E Katanoataki man Te Umwanibong taekan te Kawaniua ni Kauaaba n te Korobanna n te Aonaaba

Te Umwanibong ibukin Rongorongon te Ekaretia ao Korobanna e a tia ni katanoata ana boto ni iango ibukin ana Kawaniua ni Kauaaba n te Korobanna n te Aonaaba ao e kaoia kaain te Ekaretia ni kabuta te aonaaba bwa a na ira kaotakin korobanna ae na karaoaki man Maati 20 nakon Okitobwa 11, 2009.

Te boto ni iango ibukin kaotakin korobanna, “Ururingan Bwaai Aika Kakannato mai Iroun te Atua,” e booti bwaai ni kabane are a rinanona Aomata Aika Itiaki ni Boong Aika Kaitira n taabo nako. Te korobanna e na kaota te boto ni iango, te iango, te karaki, aomata, ke te tabo ae iai rekerekena ma (1) Aia reirei, aia koaua, Aomata Aika Itiaki ni Boong Aika Kaitira, ni ikotaki ma karaki man koroboki aika tabu ao aia reirei burabeti; (2) bwaai aika riki, taabo, ao aomata aika kakaawaki n rongorongon te Ekaretia ma ana botanaomata; ke (3) maiuakinan katei aika tabu ni maiuia Aomata Aika Itiaki Ni Boong Aika Kaitira, ni ikotaki ma te Ekaretia, te utu, ao aia waaki n tatabemania.

E uki te kauaaba nakoia kaain te Ekaretia aika a na koro 18 aia ririki ao iaona n Ritembwa 31, 2008. Taan korobanna n tatabemania a na ti anga teuana aia mwakuri. Katei ao korobanna aika kakaokoro n te aonaaba ni kabuta, ao aron karaoan korobanna, ao taabo ni kaongora aika kakaokoro a bane ni butimwaeaki. A riai ni karinaki aara imwiin Tianuare 1, 2006

Te booma ni karin aika bwainaki a na meerinaki nakoia taan korobanna n ana rinan ni meeri te umwanibong n Eberi 2008. E kona n reke te booma iaon te intanete n ana Web site te umwanibong. Ngkana ko na karinaki n ana rinan ni meeri ke ko na bita am tabo ngkana ko a tia n rin n ana rinan ni meeri, koro reta nakon te umwanibonga n te Eighth International Art Competition, Museum of Church History and Art, 45 North West Temple St., Rm. 200, Salt Lake City, UT, 84150-3470, USA, or e-mail churchmuseum@ldschurch.org.

Te moan raun n te taubwi e na boto iaon rawetamnei iaon te korobanna are a kaairaki ma te booma ni karin n te intanete ke n te meeri imwaain Okitobwa 10, 2008. Korobanna a na tauaki bwiia iaon nakoraoin kaotan te boto ni iango; karaoan te korobanna ao nakoraoina; ao aron karaoana, arona n onoti, ao tamaroan te korobanna. Kaniwanga a ikotaki ma Kaniwanga Aika Kaboaki, are a na kaboaki korobanna bwa ana bwai te Ekaretia; 25 Kaniwanga te mwane Ibukin Tamaroana, ae aanga taan taubwi; ao 3 Kaniwanga te mwane man Aia Rinerine Irua.

Ibukin rongorongon riki te kauaaba ke ibukin nooran korobanna man kaotan bwaai aika mai mwaina, nakon ana Web Site te umwanibong ae www.lds.org/churchhistorymuseum /competition.