Mau ’ahu ta’oto nō Pāsa

’Ua fa’a’ite te mau tamari’i o te Paraimere nō Perth, i Auterāria, i te māhanahana o Iesu ma te pūpūra’a i te mau ’ahu ta’oto i te mau vahine pa’ari o tā rātou pāroita. I te tau nō Pāsa i Auterāria, e ha’amata te anuvera i te topa i raro i te tau ha’apohera’a rā’au, hou ’a tae mai ai te tau to’eto’e. Pinepine te mau tamari’i i te fa’ari’i i te hō’ē ’ahu tā’āto’a māhanahana ’āpī ’e te mau huero moa tōtōrā i te po’ipo’i Pāsa. E fa’aha’amana’o te mau ’ahu tā’āto’a ’e te mau ’ahu ta’oto māhanahana ia tātou i te māhanahana o te here o Iesu Mesia.

1. ’Ua haere ’āmui rātou i te fare toa nō te rave mai i te mau ’ahu ta’oto.

2. ’Ua hāmani ato’a rātou i te mau fa’anehenehe tiare, ’ua peni i te mau huero moa rā’au, ’e ’ua fa’anehenehe i te mau tāreta e ’āpe’e atu i te mau ’ahu ta’oto.

3. I muri iho, ’ua ’ōpere atu rātou i te mau ’ahu ta’oto. ’Ua ’oa’oa roa rātou i te ’ohipa-’āmui-ra’a nō te ’āfa’i i te here o te Fa’aora ia vetahi ’ē i te tau Pāsa.

Teie te rata tā te mau tamari’i i hāpono atu ’e te mau ’ahu ta’oto !

’Ua ’oa’oa vau i te ’āmuira’a atu ’e i te rave-’āmui-ra’a i te hō’ē ’ohipa. ’Ua riro te tere ho’oho’ora’a e mea fa’ahiahia roa, ’e ’ua ti’a ia mātou e mā’iti i te mau ’ū o te mau ’ahu taoto. ’Ua riro teie ’ohipa i tupu ’ei mea ’ārearea ’e te ’oa’oa.

Robert D., 9 matahiti

’Ua au roa mātou i te hi’ora’a i te hōho’a mata ’ata’ata o te mau vahine o tā mātou pāroita, ’a hōro’a ai mātou ia rātou i te mau ’ahu ta’oto.

Mika ’e Hyrum M., 10 ’e 8 matahiti

’Ua ’oa’oa roa vau i te ravera’a i te hō’ē ’ohipa maita’i nō te mau ta’ata pa’ari o tā mātou pāroita.

Miley N., 8 matahiti

Pia i te PDF

Fa’ahōho’ara’a nā Sophie Loren Moran. E nehenehe e nene’ihia nō te fa’a’ohipa noa i te fare purera’a.