Pagkaon & Kalingawan

Ang Langitnong Amahan misugo ni Adan ug Eva sa pag-atiman sa yuta ug sa mga hayop (tan-awa sa Genesis 1:26).

Mas gusto ba nimong mag-atiman sa mga tanom o sa binuhi?

Human si Moises mitunga sa Pulang Dagat, ang mga Israelita nanagsayaw ug nanagkanta sa pagpasalamat sa Ginoo sa pagluwas nila gikan sa Ehipto (tan-awa sa Exodo 15:1, 20).

Mas gusto ba nimong magkat-on og sayaw o usa ka kanta?

Ang Ginoo misugo ni Noah sa pagdala og duha ka hayop sa matag matang ngadto sa arka (tan-awa sa Genesis 6:19).

Mas gusto ba nimong magbuhi og higante nga halas o usa ka abohon nga oso?

Dihang ang mga tawo misulay sa pagkab-ot sa langit pinaagi sa pagtukod sa Tore sa Babel, giusab sa Dios ang ilang mga pinulongan aron dili sila magkasinabot sa usag usa (tan-awa sa Genesis 11:7).

Mas gusto ba nimong mosulti sa matag pinulongan o mosulat sa matag pinulongan?

Ang Ginoo mitabang ni David sa pagpildi ni Goliat tungod sa hugot nga pagtuo ni David, bisan tuod si David dili parehas kadako o kakusgan ni Goliat (tan-awa sa 1 Samuel 17:45–49).

Mas gusto ba nimong kusgan kaayo o tulin kaayo?