Paglakaw uban sa Manluluwas

Sa unang gabii sa Pasko sa Pagkabanhaw, duha ka disipulo naglakaw gikan sa Jerusalem didto sa dalan paingon sa Emmaus. Ang nabanhaw nga Ginoo nagpakita ug naglakaw uban kanila. Pero wala sila makaila Kaniya. Wala sila masayod nga Siya nabanhaw na.

Gisultihan nila Siya sa ilang kaguol nga si Jesus namatay. Dihang nagkaduol na sila balangay, ang mga disipulo miingon, “Pabilin uban kanamo: kay hapit na magabii, ug tapos na ang adlaw” (Lucas 24:29).

Gidawat sa Manluluwas ang ilang imbitasyon. Gikuha niya ang pan ug gipanalanginan kini unya gipikaspikas, ug gihatag kini ngadto kanila. Ang mga disipulo nakaila kon si kinsa Siya. Dayon nahanaw Siya.

Ang duha ka disipulo daling mibalik sa Jerusalem aron sultihan ang Apostoles sa unsay nahitabo. Samtang sila nagpakigbahin sa ilang kasinatian, ang Manluluwas mipakita pag-usab. Siya miingon, “Ang kalinaw mag-uban kaninyo” (Lucas 24:36).

Ako usa ka saksi sa Pagkabanhaw sa Ginoo sama kasegurado ingon og ako atua didto uban sa duha ka disipulo diha sa balay sa dalan sa Emmaus. Ako nasayod nga Siya buhi.

Ablihan ang PDF

Mga paghulagway pinaagi ni Maddie Baker. Mahimong kopyahon alang sa Simbahan nga paggamit lamang.