“Hello gikan sa Norway!” Higala, Abril 2026, 8–9.
Hello gikan sa Norway!
Ang Norway usa ka nasod sa Amihanang Europa. Ilado kini sa matahom nga natural nga talan-awon. Sobra sa 5.5 ka milyon nga mga tawo ang nagpuyo didto. Ang opisyal nga mga pinulongan mao ang Norwegian ug Sámi.
Adlaw sa Tungang Gabii
Dunay mga parte sa Norway nga padayon ang kahayag sa adlaw panahon sa ting-init. Kon mas layo ang imong adtoan sa amihanan, mas dugay molungtad ang kahayag sa adlaw. Usahay sa tingtugnaw, ang adlaw magpabilin sa ilalom sa kapunawpunawan, nga makapangitngit sa mga adlaw.
Usa
Ang Norway mao ang pinuy-anan sa daghang usa. Kini aduna sa labing dako nga ihalas nga panon sa usa sa Europa, ug sobra sa 200,000 ang gipadako nga dinaghan diha sa mga umahan.
Mga Atleta sa Olympic
Ang mga atleta nga taga-Norway sa Winter Olympics nakadaog og daghang medalya kaysa mga atleta nga gikan sa bisan asa nga nasod.
Talagsaon nga mga Fjord
Kaniadto, ang mga glasyar sa Norway maoy nagporma sa taas, lawom nga porma og letrang U nga mga walog nga gitawag og mga fjord. Kini nga mga fjord puno sa tubig-dagat ug matahom kaayo.
Ang Sámi
Ang Sámi mao ang lumad nga mga tawo sa Amihanang Norway, Sweden, Finland, ug parte sa Russia.
Mga paghulagway pinaagi ni Valeria Danilova. Mahimong kopyahon alang sa Simbahan nga paggamit lamang.