Ang Tigtabang ni Lola sa Adlawng Dominggo

Ni Rebekah Jakeman

Usa ka tinuod nga istorya gikan sa South Africa.

Paghulagway sa batang babaye ug sa mama diha sa usa ka sakyanan, nga nagbiyahe padulong sa usa ka balay

Si Aurora ganahan og mga Adlawng Dominggo. Mobisita siya sa balay ni Lola.

Paghulagway sa batang babaye ug sa mama, nga naggunit og lemon ug pangkutaw

Gusto si Aurora nga magdula og tago-tago. Nangutana iyang Mama kon mahimo ba unang motabang siya sa pag-bake og cake.

Paghulagway sa gamay nga batang babaye nga dunay paghunahuna nga porma og bula sa iyang lola nga naggunit og lemon cake

Nasayod si Aurora nga si Lola ganahan og lemon cake. Gusto siyang motabang aron malipay si Lola.

Paghulagway sa mama ug sa gamayng batang babaye nga nagtabang ni lola sa pagsagol sa mga sangkap sulod sa usa ka panaksan

Samtang nagtrabaho sila, gisultihan ni Aurora si Lola kon unsay iyang nakat-onan sa Primary.

Paghulagway sa batang babaye nga nagtago luyo sa lamesa samtang ang iyang lola miwarawara gikan sa lingkoranan

Sa kataposan si Aurora ug si Lola nagdula og tago-tago! “Ganahan ko sa mga Dominggo tungod kay duna koy tigtabang sa Adlawng Dominggo,” miingon si Lola.

Paghulagway sa gamayng batang babaye nga nasurprisa ang hitsura

“Unsaon nako sa pagtabang nimo? Bag-o lang ta nga nagdula,” miingon si Aurora.

Paghulagway sa gamayng batang babaye ug sa lola nga nagginaksanay

“Nakatabang ka kon mogahin ka og oras uban nako ug mopakita kanako og gugma!” miingon ang Lola.