Mose te peropheta

E ’āti ’Īserā’ela Mose, ’ua fa’a’amuhia rā ’oia e te tamāhine a Phara’o i ’Aiphiti. ’Ua ’oto Mose nō te ’ino rahi o te mau ta’ata nō ’Aiphiti i ni’a i te mau ’āti ’Īserā’ela, ’e tei fa’arirohia nā rātou ’ei tītī.

I te hō’ē mahana, ’ua ’ite atu Mose i te hō’ē ta’ata ’Aiphiti i te tūpa’ira’a i te hō’ē ’āti ’Īserā’ela. ’Ua pāruru Mose i te ’āti ’Īserā’ela.

I tō Phara’o ’itera’a mai i te reira, ’ua hina’aro ’oia e taparahi pohe ia Mose, ’ua horo ’ē atu rā Mose ia ’Aiphiti.

’Ua haere Mose i te hō’ē vāhi tei pi’ihia ’o Midiana, i reira ’ua fārerei atu ’oia i te hō’ē vahine ’o Zipora te i’oa. ’Ua fa’aipoipo rāua ’e ’ua fānau i te mau tamari’i.

’A ora noa ai ’oia i Midiana, ’ua ’ite Mose i te hō’ē pū ’aihere e ura ra, ’aita rā te auahi e nīnā ra i te pū ’aihere. ’Ua fā mai te Fatu i roto i te auahi ’e ’ua paraparau ia Mose.

’Ua parau te Fatu, ’ua ’ite ’oia tē mamae nei te ’āti ’Īserā’ela i ’Aiphiti. ’Ua fa’aue ’oia ia Mose ’ia ho’i i ’Aiphiti ’e ’ia parau ia Phara’o ’ia vaiiho i te ’āti ’Īserā’ela ’ia ti’amā. ’Ua parau te Fatu e tauturu ’oia ia Mose ’ia fa’aora i te ’āti ’Īserā’ela, ’e e arata’i ia rātou i te hō’ē fenua i parauhia ra.