverend Joseph Mayor, Rector n te Umwantabu ae te Madeline, e anga te kaniwanga nakon Mac Christensen, te beretitenti n te kuaea, ao Craig Jessop, te tarekita n te katangitang, are a butimwaeia ibukin te kuaea.

“Ti kakaitau ni butimwaea te kaniwanga ibukiia taan anganano are bon kaain te kuaea. Ti kakaitau ngkai ti uringaki n te kaniwanga ae ingoanaki imwiin te aine ae itiaki, Mother Teresa,” e taekinna Scott L. Barrick, te manatia ni kabuta ibukin te kuaea.

Te intitute e karikirakea te buroukuraem ibukin te kaniwanga bwa a na “kinaaki ni koaua waaki aika bwain te tamnei n te aonaaba ae tabe ma bwain te aonaaba aei.”

Te boua ae kaaraki ae uarereke bon katootongan Mother Teresa ni boong aikai. Taan tokanikai a rineaki iroun te botanaomata ao taian Tarekita n te Baba n Tararua ibukin te Mother Teresa Awards a katebenakoa te moana.

Kaain te kuaea ni kabane aika 350 mwaane ao aine aika a anganano a bon kakaokoro aroia, aia mwakuri, ao aia ririki. E a kinaaki n te aonaaba te kuaea rinanon ana rawebwana aika mwaiti, mwanangana ni kamataku, ao kanakobwana ni katoa wiiki n te TV ao te rerio.

I buakoia aika tia n reke irouia te kaniwanga bon Pope John Paul II, Maya Angelou, Nelson Mandela, ao Jimmy Carter.