Tibwauaan te Tai
E Maiu!
“Bwa e tangiriia aomata te Atua, n te aro are e anga Natina ae te riki temanna, bwa e aonga n aki mate are e onimakinna, ma e na reke irouna te maiu are e aki toki” (John 3:16).
Titita Nielson bon te tia reirei n aia kiraati Tianbiim (Sunbeam). E taua tamnein Iesu ni kaota Ikoakina imwiin mangautina.
“Ko kananonaa ae E manga maiu imwiin Matena?” e titiraki Heather.
E takarua Jake, “Eng, E maiu! Ti na manga maiu riki!”
E kanga Jake ae teniua ana ririki n ataia ae e manga maiu Iesu? E kanga n ataia bwa e na maiu naba ngaia?
Ni katoa wiiki e ongora Jake nakon ana reirei Titita Nielson. E reirei ibukin Iesu ao e kaota ana koaua neiei. E kakauongo Jake nakoia ana karo inanon tain bootakin te utu n te tairki ao n taai aika kaokoro. A reirei ibukin Iesu ao a kaota aia koaua Ibukina. Te namakin inanon Jake e tuangnga bwa e na kakoauai aia taeka ana tia reirei ao ana karo.
Imwiin utin Iesu, E kaoti n Rabwata nakoia Ana Reirei. E aki mena irarikiia Toma. Taan iriiria ake tabeman a tuanga Toma bwa a tia n noora Iesu. Ma e taku Toma, “Ngkana I aki noori mwiin biiti i baina, ao ngkana I aki karina baiu inanon rarikina, ao I bon aki kakoaua” (Ioane 20:25).
Waniua te bong imwiina ao E kaoti Iesu nakon Toma. Iesu E kariaia Toma bwa e na namakina tanen te neera inanon Baina ni kauaai ao n ringa rarikina. Ao e taku Iesu, “Toma, ngkai ko norai, ko onimakinai: a kabwaia akana a tuai norai, ma a onimaki” (Ioane 20:29).
N aron Jake, ti kona ni kakoaua iroun Iesu e ngae ngke ti tuai Noria. E na rikirake ara onimaki ngkana ti ataia, ma ti aki noria, bwa Iesu bon ara Tia Kamaiu.
Waaki
Kaniman te beeba ae R4 iaon te beeba ae mmani, ao korea tamnein Iesu, Maria Matarena, te naan abotoro, ao Taomati. Rukuma te kanikinaa iaon ae katanetaneaki bwa aonga n tei tenaan namba. Tuangia kaain am utu te karaki ni Ioane 20 ibukiia aomata n tatabemaniia ake a nora te Tia Kamaiu imwiin Mangautina.
Iango Ibukin Tibwauaan te Tai
-
1. Kaoti teniua baokin te kau. Teuana imwiin teuana, kaotinakoa te kau ma toana man baokiia. (Ko kona naba ni kaoti tamnei ao korotamneian kaau.) Kaota te kau ae toa bwa onean mwiia tautia are a tararua ruanimaten Iesu. Karakina te karaki n te anga are ataei ana konaa ni kateia n aia iango kanga ai aron are a mena ikekei n te tai are Iesu Kristo e wene inanon te ruanimate. Imwiina, kamanenai kaun taari ni karakina te karaki ibukin Maria Matarena. Tuangiia ataei bwa tera aron aia namakin ngke arona bwa a mena n te tabo ni mate ngke e kaoti te Tia Kamaiu imwiin matena. N te kabanea, kaota te kabanea ni kau ae toa ake a bwabwainii ataei. Titiraki bwa kanga tera te namakin ni kainakin te Ekaretia ao ni iai iroum te ataibai ae ko na mangauti ibukin Ana Mwakuri ni Kamaiu ao Mangautin Iesu Kristo. Kaota am koaua ae Iesu Kristo e mate ao e a mangauti.
-
2. Tuangiia ataei bwa ko na titirakiniia te titiraki ae kamiimi kaekaana. Titiraki, “Iraman te burabeti n te aonaaba n te bong aei?” Kabwarabwara bwa kaain te Moan Beretitentii ao Aia Kooram Abotoro ake Tengaun ma Uoman a kamatoaaki n te kateibai bwa burabeti, taan mamata, ao taan kaotioti. Are nanona bwa iai 15 burabeti iaon te aonaaba! E ngae n anne, kabwarabwara, bwa ti te Beretitenti n te Ekaretia are e kona ni karekei kaotioti ibukin te Ekaretia ae banin. Te wiiki imwaain te maungatabu ni kabuta, titirakiniia ataei aika a ikawai bwa ana ribotina te rongorongo bwa te Abotoro e karaoa te maungatabu ni kabuta.