Iango ibukin te botaki n utu n te tairiki

Iango aikai a kona ni kabonganaaki ibukin te reirei n te umwanreirei ao inanon te mwananga naba.

“Te Toa—ao te Anganano,” iteraniba 10: Tuangia kaain te utu bwa a na kamatui mataia. Tuangia kaain te utu bwa a na iangoia bwabetitoaia, tauan te toa, ao tamnein man maiun te Tia Kamaiu. A kanga mwakuri aikai n ti teaekakina? `Imwin taekinan te bwai ae a tia n reiakin Unimwaane David B. Haight ngke e aki namakinaba, kaoia kaain te utu bwa ana kabwarabwara aron te toa n irekereke ma kammarakan Kristo. Karinani kawai ni urinnga te Tia Kamaiu ngke e tabe n taua te toa.

“Tenuua Rongorongo nakoia Kairake aika Ikawai,” iteraniba 26: Angania kaain te utu bwa ana korea tamnein maiuia 20 te ririki ae na roko. Tuangia bwa ana kabwarabwara ao imwina ni marooroakin bwaai aika a kantaningaia ni kakoroa bukina. Wareka te reirei mairoun Unimwaane Earl C. Tingey are e kona ni buokia ni karaoi aia babaire ibukin te kukurei.

“Te Inaomata ni Mwaie,” iteraniba 32: Angania kaain te utu bwa ana korei aia kouru ake a kani kakoroi bukiia. Kaoia bwa a na tibwaua aia iango iaon ae ana kanga n roko n aia takete. Wareka ao marooroakina ana rinerine Mavi are e a tia ni karaoia ibukin kakoroan bukin ana kouru. Katuruturua bwa te aroaro ao mwakuri aika kokoaua a rangi ni kakaawaki ibukin karokoara n ara kouru.

“Wintoon Karawa,” iteraniba 40: Angania kaain te utu bwa a na uoti bwaai aika iai manenaia ao n tibwauai bwa tera kakawakina nakoia. Tibwaua karakinaia aman aine mai India. A kanga ara kabwianibwai ni kakawaki imatan te Uea? Taekina te namakin n katabuan te umwantabu i India. A kanga ni kakabwaiaki aomata man kabwakaan aia kabwianibwai? Kaoti a marooroakin berita ake e a tia Unimwaane H. Bryan Richards ni karaoi ibukiia ake a kakaonimaki ni kabwaka aia kabwianibwai.

“Ana Kairiiri te Tina,” iteraniba R14: Kaota tamnein te utu. Marooroakina bwa e na kanga te tina ni katauraoa kairakiia kaain te utu n tatabemania. Taekina aron tinan Unimwaane Carlos H. Amado ni kairia bwa e na bwabetitoaki ao n nako ni beku ni mitinare. Angania kaain te utu bwa a na karaoa aia kaati ibukin tinaia, ni karabwa ibukin ana tararua..