“Akong Bunyag,” Higala, Pebrero 2026, 17.

Akong Bunyag

Ni Henry M., edad 8, Massachusetts, USA

Paghulagway sa usa ka batang lalaki nga nagbarog sa lingkoranan nga nagtan-aw sa usa ka hulagway sa Manluluwas

Sa milabayng ting-init, gibunyagan ko. Ang tubig labihan kainit. Dihang gipakawas ko sa akong papa gikan sa tubig, nindot kaayo ang akong gibati sa sulod. Ang Espiritu Santo mipamatuod nga naghimo ako sa unsay gusto sa Langitnong Amahan nga akong buhaton. Nalipay kaayo ko.

Dihang gibunyagan ko, mihimo ako og pakigsaad, o balos-balos [two-way] nga saad, uban sa Langitnong Amahan nga Siya akong sundon ug motuman sa Iyang mga sugo. Misaad Siya nga motabang kanako ug mogiya kanako pinaagi sa gasa sa Espiritu Santo.

Human sa akong bunyag, gihangop ko ni bishop isip miyembro sa Simbahan ug gitudloan ko og usa ka leksiyon. Gihangyo ko niya nga mobarog patong sa usa ka lingkoranan ug motan-aw sa litrato ni Jesukristo nga gibitay dapit sa bongbong. Usab akong makita ang repleksiyon sa akong kaugalingon sa bildo nga naa sa picture frame. Nagtudlo kini nako nga si Jesus kanunay nga makig-uban nako kon ako magkinahanglan Kaniya.

Nasayod ko nga ang pagpabunyag usa ka talagsaon nga butang. Nalipay kaayo ko nga nakahimo ko og desisyon nga magpabunyag, ug nasayod ko nga kamo malipay kon kini usab inyong buhaton!