“Ang Paghinulsol Mahitungod sa Gugma,” Higala, Abril 2026, 20–21.
Ang Paghinulsol Mahitungod sa Gugma
Gikuha gikan sa “Ang Imong Paghinulsol Dili Makapabug-at ni Jesukristo; Kini Makapabati Niya og Kamaya,” Liahona, Mayo 2025, 90–92.
Si Presidente Russell M. Nelson (1924–2025) sa makausa miingon, “Ang Manluluwas nahigugma kanato kanunay labaw pa kon kita maghinulsol.”
Mao nga kon ang Ginoo mosulti, “Paghinulsol kamo, paghinulsol kamo,” unsa kaha kon ikaw maghanduraw Kaniya nga mosulti, “Gihigugma Ko ikaw. Gihigugma ko ikaw.” Ug kon maghinulsol ka, nagsulti ka Kaniya nga nahigugma usab ikaw Kaniya.
Ang paghinulsol mao ang labing maayo nato nga mensahe! Handurawa ang imong paboritong imahe ni Kristo. Karon handurawa Siya nga sanag nga mipahiyom uban ang kamaya sa matag higayon nga imong gamiton ang Iyang gasa. Ang imong paghinulsol nakapasanag sa Iyang kalipay!
Ang pagdangop ngadto kang Kristo sama ra nga nag-ingon, “Pwede ba ko nimong tabangan?” Misalig ka sa Iyang gahom sa pagtabang nimo tungod kay nasayod ka nga Siya nahigugma kanimo.
Mao nga sulayi kini. Karong gabii, sa dili pa ikaw mag-ampo, handurawa si Jesukristo nga anaa sa duol. Pangutan-a ang imong kaugalingon, “Unsa man ang isulti ni Jesus ngadto sa Langitnong Amahan mahitungod kanako?”
Ug dayon, paminaw.
Paminaw niana nga tingog nga nagsulti og maayo nga mga butang mahitungod kanimo—ang tingog ni Jesukristo, ang imong labing maayo nga higala, ug ang imong Langitnong Amahan, kinsa anaa gayod dinha. Hinumdomi, ang Ilang gugma ug ang imong bili mahinungdanon kanunay, bisan unsa ang mahitabo!
Usa ka Sumbanan sa Gugma
Pangitaa ang mga sumbanan sa mga kasingkasing diha sa hulagway. Ang gugma sa Langitnong Amahan ug ni Jesukristo kanunayng anaa alang kanimo!
Mga paghulagway pinaagi ni Nicole Walkenhorst