Si Jesus Misimba

Gitudlo ni Jesukristo nga importante ang pag-adto sa simbahan (tan-awa sa Doktrina ug mga Pakigsaad 20:55, 75). Sa Simbahan makaambit kita sa sakramento ug magkat-on mahitungod sa ebanghelyo. Pagdrowing og litrato sa unsay imong ganahan mahitungod sa simbahan.

Sa ubos mao ang mga litrato sa mga butang nga imong mahimo didto sa simbahan o sa balay panahon sa Igpapahulay aron sa paghunahuna mahitungod ni Jesus ug paggahin og panahon sa imong pamilya. Pagbutang og lapis nga pinahigda diha sa tunga sa mga litrato ug dayon patuyoka ang lapis. Kon mohunong na, buhata ang kalihokan nga napunting niini. Makahimo ka og daghan kutob sa imong gusto!

• Mopakigbahin sa imong pagpamatuod

• Motan-aw og pang-Simbahan nga video

• Motabang sa usa ka titser sa Primary

• Maglakawlakaw aron motan-aw sa palibot

• Mobisita og silingan

• Magbasa sa mga kasulatan

• Maghimo og kard alang sa usa ka tawo

• Mokanta og mga kanta sa Primary

Ablihan ang PDF

Mga paghulagway pinaagi ni Rachel Erickson