Ang Pagpalabay

Paghulagway kang Moises ug Aaron nga nakigsulti sa Paraon

Si Moises miadto sa Paraon ug mihangyo kaniya nga himoong gawasnon ang mga giulipon nga mga Israelita. Mibalibad ang Paraon. Ang Ginoo mipadala og daghang mga epidemya ngadto sa Ehipto, apan midumili gihapon ang Paraon.

Paghulagway kang Moises nga nakigsulti sa mga tawo

Ang Ginoo miingon nga Siya mopadala og usa ka kataposan nga epidemya. Ang kinamagulangan nga anak sa matag pamilya sa Ehipto mamatay. Apan kon ang mga Israelita mosunod sa Iyang mga instruksiyon, ang epidemya molabay ra kanila.

Paghulagway sa usa ka lalaki nga nagpintal sa haligi sa pultahan, nga ang mga anak nagtan-aw

Giingnan sa Ginoo ang mga Israelita sa pagsakripisyo og walay tatsa nga laki nga karnero ug ipintal ang dugo sa karnero ibabaw sa ilang mga pultahan.

Paghulagway sa Paraon nga nagmasulob-on sa kamatayon sa iyang anak nga lalaki

Ang epidemya miabot. Ang tanang kamagulangang anak nga Ehiptohanon nangamatay, lakip na ang anak sa Paraon. Apan ang kamagulangang anak sa mga Israelita naluwas tungod kay gisunod nila ang Ginoo.

Paghulagway sa suko nga Paraon nga nagpadala og mga sundalo

Gisultihan sa Paraon si Moises ug ang mga Israelita sa pagbiya sa Ehipto. Apan ang Paraon nasuko. Siya ug ang iyang mga sundalo migukod kanila.

Paghulagway sa mga Israelita nga gigukod sa mga sundalo

Ang mga Israelita nagkampo duol sa Pulang Dagat. Dihang nakita nila nga nagsingabot ang mga Ehiptohanon, nangahadlok sila. Miingon si Moises nga ang Ginoo mopanalipod kanila.

Paghulagway ni Moises nga mibahin sa Pulang Dagat

Si Moises mipataas sa iyang tukon, ug ang Ginoo mibahin sa dagat. Ang mga Israelita milabang sa uga nga yuta.

Paghulagway sa Pula nga Dagat nga mitabon sa kasundalohang Ehiptohanon

Dihang luwas na ang mga Israelita sa pikas bahin sa dagat, ang tubig mibalik ug milumos sa mga sundalo. Ang mga Israelita gawasnon na sa kataposan.