Kaota am Iango

I a tia n rangi ni kabanea au tai ni maiu ni kaainakin te Ekaretia mai ibukoia au utu. I a tia ni karekei kakaewenako ake I kaitara ma ngaai inanon au tai ni kawakin maeuakinan te euangkerio. Karekei bwaai ni ibuobuoki aika tauraoi n te Ekaretia ake a reke bwa kairau, riki te Riaona are e buokai ni kawakina te Tamnei.

Ko rangi ni bati n raba ibukin kauringaau ni katoa namakaina bwa te Ekaretia e kona ni bita te maiu.

Sandra Vinocuna, Ecuador

Te Riaona n Okitobwa e rangi n tamaroa irou. I rangi ni karabwarabwa ibukin rongorongo ni kabane, riki ana rongorongo Beretitenti James E. Faust, “Te Ngaa ni Karai ae te Tangira.” I taku bwa a kainanoa warekaia aomata ni kabane. I karabwa Tamau are i Karawa ibukin kakabwaiakira ma burabeti ake a kairiira ni boong aika kaitira.

Unimwaane Emenike Hope Onwuchekwa, Nigeria Ibadan Mition

Te Riaona bon te bwai ni kairi nakon au utu, ao e buokiira naba n ara tai ni maiu n tibwaua te euangkerio. Ti kakabwaiaki ni koaua ni korakoramii. Tiaki ti n te aro n tamnei ae korakora ao n rikiraken te onimaki, ma tein ao kabwarabwara aika tamaroa naba.

Ti karabwarabwa naba ibukin te koaua are tenaan beeba ni kaongora a tauraoi ngkai n aekan taetae nako ni karaoaia n te PDF n te kombiuta—akea manga koreana ke uruakan te rongorongo n te beeba! Ngkana I kan kanima te moti n taeka ke te tamnei iaon te aitibaoki ke ni uotii bwaai n reirei nakon tibwauan ba ke botakin te utu n te tairiki, I a tii kaewea naba are I kainanoia. Ai Tamaroara!

Christian Karlsson, USA

Kaetieti: Te Riaona e a bon reke iaon te intanete n taetae aika kakaokoro n www.lds.org. N te English, kiriki iaon “Gospel Library.” Ibukin taetae tabeua, kiriki iaon maben te aonaaba.

I rangi ni karabwarabwa n te naan Riaona ake a tauraoi ni kabooaki. Rinanoia n tatabeua, ti ata iai nanon te Uea ao a kamatoatoaki ara koaua. Bon te mwakoro n atibu ae kakaawaki ni boong aika kaitira.

Te rongorongo man te Moan Beretitentii e kaungaira bwa ti na maiu n aron te Tia Kamaiu ao n reireiniira raoi aron ana euangkerio ara Uea ae Iesu Kristo. Ti kona ni kaokoro ni katein abara, ma titebo arora. I onrake n te kukurei n atakin ae itinanikun oin tian abau, ao ni iteran naba te marawa ae korakora, iai naba Aika Itiaki ni Boong Aika Kaitira ake a wareka naba te beeba ni kaongoraa ae titebo.

José Ramírez, Venezuela

I roko mai Ukraine, ma waniua te namakaina n nako, ngai ma buu tia manga mwaing nako Idaho (n te United States). I aki rangi ni bwaati n taetae n te English, ao n tabetai I aki rangi n oota n te bwai are I ongo n te umwantabu n te Taabati. I teimatoa n namakina te Tamnei ae Raoiroi n taian bootaki, ma ngkai I rangi ni karabwarabwa n reken te tai ni wareka aia taeka ara taan kairiiri n oin au taetae. Ibon irou, te Riaona e a tia n anganiira koroboki aika tabu.

Lena Cantor, USA

Te Riaona bon te rao ni koaua are e tia ni buokau. Ni katoa namwakaina iai kakaewenako ni maiu, ma tabeua te namwakaina n nako, I namakinna bwa te Riaona e na koreaki boni ibukiu ao ibukin kaewenakoau. I ataia ae te Atua e tangiriira bwa tina kukurei man ara ongeaaba.

Georgia Adolpho Pahulaya, Philippines