Ihu Karaiti me Tō Tīmatanga Hou

“I hāereere ana a Ihu ki te mahi i te pai,” E pānuitia ana e tātou te ripoata ngāwari nei i te pukapuka o Ngā Mahi. He nui te reo tahupera nei! I mātua hāereere ana a Ihu ki te mahi i te pai! Ko ia te hā-me te mātāpuna- o ngā mea papai Nānā Tōna oranga katoa i whakaihiihi ki ngā mahi papai. Ko Ia te ”whakaaroha, te atawhai, e tukuroa nei i te riri, e nui nei te aroha me te rarawe” he whāioio ki te mahi i te papai, me te whakaaroha mō ake tonu atu.

E korekore nei a kupu e whakatinanahia i Tōna momo, i tōna papai, i tōna whakaaroha. E tika ana te kōrero ki tā Āpotoro Hone i mea ai, mehemea i ngana tātou kia hopu Tōna tini o ngā mea papai i mea ai a Ihu, “e kore te ao nei anō e whai takotoranga mō ngā pukapuka e tuhituhia.“

Kei a tātou ngā tauira matekore i roto i ngā karaipiture, ngā haerenga, me ngā mahi papai a Ihu Karaiti. Ka whakaaweawetia katoatia tātou ki te whakaarohia i aua rā, te tae ā-tinana ki Āna merekara, kia whiwhi i Tōna mātauranga, kia whai wheako ai ki Ōna mahutanga. I te whakawhitiwhiti kōrero Ia ki te hunga peia, I pāngia e Ia te hunga matenui, te hunga paru. Nāna te hunga ngenge i whakahāneanea, I whakaakona e Ia te pono herekore, Nāna hoki te hunga hara i karanga kia rīpenetā. Ki ia tangata repera, ia tangata kāpō, wahine pūremu, ki te hunga waehauā, taringa maitai mai, hāngū mai, ki te whaea e noho pani ana, te tāne whakamomori, te pouaru pūkatokato, te hunga peia, rātou e noho whakamā ana, e taumaha ana, ki a koutou e mate ana i te ora, i rironga rānei ki te pō, ko te mahi a Ihu Karaiti, te tīmatanga hou. Āe rā, he reo tahupera anō!

Katoa katoa āna mahi me ōna kupu hei tohu o te tīmatanga hou mā rātou i whakamahu ai, i manaakitia ai, i whakaako ai, i murua ai i ngā hara. Kāore rawa Ia i noho tawhiti atu i a rātou, kia kore rawa Ia e noho tawhiti i a koe. Whakaarohia ēnei kupu whakaora i Tōna waha ināeatonunei.

“E tama, ka oti ōu hara te muru.“

“E ko, ko taku kupu tēnei ki a koe, E ara.“

“Kia mā koe“

“Kāhore anō hoki ahau e whakatau i te hē ki a koe: haere, kāti te hara.“

“E ko, kia māia: na tō whakapono koe i ora ai; haere i roto i te rangimarie.“

He poto ngā kupu o te kaiwhakaora ki ēnei tangata, engari, i huakina i ngā tatau ki te murunga hara, te mahutanga, te hauoratanga, te rangimarie, me te oranga haere ake nei. Ko te karere pai ko tēnei, mā tātou katoa tēnei tīmatanga hou. Ka whai tīmatanga hou tātou katoa mā roto, mō roto hoki i a Ihu Karaiti. Ko koe hoki. Ko te pūtake o te mahere kua whakatakotoria e te Atua, ko ngā tīmatanga hou mō Āna uri. Ko tēnei te hāhi o ngā tīmatanga hou. Ko tēnei te hāhi o te anga whakamua.

Mā te rūmakitanga mā te wai me te wairua tapu, e whanau mai anō tātou. Kia pēhea te nui o te tūmanako o taua tīmatanga hou mō te tangata kua pēhia e te hara, kua mamae rānei i te pānga kino o te oranga hara rawa, o te hononga wairangi rānei? Kāhore a Ihu i te hiahia i te murnga hara, o te tīmatanga hou, engari i rūmakitia ai, hei tauira teitei hei ara anō ki te tīmatanga hou, Nāna i para mō te katoa.

Ehara i te mea kotahi noa, tā tātou tīmatanga hou. He mea hē te whakaaro ko tō tātou wā rūmakitanga, ko tō tātou wā kotahi hei tīmata. Kāhore hoki! Kāore tātou e whai he wā kotahi noa. Ka whai kē ngā tīmatanga hou i ia rā, i ia rā. Wiki atu wiki mai, e kai ana tātou i tētahi parāoa paku, e inu ana i tētahi kapu wai iti hei hokinga mahara i te taonga, ko tō tātou kaiwhakaora tērā. Ko te take i mate ai ia, kia whai ngā tīmatanga hou maha tātou. Ka homau a Ihu ki a tātou te maha o ngā tīmatanga hou e hiahiatia ana e tātou.

Mā te whakapūmautanga, me te whāwhāpū i tō oranga hou mā roto i a Ihu Karaiti, ka tahuri tātou hei tāngata kē atu, ka mate atu ngā hara ki te pō, ka ora ano ai ngā mea katoa. He aha te whakamāramatanga e kawea mai ana e tērā āhua o te ata haeata ki te tāngata e ngana tonu ana, nā roto i te whiriwhiri tonu i te whakapono ki te mana o tō tātou Kaiwhakaora ki te whakamahu me te whakahauora mai, ahakoa nga piki me ngā heke i te ao kua hinga? Kāore te Kaiwhakaora i mutu i tāna whakapūmautanga kia ea ai ngā hiahia o Tōnā Matua i te rangi, kia eke panuku ia ki Tāna mīhana whakamārire, ahakoa te nui o te mamae, kia toto mai i nga pore katoa, kia mamae te tinana me te wairua, ka inoi atu kia tangohia atu te kapu kawa. Anō, he whakaaturanga tēnei ki a tātou, te āhua o te nui me te rahi o te whakapono ki te Atua.

Ko ia kawenata ka hangatahi tātou ki te Atua me te whakapau kaha ki te pupuri i ngā taumaha, ka homai e ia “he ngākau hou”, ka whakakīa tātou ki te nui o “tōna wairua.“ Nāwai rā, nāwai rā ka nui ake tā tātou pōhiritanga o Tōna papai ki o tātou ngākau, ka whakaputa ngā kōrero whakaparahako mai i ō tātou roro, ka tahuri tātou hei hunga o Ihu, ka whiriwhiri i a ia hei Atua mā tātou. He hiahia Nōna te tū hei Kīngi hei Hēpara, Piriniha o te Rangimārie mā tātou. Ka taea e tātou te whiriwhiri i a ia hei Kīngi i roto i ō tātou ngākau, i ō tātou hinengaro.

Ka huakina ngā tatau e te rīpenetātanga ki ngā tīmatanga hou, ngā ahunga whakamua, me ngā wā tuarua. Kua whakamahukitia mai ngā hē e ngā akoranga o tō tātou Tumuaki a Russell-M. Nelson mō te taonga i tuku iho mai, ko te rīpenetātanga. E tīmata ana tātou ki te mau ki tēnei taonga.

He mea harikoa kia rongo ai i ngā taiohi e whakamārama ana mai he aha tēnei mea te rīpenetātanga ki a rātou anō. I ngā rā kua tahā ake nei, i whakarongo au ki tētahi taitama wahine e menemene mai ana, “I au e whakaaro ana i te rīpenetātanga, rīpenetātanga o ia rā, ka nui taku hari me taku koa. Ka nui hoki te tūmanako. E rongo ana i te aroha, i te harikoa o tōku Matua nui i te Rangi, me tōku kaiwhakaora. Kāore au e mataku ana kia inoi atu ki tōku Matua nui i te Rangi hei āwhina i ahau me āku taumaha. Kei te mōhio ahau e kore rātou e ngana ana kia kimi raru i ahau. E tūwhera ana i ō rāua ringa. Ko tēnei te rīpenetātanga ki ahau. E mārama pū ana tēnei taitama wahine ka whai tīmtanga hou nā Ihu Karaiti.

Kei te hiahia koe he tīmatanga hou? Ka taea e koe te tīmata anō, ko koe? Whakaarohia ngā tangata i minitatia ai e te Kaiwhakaora, aua tangata i whakaako ai, i whakamahu ai, i whakaara ai, i murua hara ai, i whakahauora ai. I kōwhiriwhiri rānei Ia koutomai i tētahi reanga whai rawa, whai mana rānei? I whakarōpū rānei ia he tangata pai koutou, he tangata hara nui koutou? I whakawhāiti tāngata rānei Ia hei whakatau he pai ake, kāo rānei? E Kāo!

I haramai ētahi ki a Ia me tō rātou whakapono nui, i mōhiotia ana i Tōna mana whakamahu-pēnei i te wahine me tōna mate īkurate keneturio Rōmana me tāna hāwini matenuite reperaJairuaā, ko Bartimaeus te kāpō. I whakapono marika ana rātou, ko te tūmanako ka panonihia ō rātou oranga me ō rātou ara takoto e te manawareka o te rapi nō Nazareth. A, i mahia e Ia. I tukuna Tōna wairua whakamahu kia rere.

Na, i manaakitia hoki rātou kua pāngia ki te whakapono manei e Ihu. Pēnei i te matua o te tamaiti māuiui i karanga atu pea e rite nei i a koe “E whakapono ana ahau, e te Ariki; kia puta to whakaaro ki taku whakapono-kore.“ A, I horapa Tōna aroha ki a rātou kāore i te rapu i a Ia, pēnei i te wahine pūremu te pouaro nō Nain te tāne hauā i te hōpua o Bethseda, rātou ko te tāngata i whānau kāpō mai ai I rongo koe i a Ia e hāereere ana me te mahi i te mahi papai i roto i tō oranga, ahakoa kāore koe i te kimi i a Ia, kāore hoki i te whai atu i a Ia?

Ki ia o ēnei tauira o ngā karaipiture, ki ia o rātou i te whakarongo, i te whakahoki kōrero, I hoatu he tīmatanga hou, ahakoa he oranga murunga hara, he oranga kua whakamahu i te matenui, he oranga hou mai i te pō rānei.

He aha te tikanga o tēnei mea ki a tāua? Ko Tōna āhua papai, te whakaaroha, Tōna aroha here kore. Ko ngā tīmatanga he wāhanga nō te mahere o te Ariki. Ko ngā ahunga whakamua te mīhana o tana Tama. Ko ngā ata haeata, ko ngā wāhanga hou, ko ngā wā anō, koīnei ngā kaupapa matua o te karere pai o te rongopai.

Nō reira, kei tawhiti atu koe i ō kawenata kia whai wāhi atu ai ki tētahi tīmatanga hou? E kāo. He maha ngā wā i mahia e koe i tēnei, i tērā rānei kia whai wāhi anō tāu? E kāo. Kei tawhiti atu koe i a Ihu Karaiti e kore e taea e ia te āwhina i a koe te hanga pūrākau anō māu? E kāo. Ko te hoariri te toa i ō whakaaro tōraro. Kei te hē.

Ko ngā tīmatanga hou he mea nui ake i a tātou hara. Mā roto i te papai me te aroha o te Kaiwhakaora, ka taea e tātou ngā tīmatanga e whakapanoni i ō tātou aro ō mua, ngā tikanga kore, ngā āhua kiriweti, ngā āhua mana kore, me ngā āhuatanga whiu uapare. Ka taea e koe te panoni i ēnei āhuatanga i a koe anō, i ēnei taumahatanga ōu, i ēnei tau maha. Ka taea te tīmata anō mā te kaha o te Māhita o ngā tīmatanga hou. E kore ia e warea ki te ohere kia hoatu he tīmatanga hou ki a tātou.

Ki a koutou e hokihoki ana ki ngā hara, kia kaha tonu mai! Kāore ia i whakatū ārai kei mua i a koe. Kāore ia i te whakaherehere i ō wā tuarua. Ki te hoe! Okea Ururoatia. Rapu āwhina i ā rātou ki āmio i a koe. Kia whakapono hoki koe ki te tīmatanga hou kei mua i te aroaro ia te wā ka hoki koe me tō ngākau pono ki to Matua nui i te Rangi. Whakareretia ngā hara kei muri i a koe. Kaua e whakaaro kia hoki koe ki ko. Kauawhitia tō tīmatanga hou, tō wā tuarua, tuatoru aha rānei mā roto i te whakamārietanga o te toto o Ihu Karaiti.

E tuku whakamoemiti atu ana mō tāku tīmatanga hou. Ngā tīmatanga ōnaianei, ngā mea e heke tonu mai ana.

He rerenga hūmārie anō i wahaina e te Kaiwhakaora, ki te korekore he take, korekau hoki he take hei manawareka. I muri iho i ngā kōharihari i Kehemane, i te mutunga o te rīpeka tūkinotanga, Nāna i kī ai, “Kua oti“ Kua ea te poropititanga Mehia, kua utua te nama katoa mō ngā hara katoa o ngā tangata. Ka mea Ia “oti“ Tōna patunga tapu whāioio. Engari, kāore anō te Taraehara kia oti tae noa ki Tāna hokinga mai i te rā tuatoru,tetīmatanga hou, Tōna āhua korōria, Tōna āhua whakaarahia mā roto anō i te mana o te Matua nui i te Rangi.

Nā Tōna ū ki te hiahia o Tōna Matua,nā Tōna “mamae i ngā mea katoa kia rite ki ngāhereherenga o te Matua ka taea e tātou i ngā tīmatanga hou. Tēnā koa, whai wāhi atu koe ki tō tīmatanga hou, i tēnei rā, ināeatonunei. Ko Ihu Karaiti te Kaituhituhi me te Kaiwhakahoahoa o tō tātou nei whakapono, e tuhituhitahi tonu ana i ngā wāhanga kore nama, i ngā wāhanga hou. Koia te Tīmatanga me te Mutunga-te mutunga nei o te whakamā me te mamae me te tīmatanga o tō oranga hou mā roto i a Ia, e whai ana i Tōna aroha noa, waihotia ngā wā hipa ki te wā hipa, ka kōkiri te haeata hei tīmatanga hou, kia rite ki tā tātou e hiahiatia ana. He mea pono nei ”e aru i a tātou te pai me te atawhai i nga ra katoa e ora ai tā” I runga i te ingoa o Ihu Karaiti, āmine.