« Te fa’anahora’a nehenehe », Hoa, Māti 2026, 4–7.

Te fa’anahora’a nehenehe

Hou tātou ’a haere mai ai i te fenua nei, e fa’anahora’a fa’ahiahia tā te Metua i te ao ra nō tātou. E fānauhia mai tātou ’e e ha’api’i mai ’e e tupu i te rahi i ni’a i te fenua nei. E nehenehe tātou e pe’e i tōna ’ē’a nō te fafaura’a ’e e rave i te mau mā’itira’a maita’i.

’Ua ’ite te Metua i te ao ra ē, e hina’aro tātou i te tauturu. ’Ua ’ite ’oia ē, e rave tātou i te mau mā’itira’a ’ino ’e te hara i te tahi taime. E’ita tā tātou e nehenehe e ho’i iāna ra mai te mea e ’ere tātou i te mea mā.

’Ua hina’aro tātou i te hō’ē ta’ata ta’a ’ē nō te tauturu ia tātou ’ia mā i tā tātou mau hara. ’O Iesu Mesia te Tamaiti fānau tahi vārua a te Metua i te ao ra. ’Ua pūpū ’oia i te haere mai i te fenua nei ’e ’ia fa’aora ia tātou i tā tātou mau hara.

Fa’ahōho’ara’a nō te mau ta’ata pa’ari e pe’e ra i te feti’a nō noela nā ni’a i te mau kamela

E rave rahi hānere matahiti, ’ua tīa’i te mau ta’ata ’ia fānauhia mai Iesu. I te pae hope’a, ’ua ’ana’ana mai te hō’ē feti’a ’āpī i ni’a i te ra’i, nō te fa’a’ite i te ao nei, ’ua tae mai te Fa’aora.

Fa’ahōho’ara’a nō te Fa’aora ’e te mau tamari’i

I tō Iesu pa’arira’a mai, ’ua ha’api’i ’oia i te ta’ata te ’evanelia. E ta’ata maita’i ’oia ’e te here. ’Ua ha’amaita’i ’oia i te mau tamari’i.

Fa’ahōho’ara’a nō te Fa’aora e fa’aora ra i te hō’ē tamāhine ma’i i ni’a i te ro’i

’Ua ha’api’i ’oia ē, e ti’a ia tātou e pe’e iāna ’e ’ia rave maita’i ia vetahi ’ē mai tāna i nā reira ’Ua fa’aora oia i te ta’ata tei ma’ihia. ’Ua fa’aho’i mai ’oia i te ora i te mau ta’ata tei pohe.

Fa’ahōho’ara’a nō Iesu Mesia tē pure ra i Gesetemane

’Ua ’ite Iesu ē, ’ua tae te taime nō te fa’atupu i tāna temeio rahi roa a’e. ’Ua haere atu ’oia i te ’ō nō Getesemane ’e ’ua pure. ’Ua putapū ’oia i te māuiui o tā tātou mau hara ato’a ’e tō tātou ’oto ’e tō tātou ma’i.

Fa’ahōho’ara’a nō Iesu Mesia i ni’a i te sātauro

’Ua riri vetahi mau ta’ata ia Iesu. ’Aita rātou i au i te mea tāna i ha’api’i ’e ’aita i ti’aturi ’o ’oia te Tamaiti a te Atua. ’Ua tāpe’ahia Iesu ’e ’ua pātitihia i ni’a i te hō’ē sātauro, i reira ’oia i te pohera’a.

Hō’ē pupu ta’ata ’oto e fa’aineine ra i te tino o Iesu i roto i te mēnema

’Ua ’oto roa te mau hoa o Iesu. ’Ua tu’u rātou i tōna tino i roto i te hō’ē mēnema ’e ’ua tūra’i i te hō’ē ’ōfa’i rahi i mua i te ’ūputa.

Fa’ahōho’ara’a nō Maria i Magadala e ta’i ra

E toru mahana i muri mai, ’ua haere te tahi mau vahine i te mēnema. ’Ua tūra’ihia te ’ōfa’i ’e ’aita e ta’ata i roto i te mēnema. ’Ua ha’amata Maria i Magadala i te ta’i nō te mea ’ua mo’e ’ē te tino o Iesu. ’Ua ui atu te hō’ē ta’ata maita’i i pīha’i noa mai iāna, nō te aha ’oia i ta’i ai. I tōna [te vahine] paraura’a iāna, ’ua pi’i ’oia [te ta’ata] ma tōna [te vahine] i’oa. ’Ua hi’o atu ’oia [te vahine] iāna ’e ’ua ’ite atu ē, ’o Iesu ’oia [te ta’ata] ! ’Ua ora faʼahou ʼoia !

Fa’ahōho’ara’a nō te Fa’aora tei ti’afa’ahou i te fāra’a ia Maria i Magadala

I te Pāsa, tē fa’ahanahana nei tātou i te mea tā Iesu Mesia i rave nō tātou. Nō te mea ’ua mamae ’oia nō tātou, e nehenehe tātou e tātarahapa ’e ’ia mā. Nō te mea ’ua ti’afa’ahou oia, e ora fa’ahou ato’a tātou ! Maoti ’oia, e nehenehe tātou e ho’i i tō tātou Metua i te ao ra ’e ’ia vai i pīha’i iho i tō tātou mau ’utuāfare ē a muri noa atu.