Si Noe ug ang Arka

Si Noe ug ang iyang pamilya misunod sa Ginoo. Ang ubang mga tawo hilabihan ka daotan. Ang Ginoo misulti ni Noe nga usa ka lunop motabon sa yuta kon ang mga katawhan dili maghinulsol.

Gisultihan ni Noe ang mga tawo nga ang Ginoo nahigugma kanila ug gusto kanila nga maghinulsol ug magbaton og pagtuo ni Jesukristo. Dili sila maminaw.

Gisultihan sa Ginoo si Noe sa paghimo og dakong barko nga gitawag og arka. Ang arka mopahimutang sa pamilya ni Noe nga luwas sa panahon sa lunop.

Ang pamilya ni Noe nagdala og mga pagkaon ngadto sa arka. Ang Ginoo nagpadala og labing menos tagduha ka hayop sa matag matang alang kang Noe nga pasudlon sa arka. Dayon nagsugod ang ulan.

Miulan sulod sa 40 ka adlaw ug 40 ka gabii. Usa ka lunop ang mitabon sa yuta, sama sa gipasidaan sa Ginoo.

Ang pamilya ni Noe ug ang tanang mga hayop diha sa arka milutaw nga luwas ibabaw sa tubig.

Sa dihang natapos ang lunop, ang arka milandig sa uga nga yuta. Si Noe ug ang iyang pamilya nagpasalamat sa Ginoo sa pagpanalipod kanila. Ang Ginoo misaad nga dili na gayod mopalunop sa yuta pag-usab. Mipadala Siya og bangaw isip pahinumdom sa Iyang saad.