Mga Lakang Subay sa Dalan

Ni Presidente Dallin H. Oaks

Unang Magtatambag sa Unang Kapangulohan

Gikuha gikan sa “Balaanon nga mga Tabang alang sa Mortalidad,” Liahona, Mayo 2025, 104–106.

litrato sa batang lalaki nga nagpiyong ug nagkuyogpos ug duha ka lalaki nga mipahimutang sa ilang mga kamot sa iyang ulo

Ang atong Langitnong Amahan gusto nga tanan sa Iyang mga anak makabalik sa pagpuyo uban Kaniya. Ang mga ordinansa ug ang mga pakigsaad mao ang gikinahanglang mga lakang ug luwas nga mga gunitanan subay sa dalan.

Kon mohimo kita og mga pakigsaad, nagsaad kita nga motuman sa Iyang mga sugo. Ang labing taas nga mga panalangin ihatag niadtong mohimo ug motuman niana nga mga saad.

Ang atong bahin sa plano sa Langitnong Amahan mao ang pagsalig Kaniya ug paggamit sa mga gasa nga Iyang gipanalangin kanato. Diha sa dalan sa pakigsaad, mas mahiduol kita sa atong Manluluwas ug makadawat sa Iyang gahom sa pagtabang kanato diha sa atong dalan.

Liko-liko nga Dalan Padulong sa Pakigsaad

Pangitaa ang dalan subay sa maze padulong sa imong langitnon nga panimalay. Samtang moagi ka sa matag ordinansa, hunahunaa ang mga panalangin nga imong nadawat gikan niini.