Pāsa ’ati a’e te ao nei

I’ō nei, e pēni-fa’a’ute’ute-hia te mau huero moa nō Pāsa, mai te toto o Iesu Mesia. I te Pāsa, e parau te ta’ata, « ’Ua ti’afa’ahou te Mesia mai te pohe mai ! ’Ia ha’amaita’ihia te Ti’afa’ahoura’a o te Mesia ! » I muri iho, e tūpararī ’āmui rātou i tā rātou mau huero moa.

E ’ō’omo te rahira’a ta’ata i te ’ahu ’uo’uo i te sābati o te Pāsa, nō te fa’ahanahana i te ti’afa’ahoura’a ’e te upo’oti’ara’a o Iesu Mesia i ni’a i te pohe.

I te tau nō te Pasa, e tāpo’i te ta’ata i te mau purūmu i te mau vauvau tahua raurā’au tei hāmanihia e te mau hu’ahu’a rā’au pēnihia ’e te mau tiare. E hōro’a mai teie mau vauvau tahua i te mau hōho’a nehenehe mau. Vetahi e fa’ahōho’a nei i te Fa’aora.

Te mahana pae mo’a ’o te hō’ē ïa « mahana muhu ore » ma te mau ’ōpanira’a mana nō ni’a i te mau māniania ’e te mau ’ohipa ta’a ’ē huira’atira. E fa’ati’a te reira i te feiā ha’apa’o ’ia fa’atupua ’e ’ia feruri hōhonu i te mea tā Iesu Mesia i rave nō rātou.

E rave rahi ’utuāfare e fa’atupu i te hō’ē tāmā’ara’a rahi ’e e 12 mā’a, i te mahana maha ’aore rā i te mahana pae hou te Pāsa. Tē fa’ahōho’a nei teie tāmā’ara’a i te tāmā’ara’a hope’a tā Iesu Mesia i ’amu ’e nā ’Ahuru ma Piti ’āpōsetolo.

I te sābati o te ’āma’a tāmara, e ha’une te ta’ata i te mau ’āma’a tāmara nehenehe i te ni’au. E tauturu te reira ia rātou ’ia ha’amana’o e mea nāhea tō te mau ta’ata i Ierusalema fa’ari’ira’a ia Iesu Mesia ma te mau ’āma’a tāmara i te hepetoma mo’a.