Te poro hāmanira’a tao’a nō Pāsa

I roto i te mau tuha’a e rave rahi o te ao nei, tei roto te tūripa i te ’āna’ira’a o te mau tiare mātāmua e ’ūa’a i te pu’e tau fa’atupura’a rā’au. Nō te reira, e tāpa’o te mau tūripa nō te fānaura’a ’āpī ’e e fa’aha’amana’o ia tātou i te tusia a Iesu Mesia. ’Ia hara ana’e tātou, e nehenehe tātou e tātarahapa ’e e fānau-fa’ahou-hia i te pae vārua !

1. Tūfetu i te hō’ē ’api parau ’ōrapa nā te rēni tū’atiporo nō te hāmani i te hō’ē porotoru.

2. ’A tu’u te pae roa a’e i raro ’e ’a tūfetu i te ’oe’oe ’atau i raro ma te ha’apa’o maita’i ’eiaha te reira ia nā ni’a atu i te ’oe’oe i ni’a atu.

3. Tūfetu i te pae ’aui mai te reira te huru mai te ta’ahira’a piti.

4. ’A fa’ahuri i tā ’oe ’api parau. E ti’a i nā ’oe’oera’a mau ’ia vai i ni’a.

5. Tūfetu fa’ahou i te ’oe’oe o te porotoru nā te pae tāta’itahi.

6. ’A huri fa’ahou i tā ’oe ’api parau nō te hi’o i tā ’oe tūripa ! I muri iho ’a tāpiri i te reira i ni’a i te hō’ē ’api parau.

Nō te hāmani i te ’āma’a tiare, ’a tāpūpū i te ’api parau matie, ’a ’ite mai te mau rau’ere i rāpae nō te tāpiri i ni’a iho, ’aore rā ’a pāpa’i hōho’a i tō ’oe iho !

’Ua ’ite ānei ’oe ē, e nehenehe te mau huero moa e fa’aha’amana’o ia tātou i te ora ’āpī ? ’A fa’aineine i teie rauota huero moa nō te tauturu ia ’oe, ’ia ha’amana’o i te ti’afa’ahoura’a o Iesu Mesia !

1. Ma te tauturuhia e hō’ē ta’ata pa’ari, ’a tunu e 6 e tae atu e 8 huero moa i te roara’a 10 minuti.

2. E vaiiho i te mau huero moa ’ia to’eto’e, i muri iho ’a hōhore ’e ’a tāpūpū fa’ana’ina’i i te reira.

3. I roto i te hō’ē ’āu’a, e ’āno’i i te huero moa tāpūpūhia ’e te 1 punu taipu rahi tinapi ’e e 1/4 ’āu’a māio. Tūtū i te miti popa’a, te pēpa ’e te pāpirika ’e ’a fa’arapu maita’i fa’ahou.

4. ’A parai i te reira i ni’a i te faraoa ’aore rā i ni’a i te faraoa pa’apa’a ’e ’a ’amu maita’i !