Rātere nā roto i te hepetoma mo’a

I te sābati nō te ’āma’a tāmara, ’ua fa’ari’i te mau ta’ata ia Iesu Mesia i tōna taera’a i Ierusalema. ’Ua tuō rātou « Hosana » nō te fa’ahanahana. Hosana e ta’o Hebera ïa nō te « ani e fa’aora ia mātou ».

I te pō nō te tāmā’ara’a hope’a, ’ua horoi Iesu i te ’āvae o tāna mau pipi. ’Ua fa’a’ite ’oia i te hō’ē hi’ora’a o te tāvinira’a ha’eha’a nō tātou ’ia pe’e.

I te ’ō nō Getesemane, ’ua pure Iesu Mesia ’e ’ua putapū i te mau māuiui ’e te mau fifi o te ta’ata tāta’itahi. ’Ua māuiui ’oia nō tā tātou mau hara.

’Ua ani Iosepha nō Arimataea e nehenehe ānei tāna e aupuru i te tino o Iesu Mesia i muri a’e i tōna pohera’a. ’Ua hōro’a Iosepha i tōna iho mēnema ’āpī nō Iesu ’ei hō’ē vāhi fa’afa’aeara’a maita’i.

’O Maria i Magadala te ta’ata mātāmua tei ’ite i te Fa’aora i muri a’e i tōna ti’afa’ahoura’a. ’Ua horo atu ’oia e fa’a’ite i te mau ’āpōsetolo i te parau ’āpī maita’i !

I muri a’e i tōna pohera’a, ’ua fārerei Iesu Mesia i tāna « mau māmoe ’ē atu » ’ati a’e te ao nei. Hō’ē vāhi tāna i haere atu i te fenua Amerika. ’Ua ’ite rātou i te mau pēpē i roto i tōna nā rima ’e te ’āvae ’e ’ua ’ite ē ’o ’oia te Fa’aora tei ti’afa’ahou.